OSEA 4:1 - Nanduk Ngget Tul Pidnak Wene

¹ Nde, Nagawan Indo-ge o yu me woragwi nap enpem wene pusu-o. Isarael wa-e. At-nen yusu wene-ge kwara kuli-o. At-nen yosolar-e: ”O yu me-ge tugup lak yidnak yidnak kwarugwi elem min enabuwa kagwi elem min-e mondok lag-o. Iri-nen yu me woragwi nab-e an nimin-e ’Ar-e nit Nenmbal Pem Nagawan-net yusu-o’ luk para yili bug-o.

OSEA 4:1 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

YESAYA 1:10

Yerusalem wa-e! Kat-nen idnak enne kulugwi nap min kat kilirak min-e Sorom nap min Nggomora nap min nggal kwat yili-o. Nagawan Indo-nen yak kundusu wene-ge kwara kuli-o. Nit Nenmbal Pem Nagawan-nen nggomo kurusu-ge kwara yebet ki-o.

YESAYA 1:18

Nagawan Indo-nen yosolar-e: ”Wene yu lak tak puwog-o. Kir-e meya kwarugwi iri na-nen ndowaga mimi kan ngen nggal-et nde, an-nen-e masa yeben mbin mare nggal loro mbereng tak kinpimin-o. Kit meya yidnag-e kwarat angin worag-et nde, kit meya yidnag-e abu abu nemberam tak pimin-o.

YESAYA 28:14

Ap nggweyel unpugwi nap Yerusalem iri me woragwi nap tena unpuruk woragwi nap wa-e. Nagawan Indo-nen yak kunduwa wene-ge kwara koler-o.

YESAYA 34:1

YESAYA 5:3

Iri ala karuk, nanggam iri na-nen yosolar-e: ”Kit Yerusalem woragwi nap min Yewura woragwi nap min kit oboksa-nen-e an min an-nen idnak anggut yabu min wene yu mbi mbenarer-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

YEREMIA 19:3

Nagawan Indo-nen yak norosola, an-nen yosolar-e: ”Yewura nap nagawan nagawan min Yerusalem woragwi nap min wa-e. Nagawan Indo Mondok Amawi Worak, Isarael nap Kenmbal Pem Nagawan an-nen yusu wene yu kwara koler-o. Ndemeret an-nen-e mondok lak tak onposo mende kwiye worak irit o yu me pil lobok yumu, iri obok kulurug-e, kwiye-nen wendet ma-o.

YEREMIA 2:4

Kit Yakup-nen wigarak, Isarael nap kenlem lombok wa-e. Nagawan Indo-nen yak kundusu wene kwara koler-o.

YEREMIA 2:9

Nagawan Indo-nen yosolar-e: ”Yawo-ge an nilirak enpem wene posolat, it-nen wigarak enpem-e wene mbenarimin-o.

YEREMIA 7:28

Iri ala karuk, kat-nen yak ondosolar-e: ’Kir-e Nagawan Indo Kenmbal Pem Nagawan-nen yidnak yidnak kwarugwi buk kenlem-o’ nak yak indi-o. It iri-ge it-nen kwarugwi bem onggo angin worak enpem pidnak ereba na bem-e inndi-ge kwara wanili bug-o. Ndemeret an-nen yidnak yidnak kwarugwi elem-e it enarem-e lak yosolat, enemnde bem-nen iri wene yurak tet mondok lak yidnak worasu-o” luk yij-o.

YEREMIA 9:20

Nde, an-nen yosolar-e: ”Kweyap oboksa wa-e. Nagawan Indo-nen yidnak wene kwara koler-o! Kinligwami-ge yip togolat-nen yugwi ndawi mul undurag-o. Nde, kennggamirag-e tabun puruk woragolat, yip lilan wanugwi ndawi mirik unpurag-o.

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

YEREMIA 9:7

Iri yogola karuk, Nagawan Indo Mondok Amawi Worak iri na-nen yosolar-e: ”An nilirak yu-ge mondok kona kopkap lak iminep mbara labuk makluk, logam abut mbarugwi nggal it inndi kasolat enabut mbarimin-o. Nde, an nilirak meya nak kwarogolat woragwi ereba-ge ereb-e no mende nggal kwat inpimin kene?

OSEA 5:1

Nagawan Indo-nen yosolar-e: ”Kit tepan omborak wa-e. Kwara koler-o! Isarael nap wa-e. Kwara yebet ker-o! Kit nagawan-nen wigarak wa-e. Kwara koler-o! Angin worag-e mondok kenpem mbuma-o. Iri mberak puwa iri-ge ndemerer-e kit-nen ap enpem wene mbenarogolar-e, mot mor-et mbenarurag-et nde, kir-e Mispa iri me ap ngonok tak unpurak sabu logo nggal kwat yogolat, Tabot ndobo bem sabu logo nggal kwat yogolat,

OSEA 5:4

Isarael nap-nen meya kwat tenak worali iri-nen ndowaga, it iri-ge tuguruk nden karuk Enmbal Pem Nagawan eram lobok yurak meya yusu-o. It iri-ge kugwiwak erembel wanugwi iri-nen inggiyapma rak inpidnak worali-o. Iri kwarak woragolat me, Nagawan Indo iri-ge no mende nggal tak ibili-o.

YOEL 1:2

Kit ap inndi worak-nen-e kwara koler-o. Yewura iri me woragwi nab-e kwara lombot per-o. Kit woragolat tarem-nen na irit, nanduk konmborak woragolat tarem-nen na irit, yu nggal-e kwar-et yoso-a?

AMOS 3:1

Nagawan Indo-nen lesa Mesira-nen wok kunpuruk lobok yid nap Isarael nap wa-e. Nagawan Indo-nen kenpem pidnak wene-ge kwara koler-o. Nagawan Indo-nen yosolar-e:

AMOS 7:16

Iri bem-e, Nagawan Indo-nen yak kurusu wene-ge kwara kuli-o. Kar-e an yak norosolar-e: ’Kat-nen enpem mbud yosolat aid wene yusu iri-ge keya burag-o’ yak nurusu iri bem

MIKA 6:2

Ndobo min nggweyak mabin min wa-e. ”It iri-ge meya iri nggal kwatli-o” luk Nagawan Indo-nen yuwa wene iri-ge kwara koler-o! At iri-ge at ilirak Isarael nap inmin wene worala, ”Ndak ngge kwarugub-o?” luk enpem kere yusu-o.

YOANES 8:55

Kir-e Mbal Pem Nagawan iri-ge kenaru bug-et nde, an-e naru-o. Nde, an-nen nde ’At naru bug-o’ luk yosolar-e, an-e kennesiget wene yugwi kit nggal-et teleb-o. Alat nde, an-e at naru-me, at-nen yidnak yidnag-et kwarusu-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

NAM PARA WENE 2:11

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, mberen pem tak posolat wat momtak elem iri-nen-e andi bandi rak unpuwa bug-o.”

NAM PARA WENE 2:29

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o!”