OSEA 14:9 - Nanduk Ngget Tul Pidnak Wene

⁹ Nde, Isarael nap-nen-e unkugwiwak ndak wosa pidnak mende ereba na-ge abu mbo buwa-o. An-nen-e it ndegel onposolat, it-nen tepan yuwa-ge an-nen-e enne kulimin-o. E angga pempa miri ludtak woraso nggal, an-nen nindipma rak onposolat woramin-o. An-e it inmbiringgat tak poso elem-net yusu-o. Nagawan Indo an-net yusu-o” luk yij-o.

OSEA 14:9 ပူးပေါင်းရင်းမြစ်များ

NDAK WIRIDNAK WENE 18:25

Lud tak kwarugwi nab-e lugud tak kwarugwi nap inmin undurag-e mondok meyog-o, Nagawan Indo wa-e. Nagawan Indo-nen nde lak tak onposolar-e, lud tak kwarugwi nab-e ndemeret lugud tak kwarugwi nap inmin-et lak tak unpugun me, mondok meyog-o. O yu oboksa enpem Wene Mbenaroso-nen-e wene kasa lugud tak enpem mbarurag-e meya-o” luk yij-o.

NDAWI ENGGA 107:43

Inndi nggat nggat worak nap-nen-e wene iri-ge yebet kagolar-e: ”Ndemeret Nagawan Indo-ge nenabuwa pem kasolat woraso-nen yusu-o” luk yebet kagolat wolmag-o.

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDAWI ENGGA 84:5

It enmawi-ge kat kebem-nen amawi wanili nap min ap inndi Ndobo Sion kil mbururak inndi wat tak puruk worali nap min-e enalen pem worali-o.

NDAWI ENGGA 84:7

It ondomok Mbal Pem Nagawan imbiri bem nuk kagwi Sion iri na bem lagola-ge, it enmawi-ge ebem lud kwarat yusu-o.

YESAYA 1:28

Alat nde, meya yugwi nap at imin eyak wat tenak worali nab-e at-nen unduwa-o. Nde, at keya ibili nap oboksa-ge mondok lak tak unpuwa-o.

YEREMIA 9:12

Yosoloma, an-nen kin wanosolar-e: ”Nagawan Indo wa-e. Noluk-nen kar-e o yu-ge nembaga nggal amburu lak, usu nggwara keya bugunmu, ap-nen na iri nggwe-ge nigit lak ma-o? Ap erep-nen-e: ’O yu iri nggal kwarak pid iri-ge erem-e yu nggal pem-nen ndowaga kwarak pamu-o’ luk enaru momtak mbi worali-a? ’Iri bem-nen kwarigi-o’ luk, at-nen ap erep yak unduwakluk, mbena yak tigen nab-e ta-o?” luk kin wanigi-o.

YESKIEL 18:25

Alat nde, ap erep-nen yogolar-e: ’Nagawan Indo-nen kwarusu iri-ge mot mot kwarusu bug-o’ yili nde ma-o. Isarael nap wa-e. Kwara koler-o! An-nen kwarusu-ge lugud tak kwarusu-a? Kit-nen perak lugud tak kwarugwi-o.

YESKIEL 36:25

Iri rak kunpurug-e, yi kopkap lak pem nggweyel yaga kenpem pimin iri-ge kit-nen erembel wanugwi kugwiwak oboksa min kik tak onposo mende-nen kit kopkap tobok tak kinpidnak ereba min oboksa masa labuk yobokluk-nen kwarimin-o.

NDANIEL 12:10

Ap kwarat inndi ngara iminep mbara keya unpuwa-o. Nde, meya kwarugwi nab-e wene yeba-ge yebet kagit lak, meya nak irit kwat tenak wolma-o. Nde, inndi nggat nggat worak nap nak-nen perak yeba-ge iri nggal-o luk yebet kujwa-o.

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

LUKAS 2:34

Iri lug-e, Simeon na-nen it imbiringgat tak onposolat-nen la iri ija Maria yak tosolar-e: ”Isarael nap ap kwarat lak tak onposolat, ap kwarat na inmiri yosolat maklug-e, Mbal Pem Nagawan-nen la yu-ge len ibij-o. At yu-ge Mbal Pem Nagawan eram-nen lobok yidnak-nen yusu-o luk yenggerak purug-e, ap kwarat-nen at insili rak puwa-o.

LUKAS 7:23

Nde, an nebem inndi mberen yugwi buk nab-e enalen kujwag-o” luk yij-o.

YOANES 15:24

Ap-nen kwarugwi buk mende-ge it inmbiri bem kwarigit lak yiginggal-e, it meya yidnag-e enpem pigit lak yeleb-o. Alat nde, yawo-nen perak nde an-nen kwarigi mende karug-e, an Neid nenmberek insili rak ninpili-o.

YOANES 18:37

Yosoloma-ge, Pilatus-nen at kin wok obosolar-e: ”Iri ala-ge, kar-e nagawan–nen yusu, lak?” yosoloma. Yesus-nen yosolar-e: ”Kat-nen yigen irir-o. Nde, an nggweyak ma yu me lobok yigirik, ndet yigi yu-ge, ndemeret wene-ge irir-o luk kenggereyekluk-net lobok yigi-o. Nde, ndemeret wene imin kundik nap-nen-e an-nen yidnak wene irit kulili-o” luk yij-o.

YOANES 8:47

Mbal Pem Nagawan ilirak-nen-e Mbal Pem Nagawan-nen yidnak wene-t kulugwi-o. Nde, kir-e Mbal Pem Nagawan ilirag-e lak me, Mbal Pem Nagawan-nen yidnak wene kulili bug-o” luk yak indij-o.

YOANES 9:39

Iri yosoloma-ge, Yesus-nen yosolar-e: ”An-e nggweyak ma yu me lobok yigi-ge ap enpem wene mbarosolar-e: Enlengen ngguru nab-e enlengen kuwarak posolat, enlengen op nab-e enlengen ngguru rak posolat yekluk-nen lobok yigi-o” luk yij-o.

YIDNAK YIDNAK WENE 13:10

yak tosolar-e: ”Kar-e Sere ambara-nen yusu-o. Kar-e lud tak kwarugwi min wim poso-o. Kat karem-e ap onmbol pem laso yi meya ndi meya nin tak nan tak kobong tak worasu-o. Kar-e Nagawan Indo-nen ndung tak pidnak tula-ge mbisik tak pusu-ge mepme-nen kondok yugun-o?

OROMA 7:12

Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

TUGURUK YIDNAK WENE 32:4

Nagawan Indo yongga kondoso amawi worak, yabu-ge mondok iminep mbarak nak wanosolat, at-nen kwaril mboroso oboksa-ge mot mot nak kwaroso. Mbal Pem Nagawan iri-ge mondok mot mot nak kwaroso, ap enmberam laso buk-nen yusu-o. Ar-e ndemeret mondok konak nak kwaroso.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.