OSEA 4:3 - Nanduk Ngget Tul Pidnak Wene

³ Iri bem-e o yu-ge amburu lak yosolat, yi mende ndi mende worasu-ge mondok wat ma-o. Urugup worak mende towe min nggweyak lok lok noso min yi koma arem woraso min oboksa wat ma-o” luk yij-o.

OSEA 4:3 ပူးပေါင်းရင်းမြစ်များ

YESAYA 33:9

O ereba na-ge keya bikma, pena lasolat, nde, o Libanon wal ereba na-ge merek yele mbosolat, Saron Mbirik alim worak iri na-ge nembaga karu nde kwat yosolat, Mbasan min Karamel Ndobo bem min-e engga kerengga lera ngguruk yosolat kwarusu-o.

YEREMIA 23:10

Nit woragwi sa nenma-ge Nagawan Indo-nen yidnak yidnak kwarugwi buk nab-e kwarat kobong tak worali-o. Ir-e meya nak kwat tenak woragolar-e, it-nen ap tena unpuruk woragolar-e, kasa ereba kwat tenak worali-o. Iri kwarogola, Nagawan Indo-nen imbiri lamut tak onposolar-e, tusuangge oboksa umbuk yosola, o oboksa-nen inndi puru bera yogolat worali-o.

YEREMIA 9:10

Yosoloma, Yeremia-nen yosolar-e: ”Wam tusuangge taroso sa ereba min ndobo bem min-e umbuk merek lesa labuk yosolat, ap na iri nggwe mbirigit lak yogolat ala karuk, an-e abuwa-nen yip tosolat, tabun pimin-o. Nde, iri me-ge wam ene na mondok kuligit lak yogolat, towe mena na ndegera mborosolat, lak yij-o” luk yigi-o.

YEREMIA 9:9

Ap enlem yu nggal enpem it-nen kwarugwi ndak ndak onggo pigit lak keya inpimin-a? It-nen kwarugwi onggo-ge mondok pimin-er-o. Nagawan Indo an-net wene yusu-o” luk yij-o.

YOEL 1:18

Nde, sapi ereba na-ge at norak tusuangge lak me, no norak nggal yosolat ini ene mbusu-o. Lomba wam oro ereba na-ge meya yi li mbusu-o.

AMOS 1:2

Amos-nen yid wene-ge yu-o: ”Nagawan Indo-ge Sion ndobo bem-nen urum ene ngol yosolat, Yerusalem-nen ene o nggu nggal yosolat yusu-o. Tusuangge ereba na-ge mondok umbuk le yosolat, nde, tusuangge Karamel Ndobo bem ereba na-ge merek le yij-o” luk yij-o.

AMOS 5:16

Nagawan Indo Mbal Pem Nagawan Mondok Amawi worak iri na-nen yosolar-e: ”O siri tula tula ereba-ge ab-e inndi puru-nen yip togolat yane wuruwa-o. It yabu wanugwi nap min-et ap wat yidnak ereba na unpud yip tuwakluk onggo wok indidnak ereba na inmin ap wat yidnak iri na ubud yip tuwakluk wene mbo unpuwa-o.

AMOS 8:8

Nggweyak min lele yosolat, ap oboksa-nen unmud-nen yane worogolat, o oboksa-nen ye le mbogolat, Yi Nil-nen kwaroso nggal-et nden penden mbuwa-o.