OSEA 14:3 - Nanduk Ngget Tul Pidnak Wene

³ Nde, kir-e tuguruk Nagawan Indo eram mborogolat, tepan yu-ge at amanggim pugwi mende pidnak nggal tepan yer-o. Tepan yogolat-nen yogolar-e: ”Nagawan Indo wa-e. Nit-nen meya lugud tak kwarugwi-ge kamberam tak posolat, nit tepan yili-ge kuli-o. Iri yosola, nir-e nit-nen ’Iri nggal kwarul-o’ luk urul pige ndak ndag-et kat kerembel wanul-o.

OSEA 14:3 ပူးပေါင်းရင်းမြစ်များ

NDAWI ENGGA 146:3

Nggweyakma nap nagawan-nen-e kinmiri yurak meya me, nagawan ereba na enpem kinndi wat tak puruk wolmomtak pug-o.

NDAWI ENGGA 146:9

Nagawan Indo iri-ge ap sal nggetlel unpuruk woralat, kweyap togwe min li mul ineid iniya lak min-e yongga ondosolar-et nde, meya yugwi nap-nen kwarurak yemndak pidnak ereba na-ge yugwi rugwi rak poso-nen yusu-o.

NDAWI ENGGA 33:17

”Kura wam ereba ebem-nen ombol nggwe yimin-o” luk indi-ge iri na bem wat tak puruk wolmomtag-e meya-o. Kura wam amawi kwarat iri-nen-e inmiri yoso bug-o.

YESAYA 1:29

Nde, ir-e e ereba na erembel wanogolat, eneyabu ereba na kugwiwak amanggim nak yakolat yiga-nen ndowaga innggiri nde kujwa-o.

YESAYA 30:16

Alat nde, kit-nen wene mbarogolar-e: ”Wim nap endam-nen kura wam ijok nggat worak pem kore luk, kwiye mburul-o” luk yili-o. Iri yili iri-ge ob-er-o! Ndemeret pong-et kagub-o! Kit kinndi-nen peragolar-e: ”Nit-nen idnak kura wam yu-ge ijok nggat worag-o” luk perali-t nde, kit muk kiniyujwa ereba unuwok nggari me, mondok terak minik-net yusu-o.

YESAYA 30:2

It Mesira mborogolar-e, an nindi peragit lak ma-t nde, it inndi nak-nen mbitli-o. It-nen-e ’Mesira nagawan iri-nen yongga nunduwa-o’ luk perarug-e, inndi-ge at ebem nak wat tak pili-t nde,

YESAYA 31:1

Yongga undurak pem Mesira iri me mburuwa nab-e mondok enabuwa worag-o! It-nen inndi ebem wat tak pili-ge Mesira nap san ombo kere kura wam ombol pem kore yugwi kwarat ereba na min kura wam amawi worak ereba na min wim koma kwarat ereba na min ebem nak inndi wat tak pili-t nde, Nagawan Indo Isarael nap Enmbal Pem Nagawan mondok marak iri na ebem inndi wat tak pogolat, at-nen yongga unduwakluk nggi yak togolat yili bug-o.

YESAYA 31:3

Mesira nap iri-ge Mbal Pem Nagawan-e lag-o. Nggweyakma nap-net yili-o. It-nen idnak kura wam ereba-ge pem woraso amawi worag-e lag-o. Ndak worak pidnak mende-net yusu-o. Nagawam Indo-nen kwarosolat tarem-e it iri na yongga indili nab-e unuwok abis pijaksa mbud yogolar-e, it iri na min-et wosa mbuwa-o. Iri kwarogolar-e, it mberensa-t mondok lak tak unpuwa-o.

YESKIEL 36:25

Iri rak kunpurug-e, yi kopkap lak pem nggweyel yaga kenpem pimin iri-ge kit-nen erembel wanugwi kugwiwak oboksa min kik tak onposo mende-nen kit kopkap tobok tak kinpidnak ereba min oboksa masa labuk yobokluk-nen kwarimin-o.

YESKIEL 37:23

Nde, it iri-ge meya kwarogolat, kugwiwak mbilaro ngin mende ereba na erembel wanogolat, it enpe kopkap toboksa labuk yugwi iri na-ge kwat ma bug-o. It-nen meya lugud tak kwarugwi mende oboksa kwarogolar-e, an keya nubugwi elem iri na inggem-nen wisirik inpimin-o. An-nen it marak onposola-ge, it iri-ge an nelem nap kwat ma-o. Nde, an-e it Enmbal Pem Nagawan kwat yimin-o.

OSEA 13:2

Nde, yawo-nen na Eperaim nab-e meya nag-et kwat tenak worali-o. It-nen-e perak pem sapi ut mimirik irit erembel wanurak ndak witli-o. Iri ndak witli iri-ge ki nap inndi nggat nggat-nen ndak worogolat, ki nap ininggi-net ndak worak puruk, it-nen yogolar-e: ”Ndak worak pidnak mende yeba amanggim wam wosa purag-o!” luk yili-o. Ki nap-nen sapi marik ut memera ndak wiridnak iri na-ge erabengen porok nili iri-ge kwarugwi bug-et kwatli-o!

OSEA 14:8

It iri-ge tuguruk neram lobok yuwarik, an nindipma wolma-o. Ir-e nggandum ari nggal lagolat, anggut ari nggal wigak yogolar-e, anggut amburu Libanon woraso anggu obok mboroso nggal it enanggu onpog-e mburuwa-o.

OSEA 2:17

An-nen-e Mbaal unnu tuguruk yuwa naru, mondok imiri mbarak worasola, ap-nen-e Mbaal unnu-ge meme rak puwa-o.

OSEA 4:12

Nde, ir-e tu mirik kunpurak kore yogolar-e, e abare mbarak ereba na min wangun min yak kunduwakluk kin wok ibili-o! Kir-e kweyap-nen ununtak keya unpuruk, terak waring kagwi nggal, kir-e an keya nuburuk, kit kenpe-ge kegera kugwiwak ereba na wok tili-o.

OSEA 5:13

Nde, it enlem Isarael min Yewura min wat kerak mbogolat, indidnak ud ereba na mbel karug-e, Isarael nab-e Asiut nagawan kek tak-nen yongga unduwakluk yonggo Asiut mbiriga-o. Alat nde, Asiut nagawan iri-nen-e yongga na indigit lak, indidnak ud iri na ambut tak purag-e meya-o.

OSEA 7:11

Isarael nab-e towe merepati num kum tak-nen loboklik mbitlik tenak worasu ereba na nggal loboklik mbitlik kwat tenak worali-o. It nap-nen-e nanduk nandug-e yongga unduwakluk Mesira nggi yak indiga-o. Nde, imbirig-e, Asiut nap endam mbiriga-o!

YUNUS 2:10

Nagawan Indo-nen ”Irit kwarurag-o” luk keyane iri na yak tidnak pem keyane iri na-nen Yunus na-ge yi eyak pem kela keya bij-o.

YOANES 14:18

An-e li mul nggal keya kinpimin pug-o. Kendam lobok yimin-o.