OSEA 13:9 - Nanduk Ngget Tul Pidnak Wene

⁹ Kenlem Isarael nap wa-e. An-nen-e kir-e yigisa lak tak kinpimin-o. Iri kwat konposola-ge, ta-nen yongga kunduwa-o?

OSEA 13:9 ပူးပေါင်းရင်းမြစ်များ

NDAWI ENGGA 146:5

”An yongga noroso-nen yusu-o” luk Yakup Embal Pem Nagawan iri na winde luk woralat, Nagawan Indo at Embal Pem Nagawan ebem indi wat tak puruk worasu nab-e mondok alen kasolat wolmag-o.

NDAWI ENGGA 33:20

Iri yoso me, nit-nen nde ”Yongga-t nunduwa-o” luk ninndi at ebem wat tak puruk woragola-ge, at iri-ge nit yongga nondosolat, ninmiri yosolat woraso-o.

NDAWI ENGGA 46:1

Mbal Pem Nagawan iri-ge nit kurak yugwi nondoro min nenmawi elem min-nen yusu-o. Mangonokma rak ninpidnak woragola-ge, at iri-ge yongga nundurag-e pempa ndak lid lud tak puruk woraso-o.

NGGOMO WENE 6:32

Alat nde, ap-nen ap onkwe tenaguwa nab-e ambikpebe erengenwak lak tak pusu-o. At iri-ge indi lak wid-nen yusu-o.

NGGOMO WENE 8:36

Ta-nen nde an wok nubusu buk nab-e, at ambikpebe erengenwak lak tak pusu-o. An isili rak nobosola-ge, wat yugwi elem iri na abuwa kasolat-nen kwarusu-o” luk inndi nggat nggat elem-nen yij-o.

YEREMIA 2:17

Iri nggal kwat kibiga iri-ge kat kondomok-nen kwarigen pem-nen ndowaga kwat kibiga-o. Kar-e an-nen kinggi waruk tula mborosola-t nde, kar-e Nagawan Indo Kembal Pem Nagawan an-e kamberam tak nibigen pem-nen kwat kibiga-o.

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

OSEA 13:4

Nagawan Indo-nen yosolar-e: ”An-e Nagawan Indo, Kenmbal Pem Nagawan Mesira-nen wok kunpuruk lobok yigi iri na-nen yusu-o. Kit Kenmbal Pem Nagawan-e nin mbi worasu-ge lag-o. An nak worasu-o. Kinmiri yoso-ge an narig-et nak worasu-o.

OSEA 14:1

Samaria iri-ge an nimin wim mbarogolat, eyak witli iri bem-e angin worak enpem pimin-o. Iri me woragwi nab-e wim pem unduwa-o. Nde, li nggisiya-ge onowak mburuk waga lel eneyagolat, kweyap enabila-ge enmbe ngaril lobok yogolat ma-o” luk yij-o.

OSEA 7:14

Ir-e ndemeret inndi-nen an neram tepan yili bug-o. Nde, it-nen nde tepan yuwoklug-e nene yugwi sa mbud luk-nen an nebem inndi angin tubu yugwi buk nap-nen kwarugwi nggal yip tili-o. Nde, it-nen nggandum mbato min anggut min wok unduwakluk tepan yogolar-e, kugwiwak erembel wanugwi nap-nen kwarugwi nggal enambik enaboro logwaril lobok yili-o. Iri kwarogolar-e, mondok an nimin-et ndemeret wim mbatli-o!

OSEA 7:15

It iri-ge an-net nggok tak onposolat, enmawi rak posolat yigi-t nde, ir-e an nuruwokluk wene mbatli-o.

MALEAKI 1:12

Alat nde, kit-nen-e an namanggim wam wosa kan pugwi ondoro iri na-ge ebe lak mende rak pogolar-e, kit-nen nunggwi buk mende-t nde, iri na me kan pili-o. Nde, iri kwatli iri-ge an-et kenlengenma nggal tak nibili-o.

MALEAKI 1:13

Iri kwarogolat kit-nen yogolar-e: ’Yeba kwarugwi oboksa-ge ninsili yusu-o’ yuruk, an te rak nobogolar-e, yariya wanidnak wam min erel worak min indi ud min ereba na nde waruk lobok luk, an namanggim pili-o. Kit kinndi-nen peragolar-e, kit-nen an namanggim pili ereba-ge an-nen-e wanusu-o luk perali-a?

MALEAKI 1:9

Kit tepan omborak wa-e. Yawo-ge nit nenabuwa yuwaklug-e, Mbal Pem Nagawan emengen mbarugwi mbi wal ker-o. At-nen-e kit-nen tepan yugub-e kenne ereb-e nggaruwa bug-o. Iri kwaruwa iri-ge kit-nen lugud tak kwaridnak pem-et kenne ereb-e nggaruwa bug-o.

TUGURUK YIDNAK WENE 33:26

Isarael nap wa-e. Kit Kenmbal Pem Nagawan nggal mbal pem nagawan mbi worasu bug-o. Mbal pem-e at nak eyaya bem waring kasu-o. Kit yongga kondosolar-e, nggan nggan kuburusu-o.

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.