OSEA 4:2 - Nanduk Ngget Tul Pidnak Wene

² Ir-e ’Irit mul-o’ luk owak mbatli-t nde, owak mbaridnak iri na ndak ndag-e kwatli bug-o. Ir-e ennesiget yogolat, ap worogolat, yariya wanogolat, mbabi kwarogolat, yi meya ndi meya kwarat kwarogolat, ap nak ebem lud lud wat tenak woragolat worali-o.

OSEA 4:2 ပူးပေါင်းရင်းမြစ်များ

NDAK WIRIDNAK WENE 4:8

Yak tosoloma, Kain na-nen owot Abel yak tosolar-e: ”Yapmu mburuwog-o” luk mbirigarik, yapmu wok yogolar-e, Kain-nen owot Abel na-ge wirij-o.

OSEA 5:2

Sitim iri me mbun mondok yubuk tak iri na nggal kwat yili-o. Iri kwatli iri bem-e kit oboksa angin worak kenpem pimin-o.

OSEA 6:8

O siri Nggileat iri-ge meya kwarugwi nap min ap wurugwi nap min nak kobong tak worali-o.

OSEA 6:9

Nde, tepan ombo o siri iri me woragwi nab-e ap nden unpugwi nap-nen ap iri nggwe mborogola nden unpurak tulabiyem pak tak ndok worak woragwi nggal-nen yili-o. O marak iri na me mburugwi tulabiyem Sikem-nen na ap ondogolat worali-o! Yi meya ndi meya ereba-ge inndi-net kwarogolat worali-o.

OSEA 7:1

Nagawan Indo-nen yosolar-e: ”An-nen-e pempa an nilirak Isarael nab-e ki rak onposolat, tuguruk nanduk-nen woragwi nggal ondolma rak onposolat kwareyekluk yosoma-t nde, an-nen yik kasoma-ge, it-nen lugudtak kwarugwi min meya kwarugwi min nak kasu-o. Ir-e it na it-net enmberam lagolat, yariya wanurak pem ap enma nak nggogolat, tula tula ereba na me-nen ap nak nden enperenak worali-o.

OSEA 7:3

Nagawan Indo-nen yosolar-e: ”Ap iri me woragwi nap-nen-e meya nak kwarugwi iri na bem nagawan min at eyabu wanugwi nap ereba na min ennesiget enmberam lagolat, enalen tak pili-o.

OSEA 7:4

It oboksa-ge tugup lak woragwi buk, enmberam lagwi-nen yili-o. Nde, it insilepma-ge oroti worakwi nap-nen oroti omok wosa lid lud tak pidnak ereba na woraguwokluk kan mabugwi iri me mabidnak pakit lak monosolat woraso iri na nggal-nen yusu-o.

MIKA 3:2

kir-e konak kwarurak iri na-ge kinsili rak nde pili-o. Nde, meya kwarurag-e kinndingen nde yusu-o. Kit-nen-e an nelem nab-e unlug-et woragola, enaboro nggorogolat, onowak pem-nen ununo lobonogolat kwatli-o.

MIKA 3:9

Kit Isarael nap ennggendumu-nen kenne kulugwi nap wa-e. Kir-e mot mot kwarugwi ereba na kinsili rak pogolat, ndemeret kwarugwi ereba na-ge nden yaga nin tak pogolat kwarugwi kir-e an-nen yidnak wene yu kwara koler-o.

MIKA 6:10

Nde, meya yugwi nap enma-ge ap enmberam lagolat-nen wanidnak silobulo worasu-o. Iri kwarogolar-e, ndak wosa onggo wanugwi iri na lugudsa ndak wurugwi iri-ge an-e nisili kaso-o. Nde, iri kwarugwi nab-e an-nen angin worak enpem pimin-o.

MIKA 7:2

Nde, mot mot kwarugwi nab-e it woragwi sa-nen mondok lak yili-o. Nde, tugup lak Mbal Pem Nagawan-nen yidnak yidnak kwarugwi nab-e mondok misik mbi eneyagup pug-o. Nde, ap ondomoktak-nen-e ap wururak pem ondoro terak mbi wok yosola-nen unduwom-o luk yik karok worali-o. Ap ondomoktak-nen ennggamirak enmanggim sabu logo pil lobok yigarik worali-o.

MATIUS 23:35

Iri kwarogolar-e, lud tak nak kwaroso Abel wirid kuri Mbereka ambara Sakaria wirigep kuri lud tak nak kwarugwi nap oboksa eneyabi-ge kit konmbol pem-o. Nde, Sakaria na worogolar-e, Mbal Pem Nagawan uwi wok Mbal Pem Nagawan amanggim wam wosa pugwi sa wok enggendumu iri me-nen wirigeb-o.

YIDNAK YIDNAK WENE 7:52

Mbal Pem Nagawan ene lomboksa yugwi nap, kit kenlawingga-nen lel mberel inpigit lak nab-e ta rak nag-o? Konak Nab-et lobok yuwa-o luk urul pogolat woraiga nab-e kit kenlawingga-nen indiga-o. Nde, yawo kit-nen na Konak Nap iri iminep wisirik puruk wirigep nar-o.

1 TESALONIKA 2:15

Yawuri nap iri-nen-e Nagawan Indo Yesus worogolat, Mbal Pem Nagawan ene lomboksa yugwi nap na ondogolat, nit na lel mberel nonpogolat yiga-o. It iri-ge Mbal Pem Nagawan indi-n pidnag-e perali bug-o. Ap oboksa inmin na sirid mbarak worali-o.

NAM PARA WENE 17:6

Nde, an yik kaginggal-e, kwe iri na-ge Mbal Pem Nagawan ilirak min Yesus-ne yidnak yidnak kwarugwi bem-nen indidnak nap min eneyabi ndonggosa ninggidnak pem indi wawa yosola kagi-o. Nde, kwe iri na karug-e wir-o luk yigi-o.