OSEA 5:6 - Nanduk Ngget Tul Pidnak Wene

⁶ Ir-e Nagawan Indo kore yil mborogolar-e, at amanggim wosa puwokluk lomba min sapi min waruk mbitli-t nde, ereba oboksa-ge ebe lak mende kwat yusu-o. Nagawan Indo-ge ir-e mondok keya inpidnak me, it-nen-e Nagawan Indo-ge mondok kali bug-o.

OSEA 5:6 ပူးပေါင်းရင်းမြစ်များ

MBIRIGA WENE 10:9

Musa-nen onggo yosolar-e: ”Nir-e Nenagawan Indo kek tak pogolat inik inik nggok sagurak me, nit oboksa sujwe min indi worak min, ninlirak oboksa min nonowam lomba min kambing min sapi min oboksa waruk mburul-o” yij-o.

NGGOMO WENE 1:28

Kit kenpem iri nggal mbosola tarem-e kit-nen-e inndi nggat nggat elem an neram wene mbo bil lagub-et nde, an-e kit kenne ereb-e nggarimin pug-o. Kit-nen-e an nogwere-ge nin me nan me yugub-et nde, mondok neyagup pug-o.

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

YEREMIA 14:12

It iri-ge an-nen yongga unduwakluk, nunggwi mende keya buruk, an nemengen nak mbal tenak wolma-t nde, it enne-ge mondok kulimin pug-o. It-nen an namanggim wam wosa kan pogolat, nggandum mbato pogolat kwaruwa-t nde, ereba puwa ereba-ge nindingen tak pimin pug-o. Alat nde, an-nen lak tak onposolar-e, wim abi bem-nen na, nogoro bem-nen na, kugwi lare bem-nen na lak tak onposolat irit kwarimin-o” luk yij-o.

YEREMIA 7:4

Enesiget yugwi nap-nen yogolar-e: ”Nir-e yamuksa worali yu-ge ndemeret Mbal Pem Nagawan uwi-net yusu-o!” luk watsa kenan pem-et yogola-ge, ndemerer-o luk, kulurak pug-o.

AMOS 8:12

An-nen yidnak wene kore waring kagolar-e, abare abam (utara) nggwe-nen abare ena (selatan) nggwe mborogolat, mo luwaso (timur) nggwe-nen mo mboso (barat) nggwe mborogolat kwaruwa-t nde, an-nen yidnak wene-ge mondok kuluwa bug-o.

MIKA 3:4

Kit-nen kenne nggoksa ”Nagawan Indo wa-e. Yongga nindi-o” luk Nagawan Indo emengen mbarurak tarem wok yosola, emengen mbarugub-et nde, kenne ereb-e nggaruwa bug-o. Kir-e meya nak kwarogolat woragwi me, kit-nen tepan yugup na kuluwa bug-er-o.

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

LUKAS 5:16

Nde, Yesus na-ge ap unsune lak ma arikmu mberarik, tepan yij-o.

YOANES 7:34

Nde, kit-nen an woramin sa iri me wok momtag-e meya me, kir-e an nogore yugub-et nde, neyagit lak yugub-o” luk yij-o.