OSEA 14:5 - Nanduk Ngget Tul Pidnak Wene

⁵ Nagawan Indo-nen yosolar-e: ”An nilirak lugud tak nggwe mbitli ereba na-ge tuguruk neram tak inpimin-o. It enabuwa mondok kwarat kamin-o. Tuguruk nisilepma inpimin pug-o.

OSEA 14:5 ပူးပေါင်းရင်းမြစ်များ

2 SEMUEL 23:4

o kibi bem-nen kuplila o kil posolat eyaya iri nggal-nen yusu-o. At iri-ge talme nuruk pok yosola, mo kere rak posolat tusuangge miri konak abinal nggorek tak pusu iri na nggal-nen yusu-o” yak nirij-o.

2 NAGAWAN NAGAWAN-NEN KWARIDNAK WENE 19:30

Nde, Yewura nap erep keya inpidnak nab-e yakwi mende nggal enmengen kundik worasolat engen poso nggal yi mende ndi mende bem-e ndak irit wolma-o.

NDAWI ENGGA 133:3

Are, kundik woragwi iri-ge ndobo Eremon lilangen Sion ndobo ereba na me mboso ereba na nggal-nen yusu-o. Unlug-et pem-et woralik nalik wolmaklug-e, Nagawan Indo-nen-e imbiringgar-e iri me mberak pusu-o.

NDAWI ENGGA 72:16

At-nen tenagidnak wi iri me-ge nggandum mbato kwarat yosolat, ndobo ndobo oboksa yagidnak mende-nen yebet yosolar-e, o ndobo worak Libanon nggweyak nggal alim mag-o. Nde, at uwi siri arem woragwi nab-e tusuangge nggal kwarat mag-o.

NDAWI ENGGA 72:6

Nagawan iri na-ge talme karu me mboso nggal, talme nggok mbosolat yabu piri rak poso nggal mag-o.

NDAWI ENGGA 80:9

Kat-nen-e anggut uwi iri yagurak amanggim ondoro kona keya buruk, yabigenma, emengen uwi yaga nggosolat, nggweyak iri na me oboksa yimik yij-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 44:3

An-nen-e yi-ge nggweyak amburu lak pem kilik posolat, nggweyak mbeng larak pem-et nde, yi wirik posolat kwarimin-o. An namawi-ge kat-nen wigarak ininggem posolat, kat kilirak-nen ndaguwa imbiringgat tak onposolat kwarimin-o.

YESAYA 45:8

An-nen-e mbal pem-nen ombol nggwe yugwi elem-e talme nggal nggilara mberak pil mbuwasola, nggweyag-e ebem mbuwakluk larok nak ma-o. Iri yosola-ge, iri arem-nen inmiri yoso elem min wisirik woragwi elem min nam tak puwa-o. Iri kwat ma iri-ge an Nagawan Indo-net kwarak posola-nen kwat ma-o” luk yak tij-o.

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MIKA 5:7

Nde, Isarael nap enlem nin nap ennggendumu wolma ereba na-ge singa ndakngge wolma woraso mena enggendumu woraso nggal woragolat, lomba oro tusuangge taroso sa woraso nggal woragolat kwaruwa-o. Nde, singa lomba oro ereba na enggendumu nggosolar-e, lomba ereba na wutluk, lebena nasolat worala, ap-nen mbi emndam mengga keya burag-e meya-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

MATIUS 6:28

Nde, noluk-nen kir-e yururak sum kunmud kali-o? Erambet laso engen isi ereba nde ker-o. Engen ereba-nen-e yabu waga, kere larusu bug-et nde,

LUKAS 12:27

Erambet laso engen mburusu iri kinndi yebet ker-o. Yabu wanuruk, kere laroso bug-et nde, an yak kundusu yur-o. Salomo na isilobulo kwarat worag-et nde, at usum erare-ge engen isi ereba nggal ndak ndak yirigit lag-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

TUGURUK YIDNAK WENE 32:2

An-nen mul ondoso wene-ge talme nggal mbuma-o. An nene-ge lilangen nggal yung ndung mbuma-o. An nene-ge talme nggare nggare tusuangge bem mbuwaso nggal mbosolat, talme nggok yagidnak mende bem mbuwaso nggal mbosolat ma-o.