OSEA 4:6 - Nanduk Ngget Tul Pidnak Wene

⁶ Tepan ombo kit-nen-e an-e no mende nggal kinsili rak nibili-o. Iri kwarogola-ge, an nilirak-nen na an-e no mende nggal tag-et nibili me, enlengenwak lak yili-o. Kir-e an-nen mul kindidnak wene mondok keya bili-o. Iri yogola karuk, an-nen na kir-e keya konposolat, kit kinlirak na an-nen-e an-nen idnak tepan ombo luk enperamin pug-o.

OSEA 4:6 ပူးပေါင်းရင်းမြစ်များ

NDAWI ENGGA 119:139

An nimin sirid nab-e kat-nen mul ondoso wene ereba na-ge meme rak pogola karuk, an nisilepma-ge narem ket mbet mbusu-o.

YESAYA 1:3

Sapi wam-e at ombo iri na-ge aru-t woraso-o. Nde, kelerai-nen na at ombo iri na-net at-nen naso mende norak ondoro kona bidnak iri na-ge aru-t woraso-o. Alat nde, Isarael nab-e iri nggal-e lag-o. Ir-e mondok yebet kali bug-o” luk yij-o.

YESAYA 28:7

Mbal Pem Nagawan ene lomboksa yugwi nap min tepan omborak min-e anggut engen amburu ndonggosa nonggolar-e, inndi lak lak yogolar-e, tula-ge ya landok nak nili-o. Nde, Mbal Pem Nagawan ene lomboksa yugwi nab-e Mbal Pem Nagawan-nen nabi nggal pem mirik inpidnak ereba na-ge kwara yebet kali bug-o. Nde, tepan omborag-e it-nen wene nggaruksa mbaruwa-o luk ap-nen wene mbenaruwakluk enpem pugwi-t nde, it-nen-e wene nggaruksa mbarurag-e meya-o.

YESAYA 45:20

Nagawan Indo-nen yosolar-e: ”Kit ap enlem oboksa ennggendumu kenlengenwak worali nap oboksa-nen ndak worak puruk, lambuksa misik mu lobok yer-o! Kugwiwak e bem-nen ndak wiridnak ereba waruk nogolat, at iri-nen inmiri yurag-e lag-et nde, iri na eram tepan yogolat kwatli nab-e mondok wid-nen yili-o.

YEREMIA 2:8

Nde, it tepan ombo-nen-e: ’Nit-nen idnak Nagawan Indo-ge ngge me worasu-o?’ luk yak nirigit lak, imiri mbarak pidnak wene kek tak pugwi nap-nen na an-e enaru bug-et woraiga-o. It tena unpuruk woragwi kek tak-nen na an nimin nak wim mbarogolat, it an nene lomboksa yugwi nap-nen na Mbaal kugwi unu bem wene yogolat, kugwiwak ebe lak mende ereba na nde erembel wanogolat woraiga-o” luk yij-o.

OSEA 13:6

Alat nde, kir-e o konak ma woragolat, yi mende ndi mende ndak kinmbitsa woragolar-e, kir-e kinndi kek yogolat, an-e meme rak nibigeb-o.

OSEA 2:13

At-nen yi tarem ndi tarem ereba na-ge kugwi Mbaal enmanggim nak emben konak mende kan perenak worasolat, inmin nene yoso nap ereba na langgal unpuruk mbururak pem nak imirik umuruk puruk langgal unpuruk mborosolat, ereba kwarurak nak nggok tak puruk an-e mondok abu abu meme rak noboso bem-e an-e angin worak mende ebem pimin-o. Nagawan Indo an-net yusu-o” luk yij-o.

OSEA 4:1

Nde, Nagawan Indo-ge o yu me woragwi nap enpem wene pusu-o. Isarael wa-e. At-nen yusu wene-ge kwara kuli-o. At-nen yosolar-e: ”O yu me-ge tugup lak yidnak yidnak kwarugwi elem min enabuwa kagwi elem min-e mondok lag-o. Iri-nen yu me woragwi nab-e an nimin-e ’Ar-e nit Nenmbal Pem Nagawan-net yusu-o’ luk para yili bug-o.

OSEA 4:12

Nde, ir-e tu mirik kunpurak kore yogolar-e, e abare mbarak ereba na min wangun min yak kunduwakluk kin wok ibili-o! Kir-e kweyap-nen ununtak keya unpuruk, terak waring kagwi nggal, kir-e an keya nuburuk, kit kenpe-ge kegera kugwiwak ereba na wok tili-o.

OSEA 4:14

Alat nde, an-nen-e it-nen kwatli iri bem-e angin worak enpem pimin pug-o. Iri kwatli iri-ge kit-nen na kugwiwak uwi ereba me yabu wanogolat, mbabi yugwi kweyap ereba na endam mborogolat, it inmin totno kugwiwak ereba na amanggim wam wosa kan pogolat kwatli iri bem-nen it enpem wene pimin pug-o. ’Mbal Pem Nagawan-nen yidnak wene kwara yebet kagwi buk enlem ereba-ge mondok lag-et ma-o’ luk yugwi na-ge ndemerer-o.

OSEA 5:4

Isarael nap-nen meya kwat tenak worali iri-nen ndowaga, it iri-ge tuguruk nden karuk Enmbal Pem Nagawan eram lobok yurak meya yusu-o. It iri-ge kugwiwak erembel wanugwi iri-nen inggiyapma rak inpidnak worali-o. Iri kwarak woragolat me, Nagawan Indo iri-ge no mende nggal tak ibili-o.

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

OSEA 7:11

Isarael nab-e towe merepati num kum tak-nen loboklik mbitlik tenak worasu ereba na nggal loboklik mbitlik kwat tenak worali-o. It nap-nen-e nanduk nandug-e yongga unduwakluk Mesira nggi yak indiga-o. Nde, imbirig-e, Asiut nap endam mbiriga-o!

OSEA 7:9

Nde, it-nen-e: ’Nir-e enlem nin nap inmin kondogolar-e, nit nenmawi lak yusu-o’ luk iri nggal-e yebet kali bug-o. Iri kwarogolar-e, it-nen wolmomtag-e poro yusu-t nde, ir-e enaru buk worali-o.

OSEA 8:1

MATIUS 1:6

Isai-nen-e Nagawan Ndaud ndet ibij-o. Ndaud-nen Uria ogwe wanarik-nen-e Salomo ndet ibiga-o.

MATIUS 15:14

It Parisi enlengen ngguru-nen ap lit eneyaruk mbitli iri-ge keyap tak enper-o. Nde, enlengen ngguru-nen enlengen ngguru ininggi waruk mburukmu-ge, it enmbereg-et mbunmu yoboksa mbuwa-o” luk yij-o.

MATIUS 15:8

’It ap elem yu-ge enmende nak-nen an nggok tak nibili-t nde, it inndi-ge erepma worasu-o.

1 SEMUEL 2:12

Eli ambararag-e Nagawan Indo indi aye lak tak puruk, mondok meya lombok kwarogolat woraiga-o.