OSEA 3:4 - Nanduk Ngget Tul Pidnak Wene

⁴ Iri nggal-et kwasa Isarael nap na kwarat irit woragolar-e, nagawan na ennggendumu lak, it tu lit iniyudtak nap na lak, Nagawan Indo amanggim wosa pugwi na lak, erembel wanurak kerep sindik pigit lak, kugwiwak na lak, abok-nen kwat unpurak nam tak poso mende na lak irit wolma-o.

OSEA 3:4 ပူးပေါင်းရင်းမြစ်များ

NDAK WIRIDNAK WENE 31:19

Nde, iri tarem-e Laban na-ge olomba wam usu mbarosolat, wam parugu woraso sa ereba worala-ge, Arakel-nen-e eid Laban ogwela inmin inmiri yoso ugugwiwak kuraguruk mbirij-o.

NDAK WIRIDNAK WENE 31:34

Ereba na kwarosola-ge, Arakel na-ge eid ugugwiwak na-ge waga unta wam ombolwak pem mborogolat-nen silobulo yarak pugwi iri na arem yarak puruk, ebem tebesa koreyak worasoma, eid na nggwarik, o ma iri na me mbenarij-et nde, mondok kagit lag-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

2 SEMUEL 6:14

Nde, Ndaut-nen-e Nagawan Indo kek tak posolat alin alen min-et kot kasolar-e, ar-e sum linen sum-nen yagidnak poro misig-et inggiri ketsa keya buruk, kot kil mborosolat woragij-o.

2 NAGAWAN NAGAWAN-NEN KWARIDNAK WENE 23:24

”Iri nggal kwarurag-o” luk mbaridnak wene tepan ombo kek tak Ilkia-nen Nagawan Indo ama-nen kagaid engga iri na arem ndak ndak kwaruwakluk, kugwi tu mbarugwi nde ”Iri nggal kwat ma-o” luk urul pugwi nde oboksa Yerusalem-nen na irit, Yewura nggweyak pem iri me oboksa-nen na irit worali ereba na-ge Nagawan Yosia-nen langgara wirik inpij-o. Iri-nen enmarak-nen erembel wanugwi kugwiwak min kugwiwak erep min it-nen kek tak pugwi mende kek tak pogolat-nen kwarugwi murugwi silobulo ereba na min-e oboksa Yosia-nen-e mbo bij-o.

NDANIEL 12:11

O nda yidnak irit wosa Mbal Pem Nagawan amanggim wam wosa kan pugwi iri na lak tak puruk, unmunggum lera mboso mende unu-ge meya yigisa lak tak onposo mende iri na nggok tak puwa tarem-e 1.290 hari irit wolma-o.

NDANIEL 9:27

Olengen tuju ereya arem woragolar-e, nagawan iri na-nen-e ap kwarat inmin kondosolar-e: ’An-e kinmin kundik irit woramin-o’ luk kundik wolmomtak wene irit yak unduwa-o. Ereya na woragolat olengen enggendumu-ge Mbal Pem Nagawan amanggim wam wosa kan pogolat, amanggim pogolat kwarugwi ereba na-ge lak tak puwa-o. Iri kwarosolar-e, at-nen-e unu-ge unmunggum lera mboso mende unu-ge meya, enlengen lamburak nak kwarugwi mende iri na Nagawan Indo ama iri na me puwama, pempa iri me meya kwat tenak irit worakmu, iri-net meya iri iri me puwa nap iri na amanggim Mbal Pem Nagawan-nen lak tak onposo mende at lak tak uburak lid lud tak pidnak iri na ebem mberak puwa kuri-net lak ma-o” luk yij-o.

OSEA 13:10

Kit-nen-e nagawan min enne kulugwi nap min wok kunduwakluk nggi yigeb-et nde, it ereba oboksa-ge yawo-ge ngge me worali-o? It-nen-e kit kenlen nab-e ndak inmiri yuwa-a?

OSEA 13:11

An-nen nagawan wok kondosolar-e, nisilepma min-et wok kunduruk, mondok nisilepma kwiye worak pem-et tuguruk kendam-nen lit eneyaso-o” luk yij-o.

OSEA 2:11

An-nen-e at-nen nggok sagoso ereba na-ge oboksa lak tak pimin-o. Nde, arik tak mbena yosolar-e, olengen misik arem nggogolat, waneya misik arem nggogolat-nen nggok sagoso min we woragwi tarem yebet kasolat kwaroso min ereba kwarosolat-nen kwaroso mende oboksa ereba na-ge lak tak pimin-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

YOANES 19:15

Yak ondosoloma-ge, it-nen enne nggoksa yogolar-e: ”Werer-o! Werer-o! E lang pang tak pem panggarak per-o!” luk yogolikma-ge, Pilatus-nen it kin wok onposolar-e: ”Kit-nen idnak nagawan-et nde, e lang pang tak pem panggarak pimin-a?” luk yosoloma-ge, tepan ombo nagawan-nen yogolar-e: ”Nit-nen idnak nagawan-e Kaisat misiget nag-o!” luk yiga-o.

IBERANI 10:26

Nit-nen-e ndemeret wene nenaru yidnak ombol nggwe-t nde, nit ninndi-net meya nak kwat tenak wulmulndig-e, meya iri nggal yogolat woraidnak iri lak tak purak pem eyabi purak mende-ge mondok lag-o.

WENE MBENARUGWI NAP-NEN KWARIDNAK WENE 8:27

Wok tikma-ge, Nggireyon-nen-e emas ereba na bem kugwiwak ut mimirik misik ndak wosa at uwi silmu Opera iri me pij-o. Ndak wosa bamu Isarael nap oboksa-nen mborogolar-e, kugwiwak ndak worak iri na erembel wanogolat woraiga-o. Iri yogolar-e, Mbal Pem Nagawan-e meme rak piga-o. Iri-nen ndowaga Nggireyon min at ama woragwi inmin-e enare burak irit kwat yij-o.

1 SEMUEL 14:3

(Nde, tepan ombo-nen yurugwi sum (epot) waruk mbirid tepan ombo-ge Agitup ambara Agia-nen waruk mbirij-o. Agitup iri-ge Pineas ambara Ikabot owe-o. Nde, Pineas iri-ge Nagawan Indo-nen idnak tepan ombo Eli o Silo woraso iri na ambara-o.) Nde, ap ereba na-ge Yonatan iri me-nen mbirid na-ge kabag-et woraiga-o.

1 SEMUEL 15:23

Nagawan Indo imin eyak wurugwi iri-ge kugwi tu mbarugwi ndak ndak-net yusu-o. Nde, inndi kek yugwi iri-ge kugwiwak erembel wanugwi ndak ndak-net yusu-o. Kar-e Nagawan Indo ene tarigendik me, Nagawan Indo-nen-e kat-nen nagawan woraso iri na-ge lak tak kibij-o” luk yak tij-o.

1 SEMUEL 2:18

Iri kwarogola-ge, la marik Semuel iri na-ge Nagawan Indo mondok ndegel obosolat woralar-e, usum-e linen-nen konidnak tepan ombo-nen Nagawan Indo ama yabu wanogolat-nen nak yurugwi sum nggal irit yutluk wanosolat woragij-o.

1 SEMUEL 21:9

Yosoloma, Abimelek-nen onggo yosolar-e: ”Pilisin nap Nggoliat kat-nen Ela mbirikmu iri me-nen nggweyakma rak pigen iri na agabo perak mbok sum pem nggetla tepan ombo-nen yurugwi sum epot na ombol nggwe pukmu worasu-o. Iri nak perak yu me worala me, irit wani-o” luk yak tij-o. Yosoloma, Ndaut-nen yosolar-e; ”O yeba-nen-e kabo mondok konag-e iri nak me, irit wok niri-o” luk yak tij-o.