OSEA 2:3 - Nanduk Ngget Tul Pidnak Wene

³ At-nen nde pempa-t mbabi kwat tenak worala-ge, nanduk ndesa mbid nggal-et ngenwa wolmakluk, usum yonggwara keya bimin-o. At iri-ge an-nen-e nggweyak lerak nggal amburu lak sa keya bimin-o. Iri rak pumu, yi nere-nen wat ma-o.

OSEA 2:3 ပူးပေါင်းရင်းမြစ်များ

MBIRIGA WENE 17:3

Alat nde, it ap ereba na-ge mondok yi nere kwarat ala karuk, Musa met pogolat-nen yogolar-e: ”Kar-e noluk-nen Mesira-nen yu me wok nunpuruk lobok yigen-o? Nit min nonkwela min nonowam min yi nere-nen yu me wat makluk ninmin lobok yigen-a?” yiga-o.

YESAYA 33:9

O ereba na-ge keya bikma, pena lasolat, nde, o Libanon wal ereba na-ge merek yele mbosolat, Saron Mbirik alim worak iri na-ge nembaga karu nde kwat yosolat, Mbasan min Karamel Ndobo bem min-e engga kerengga lera ngguruk yosolat kwarusu-o.

YESAYA 64:10

Kat kuwi siri marak ereba na-ge nembaga nggal kwat yosolat, nde, Yerusalem-e nembaga umbuk pem nggal kwat yosolat, ap tu po kwat yij-o.

YEREMIA 14:3

Nde, ap enarengge worak nap ndegel unpugwi nap ereba na-ge yi kore wirik onpogola, nin me nan me mboropgolar-e, yi mbun emnde mbaridnak sa ereba na me kore yil mbitli-t nde, yi-ge eberek yidnak irit kali-o. Iri ala karuk, yimbe waruk mbiriga ereba na-ge embe we waruk lobok yili-o. Iri ala ’Ngge kwarul-o?’ luk, inndi kabak yogolar-e, unmud-nen enanggul tena bili-o.

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

YEREMIA 2:6

An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

OSEA 13:15

Isarael-e enalen pem ndak nak tusuangge miri nggal wolma-t nde, mo luwaso nggwe (timur) nembaga nggwe-nen o wija embem worak pil lobok yumu-ge, yi ulusu min yi emnde mbaridnak min oboksa eberek tak puwa-o. Iri yosolar-e, yi mende ndi mende mondok onggo nggok pugwi ereba na-ge oboksa lak ma-o.

OSEA 2:10

At inmin nene yugwi nap ereba na inmbiri bem koro nderak ibimin-o. Iri kwarak obosola-ge, at inmin nene yugwi ereba na ennggendumu ap misik-nen mbi ninggem-nen imiri yuwa bug-o.

NAM PARA WENE 17:16

Nde, anggul ambo sepulu kaigen iri min ndakngge isilepma worak iri min-nen-e terak yebugwi kwe iri na insili rak puruk, at aringgi arengge oboksa mengga wanuruk, ebe nak ngenwa keya buwa-o. It-nen at ino nonggoluk, kanduk pem lak tak ubuwa-o.

WENE MBENARUGWI NAP-NEN KWARIDNAK WENE 15:18

Iri lug-e, Simson yi nere kwarat ala karuk, Nagawan Indo eram wene pil lasolat-nen yosolar-e: ”Nagawan Indo wa-e. Kat-nen kwiye worak kwarosolat yanem-et ombol nggwe rak nibigen-et nde, yawo-ge an-e yi nere-nen wat yumu, kat enaru buk Pilisin nap yu ininggem yurag-e ndag-er-a?” yij-o.