OSEA 5:13 - Nanduk Ngget Tul Pidnak Wene

¹³ Nde, it enlem Isarael min Yewura min wat kerak mbogolat, indidnak ud ereba na mbel karug-e, Isarael nab-e Asiut nagawan kek tak-nen yongga unduwakluk yonggo Asiut mbiriga-o. Alat nde, Asiut nagawan iri-nen-e yongga na indigit lak, indidnak ud iri na ambut tak purag-e meya-o.

OSEA 5:13 ပူးပေါင်းရင်းမြစ်များ

OSEA 14:3

Nde, kir-e tuguruk Nagawan Indo eram mborogolat, tepan yu-ge at amanggim pugwi mende pidnak nggal tepan yer-o. Tepan yogolat-nen yogolar-e: ”Nagawan Indo wa-e. Nit-nen meya lugud tak kwarugwi-ge kamberam tak posolat, nit tepan yili-ge kuli-o. Iri yosola, nir-e nit-nen ’Iri nggal kwarul-o’ luk urul pige ndak ndag-et kat kerembel wanul-o.

OSEA 2:7

At iri-ge at indi kundik ereba na langgal unpuruk, muk iniyujwa-t nde, it endam-e wok ma bug-o. At-nen-e onkore yuwa-t nde, iniyujwa bug-o. Iri ala karuk, at-nen yosolar-e: ’Nandug-e nerem nun min-e yu nggal-e woraso buk, konag-et woraso yu na-t nde! Tuguruk nerem nun eram mbereyeg-a’ luk yuwa-o.

OSEA 7:11

Isarael nab-e towe merepati num kum tak-nen loboklik mbitlik tenak worasu ereba na nggal loboklik mbitlik kwat tenak worali-o. It nap-nen-e nanduk nandug-e yongga unduwakluk Mesira nggi yak indiga-o. Nde, imbirig-e, Asiut nap endam mbiriga-o!

MIKA 1:9

Iri kwarimin iri-ge Samaria iri me-nen yidnak ud ereba na-ge mondok ambut tak purak na mondok meya-o. Iri-nen Yewura nap na iri nggal-et enpem mbosolat ma-o. Iri nggal kwarosolar-e, an nelem nap enma Yerusalem pak tumende bem nggin yusu iri bem-nen kwarimin-o.