OSEA 5:3 - Nanduk Ngget Tul Pidnak Wene

³ Isarael nap wa-e. An-e kit-nen kwarugwi min kit-nen woragwi kenpage min mondok oboksa naru-o. An nerengen pem-e kit-nen kura burag-e mondok meya-nen yusu-o. Kir-e kugwiwak nak erembel wanogolat, tugup lak an nimin worali buk iri-nen ndowaga kit-nen an nerembel wanurag-e meya-o” luk yij-o.

OSEA 5:3 ပူးပေါင်းရင်းမြစ်များ

YESAYA 7:16

Iri nggal kwat yigit lak worala-ge, kat-nen enaye kasu nagawan mberen ereya na-nen tena worali unuwi ereya-ge o nak kugun ngguma-o.

YESAYA 7:17

Nanduk Isarael min Yewura min ngara mberen yogolat-nen anggun panggun kerenak woraiga kuri-nen yawo kuri-nen kagolat worali-ge te-t nde, Nagawan Indo-nen-e Asiut nagawan iri na pil lobok yuwama, kat min kowe kowot min kat kuwokma woragwi nap min-e o nda yidnak irit wosa mondok anggun panggun kwiye worak kagolat woragup iri-ge terak minik-net yusu-o.

YESAYA 7:5

Nde, Siria nap-nen-e Isarael nap min it-nen idnak nagawan min inmin kundurak wene mbariga-o.

OSEA 1:2

Mondok mondog-et Nagawan Indo-nen Isarael nap wene yak ondosolar-e, an nemndam tak pij-o. Nagawan Indo-nen yosolar-e: ”Osea wa-e. Kar-e mburugundik, ap inmin terak noso kwe misik wani-o. Kilirak na iniya nggal nag-et kwat ma-o. Nde, an nilirak Isarael nab-e kat kogwe iri nggal nag-et kwarogolar-e, an nimin tugup lak woragit lak, keya nibili-o” luk yij-o.

OSEA 13:1

Nde, nandug-e it enlem Eperaim iri-ge kek tak onpogolat, it enlem Eperaim iri-nen nde wene wirik pogola-ge, Isarael nap ennggendumu enlem erep ereba na-ge kwiye-nen tebek yugwi-t nde, enlem Eperaim iri na-ge kugwi Mbaal iri na erembel wanogolar-e, meya yiga-o. Iri bem-e it enlem iri-ge lak ma-o.

OSEA 13:5

Nggweyak amburu lak sa nembaga ereba-net an-e kir-e ndegel konposolat woragi-o.

OSEA 5:11

Nde, Isarael nab-e lel mberel inpili-o. Ndemeret it yongga undurag-e meya-t nde, yongga undurak pem mondok eyanggo lak lembesa nggi yogola karuk, onnggweyag-e innggem-nen waniga-o.

OSEA 5:13

Nde, it enlem Isarael min Yewura min wat kerak mbogolat, indidnak ud ereba na mbel karug-e, Isarael nab-e Asiut nagawan kek tak-nen yongga unduwakluk yonggo Asiut mbiriga-o. Alat nde, Asiut nagawan iri-nen-e yongga na indigit lak, indidnak ud iri na ambut tak purag-e meya-o.

OSEA 5:9

Isarael nap enpem wene mbarurak tarem-e wok ma me, Isarael nab-e mondok lak ma-o. Isarael nap wa-e. Kwara koler-o. Wene iri-ge kwar-et ma-o.

OSEA 6:10

Nde, Isarael iri me-ge an-nen yik kasolar-e, mondok meya nggok misik kwarogola kasu-o. Nde, iri-ge an nilirag-e it ondomok kopkap tobok tak pogolar-e, kugwiwak erembel wanili-o.

OSEA 6:4

Alat nde, Nagawan Indo-nen yosolar-e: ”Kit Isarael nap min Yewura nap min wa-e. Kit-nen an nabuwa kagwi-ge kuplila o age min lilangen min ndag-et nak lak yusu iri na nggal me, an-e kit kinmin-e ngge nggal kwarimin-o?

AMOS 3:2

”Nggweyakma yu me-nen yi nap ndi nap oboksa ennggendumu-nen kit kenlem misiget yu nak perak an-nen kinmin kondosolat, lombot konposolat worasu-o. Iri-nen ndowaga kit-nen meya kwatli-ge meya nggog-et kwarogola karuk, ndemeret an-nen angin worak mondok kenpem pimin-o” luk yij-o.

AMOS 5:12

Kit-nen mondok meya kwarat kwatli min kit-nen kwarat lugud tak kwatli mim ereba-ge an-e naru-o. Kit-nen konak nap ereba na lel mberel onpogolat, kir-e onggo wok kondosoma, insilobulo lak nab-e keya onposoma, ap enpem wene mbarugwi sa-nen lugud tak kwat inpili-o.

TUGURUK YIDNAK WENE 33:17

Yusup amawi iri-ge sapi kusi misik amawi nggal-nen yusu-o. Nde, at anggul ambo-ge sapi kusi erengen kege anggul ambo ponok nggwe iri nggal-e, Manase nap enpe kwarat (ribuan), nde, ponok nggwe nggal-e Eperaim nap kwarat, ribuan ombol nggwe terak minik iri ndak ndak-nen yusu-o. Anggul ambo iri na-nen kundugu onposolar-e, yi ap ndi ab-e yimik yaga inggi inggi rak onposo-o” luk yij-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

NAM PARA WENE 3:15

Kit-nen kwatli iri-ge an-e naru-o. Kir-e embem na lak, kol na lak worali iri-ge an-e naru-o. Nde, kir-e embem-a? Are, kol-a? Nggal woragolar-e ob-et nde,