OSEA 14:2 - Nanduk Ngget Tul Pidnak Wene

² Isarael nap wa-e. Kir-e tuguruk Nagawan Indo Kenmbal Pem Nagawan eram lobok yer-o. Kir-e meya kwatli ereba-nen ndowaga mboroksa mbud yili-o.

OSEA 14:2 ပူးပေါင်းရင်းမြစ်များ

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

NDAWI ENGGA 119:108

Nagawan Indo wa-e. An-nen wiwa-o yak korosolat tepan yusu yu-ge kwara kuli-o. Kat-nen idnak imiri mbarak pidnak wene-ge kwara mul niri-o.

NDAWI ENGGA 51:16

Kar-e kamanggim urusu mbara wosa bugwi ereba na kindingen kaso buk me, an-nen nde kamanggim kan pumu-ge iri-ge kar-e kindingen kagun pug-o.

NDAWI ENGGA 51:17

Nde, an-e Mbal Pem Nagawan kamanggim kan posolar-e, ”Niri nera-o” luk nindi abi kalok yusu irir-o. Indi nde kondok luk tebe yidnag-e kar-e keya bugun pug-o.

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

YESAYA 6:7

kan ngen iri na imin marig-et nemnde bem posolat-nen yosolar-e: ”Kan ngen yu-nen imin marig-et kemnde bem yid iri-nen yawo-ge kat-nen lugud tak kwaroso-ge Nagawan Indo-nen korak posolat, kat-nen meya kwaroso-ge amberam tak pij-o” luk yak nirij-o.

OSEA 5:5

It enlem Isarael nap-nen inndi-n kek yili-ge mondok nam yosolar-e, it-nen lugudtak kwatli iri bem-et nam yusu-o. It-nen meya kwatli iri-nen ndowaga ir-e unuwok abis pijaksa mbud yogolar-e, Yewura nap min-et totno wosa mbili-o.

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

YOEL 2:17

Nde, tepan ombo Nagawan Indo ama iri na me yabu wanugwi nab-e Nagawan Indo amanggim kan pugwi iri na wok, iri-nen o panggo tumende bem iri na wok, enggendumu iri na me-nen yip togolat-nen tepan yogolar-e: ”Nagawan Indo wa-e. Kat kilirag-e enabuwa ki-o. Kat kilirag-e kat-nen keya unpugunmu, kopkap tobok yogola, ap enlem erep-nen eneyaruk yogolar-e: ’It Enmbal Pem Nagawan-e ngge me worasu-o?’ luk yuwa naru, keya unpurak pug-o” luk yuwakluk yak ender-o.

YUNUS 2:9

Alat nde, an-e ndawi bem kerembel wanosolat, kat kamanggim wam wosa posolat kwarimin-o. An-nen ’Irit kwarimin-o’ luk urul pigi-ge mondok kwarimin-er-o. Nde, kar-e inmiri yoso Nagawan Indo-nen yusu-o” luk yij-o.

MATIUS 7:11

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

LUKAS 18:13

Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

OROMA 11:27

An-nen it meya yidnak lak tak posolat-nen-e: ’Iri nggal kwat kinpimin-o’ luk urul paga yak indimin-o” luk yij-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 10:4

Nde, sapi wam kusi eyabi min kambing wam kusi eyabi min-nen-e ap-nen meya yogolat woraidnak iri-ge korak unpurag-e mondok pem lag-o.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 3:5

Nde, Kerisut lobok yid iri-ge ap-nen meya yidnak korak peyekluk lobok yij-o luk kenaru nar-o. Nde, ar-e mondok meya mbi kwaroso bug-o.