OSEA 14:6 - Nanduk Ngget Tul Pidnak Wene

⁶ Nde, talme-nen nggweyak umbuk amburu rak poso nggal an-e Isarael nap amburu rak onposo talme-nen yusu-o. Iri yosola-ge, ir-e engen kerengen isi wigak yoso nggal isi wigak yogolat, e libe emengen arem mberaboso nggal enmengen mberabogolat kwaruwa-o.

OSEA 14:6 ပူးပေါင်းရင်းမြစ်များ

NDAK WIRIDNAK WENE 27:27

Yosoloma-ge, Yakup na Isak paluk turuk wa yak tosola-ge, Isak-nen-e Yakup usum emben sing kasolat, Yakup na imbiringgat tak posolat-en yosolar-e: ”Nambara, kat kububu emben-e Nagawan Indo-nen imbiringgat tak pidnak wal ububu emben nggal-er-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 66:14

Iri kwat konposola karug-e, kir-e kenalin kenalen kagolar-e, kir-e tusuangge ngget laso nggal kenpem posok yosolat, kenmawi yugub-o. Nde, an ndegel nubugwi nab-e an namawi-ge enaru yogolat, nde, an nuwim nap na an nisilepma-ge enpem mbosola, enaru ma-o” luk yij-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MATIUS 13:31

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge sawi uwi nggal-nen yusu-o. Nde ap misik-nen sawi uwi iri-ge at eyapmu yagaidj-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.