OSEA 3:1 - Nanduk Ngget Tul Pidnak Wene

¹ Nagawan Indo-nen yak norosolar-e: ”Kar-e tuguruk mburugundik, kwe mbabi yoso kwe misik wanurak kindi ebem pi-o. Isarael nap-nen an keya nuburuk, mbal pem nagawan nin ereba na erembel wanogolat, kismis engen pem konidnak oroti kugwiwak amanggim pogolat yili-t nde, an-nen-e Isarael nap enabuwa kasu nggal-et mbabi yoso kwe irit abuwa ki-o” luk yak nirij-o.

OSEA 3:1 ပူးပေါင်းရင်းမြစ်များ

2 SEMUEL 6:19

kwami-nen na irit, ap-nen na irit oboksa nunggwi mende tembet ondosolar-e, uno kan ngen pem wora mbarak min oroti mbarak min anggut engen lerak puruk-nen konidnak wora min wok indil lobok yij-o. Iri yamu-ge oboksa enmarak ndi yiga-o.

2 NAGAWAN NAGAWAN-NEN KWARIDNAK WENE 13:23

Alat nde, Nagawan Indo-nen-e at ilirak enabuwa karuk, it-nen meya kwarugwi-ge amberam tak posolat woragij-o. Ar-e ilirak lak tak unpuwakluk keya unpurak iri-ge imbit-nen yongga-t ondosolat woragij-o. Iri yid iri-ge Abarakam min Isak min Yakup min ”Irit kwat kinpimin-o” luk urul yak indid iri na bem-net kwarij-o. Yawo-nen na at ilirag-e meme rak unpusu bug-er-o.

NEMIA 9:31

Alat nde, kat-nen mondok kwarat unpud kaso iri na-nen ndowaga, kat-nen-e abu abu keya onposolat, mondok lak tak onposolat kwarigit lag-o. Mbal Pem Nagawan kar-e erep min ndak wururag-e meya-o. Kat-nen enabuwa kaso elem nggok iri bem-net kwara unpud kaso-o!

MBIRIGA WENE 32:6

Yosoloma, nene luk, kub-e Isarael nab-e usu worak mende erep waruk lobok yogolar-e, wosa kan purak min worogolat, nde, ereb-e at imin kunduwokluk wirigarik, nonggolat, yi nonggolat kwarogoluk, men yogolar-e, kwe lak lak, ap lak lak keyari pogolat woraiga-o.

YESAYA 45:22

Yi wi ndi wi woragwi nap oboksa wa-e. Mbal Pem Nagawan-e nin mbi worasu buk, an nak me, kinmiri yek-nen nden karuk, an neram lobok yer-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

OSEA 2:5

Kiniya-ge inggiri lak terak waring kaso-nen yusu-o. Nde, at-nen yosolar-e: ’An-e nindi kundik-nen nunggwi mende mak norogolat, yi wok norogolat, yurugwi sum wol min linen min-nen konidnak wok norogolat, saitun amburu min anggut amburu min wok nitli ereba na endam mbirimin-o’ luk yij-o.

OSEA 4:11

Nagawan Indo-nen yosolar-e: ”Nilirak wa-e. Anggut amburu pi mende-nen na irit, anggut amburu ngget-nen na irit, ereba-nen-e kinndi kona yebet kagwi kinndi-ge mondok mbereksa lak tak pusu-o.

OSEA 7:5

Nagawan-nen nggok sakwi tarem-e it ereba na-nen-e nagawan min at eyabu wanugwi nap ereba na min anggut engen amburu mak ondogolat, inndi nden kasolat, meya indi lak-nen kwarugwi ereba na kwarugwi-o. Iri kwarogolar-e, nagawan iri na-ge lugudtak kwarugwi nap ereba na inmin alin alen poso-o.

AMOS 2:8

Nagawan Indo erembel wanugwi sa oboksa ereba na me nene yogolar-e, ap insilobulo lak nap-nen it enarengge luru wok unduruk, tuguruk uwi yakola-nen wok undurak puruk insilobulo lak nap unsum wanidnak ereba na min-et yirik nene yili-o. It-nen-e it enarengge wanidnak pem it ereba na enarengge anggut amburu iri-ge Mbal Pem Nagawan ama-nen nonggolat kwatli-o.

AMOS 6:6

Kir-e anggut engen amburu embe kobong tak ereba na nonggolat, amburu emben konak onggo nggok pugwi ereba na kenpem ndarogolat kwatli-t nde, kir-e Isarael nap lak tak unpurak iri na bem kinndi puru luk, yip tili bug-o.

MIKA 7:7

Alat nde, nit-nen tepan yili-ge Nenmbal Pem Nagawan-nen nenne kolosolat, nimiri yuwa-o luk ninndi-ge Nagawan Indo ebem nak wat tak puruk, yik karok worali-o.

MATIUS 26:50

Iri yosoloma, Yesus-nen at yak tosolar-e: ”Nanggam wa-e. Kat-nen kwarurak peraigen irit kwari-o” luk yak tosoloma-ge, it ereba na lobok yogolar-e, Yesus na tenaiga-o.

1 KORINTUS 10:21

Kit-nen-e Nagawan Indo-nen idnak yimbe arem kenanggo nonggolat, kugi-nen idnak yimbe arem kenanggo nonggolat momtag-e lag-o. Kit-nen-e Nagawan Indo-nen idnak mburu nonggolat, kugi-nen idnak mburu na nonggolat momtag-e lag-o.

1 KORINTUS 10:7

it erep-nen kugiwak erembel waniga nggal nit-nen na kugiwak erembel wanuwa naru, nggomo nindidnak-nen yusu-o. Engga wene misik-nen yosolar-e: ”It ap iri-ge mburu min yi min norak pem kore luk, nuruk men yogolar-e, enalin enalen yiga-o.”

1 PETERUS 4:3

Nde, kit nanduk kwarat woragolar-e, Mbal Pem Nagawan enaru buk nap-nen indingen kagwi mende kwarogolat woraigeb-o. Iri kwarogolar-e, meya nak kwarogolat, kinndi-nen ukwe yugwi nak langgal luk mborogolat, anggut engen amburu nuruk, kinndi wawa yogolat, inik inik saguruk, mbabi yogolat, anggut engen amburu na ndonggosa nonggolat, erembel wanurak pug-o luk yidnak kugiwak erembel wanogolat woraigeb-o.