OSEA 2:19 - Nanduk Ngget Tul Pidnak Wene

¹⁹ Isarael wa-e. Kar-e mondok an nogwe rak kibimin-o. Ndemeret nogwe pem irit woragun-o. An-e pem kabuwa kasolat, kebem nindi kundugu irit woramin-o. An-e tugup lak, mot mot nak kwat kobosolat woramin-o.

OSEA 2:19 ပူးပေါင်းရင်းမြစ်များ

YESAYA 1:27

Nagawan Indo iri-ge mot mot nak kwaroso me, at-nen-e Yerusalem min ”niri nera-o” luk kondok yili nap min-e inmiri yuwa-o.

YESAYA 54:14

Kugwi-ge mondok lud tak mot mot kwarugwi irit kemabin puruk wat kibimin-o. Nde, kwiye-nen unmunggum pil kagwi mende min anggun panggun tak unpugwi mende min-e kebem mbuma bug-o.

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

YESAYA 54:6

Isarael wa-e. Kar-e kwe ndugum un-nen keya bosoma, indi puru rak woraso iri na nggal-nen yusu-o. Alat nde, Nagawan Indo-nen tuguruk at eram lobok yonokluk, wene mbo kobosolat-nen yosolar-e:

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

YOEL 3:20

It indidnak enmep onggo-ge mondok pimin-er-o. It indidnak nab-e mondok lak tak inpimin-o. Alat nde, Yewura min Yerusalem min iri me-ge ab-e pem irit wolma-o. Nde, Nagawan Indo an-e Sion ndobo bem-e pem irit woramin-o” luk yij-o.

YOANES 3:29

Kwe ap wanurak kwe iri-ge at wok uburak nap iri na ogwer-o. Nde, kwe iri wok uburak nap anggam mbi-ge an ene kolosolat at eram mendak worasolar-e, kwe wanurak nap iri na ene-ge alen min-et koloso-o. Nde, iri nggal-et an yawo na nalen kwarat kasu-o.

OROMA 7:4

Nowe nowosi wae. Ap misik arengge kwat yobokluk, kit na iri nggal-et Kerisut ebe min kwin luk, imiri mbarak pidnak wene inggi wesera wat yigeb-o. Nde, nir-e Mbal Pem Nagawan amanggim engen puwakluk, yawo-ge kir-e wat yidnak nap enngendumu-nen uruk tak pidnak nap arengge-net yili-o.

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

NAM PARA WENE 21:2

Nde, an yik kaginggal-e, Mbal Pem Nagawan-nen idnak o siri Yerusalem ngget iri-ge Mbal Pem Nagawan eram aid arem-nen mbuwasola kagi-o. Nde, o siri iri mondok konidnak abage-ge kweyap ndugum-nen unun wanuwokluk inmirik unmuruk pugwi nggal-o.