OSEA 13:14 - Nanduk Ngget Tul Pidnak Wene

¹⁴ It enlem yu-ge wat yugwi elem ininggiyapma-nen inmiri yimin pug-o. Wat yugwi elem wa-e. Kat-nen idnak wat momtak kugwi-ge wigari-o! Kat keyabu yigisa lak tak poso iri na mondok wanosolat wolmin-o! An-e it enlem yu-ge tuguruk enabuwa yimin pug-o.

OSEA 13:14 ပူးပေါင်းရင်းမြစ်များ

AYUP 41:22

Undugunwag-e mondok amawi worak me, oboksa-nen at eram wok yurag-e mondok kwiye nak yugwi-o.

NDAWI ENGGA 16:10

An wat makluk keya noboso buk me, kat-nen enabuwa kaso nab-e lak makluk keya onposo bug-o.

NDAWI ENGGA 49:15

Alat nde, Mbal Pem Nagawan-nen wisirik nubuwa-o. Wat yugwi elem inggem-nen nimiri yuwa-o.

NDAWI ENGGA 49:16

Ap misik yi mende ndi mende ombo yosolat, arengge mende kwarat yosola-ge, kir-e kwiye yurak pug-o.

YEREMIA 15:6

Kir-e an-e abu mbo nuburuk, keya nibigepma-o. Iri bem-e an-e nisilepma mamak puruk woralat, nisili yarik me, kit yigisa lak tak kenpeyekluk ninggi wisirigi-o.

YEREMIA 20:16

Wene waruk mbirid nap iri-ge Nagawan Indo-nen-e o siri abuwa lag-et yigisa lak tak pid nggal-et kwat ubuwag-o. Nde, ar-e kuplila-ge andi-nen enne nggwa kolosolat, lenggesilmu wim nggogolat enne nggu kolosolat wolmag-o.

YEREMIA 31:35

Nde, mo iri-ge o lengge rak puwakluk Nagawan Indo-nen ndak worak pamu-o. Nde, waneya min wonaru min iri-ge kubu yaya rak purak ndak worak pamu-o. Nde, yi koma-ge nden penden tak posola, nggeyok peyok nggurabu mbusu-o. Nde, at unu-ge Nagawan Indo Mondok Amawi Worak irir-o.

YESKIEL 37:9

Iri ala, Mbal Pem Nagawan-nen an yak norosolar-e: ”Nggweyakma nap, lak yoso wa-e. O wija wene yak ti-o. Yak tosolar-e: ’Nagawan Indo Mondok Kek tak iri na-nen yosolar-e, tu abare mo mboso nggwe-nen na irit, mo luwaso nggwe-nen na irit, ena nggwe-nen na irit, abam nggwe-nen na irit kindisep puk kil lobok yi-o. Iri yosolat, it lugwinik worali ereba enarem indisep pu yaga pil nggosola, unluk mag-o’ luk o wija yak ti-o” luk yak nirij-o.

OSEA 6:2

Nde, o mberen pem, lak, kenan pem, lak ya woragolar-e, at-nen ki rak nunpuwama, at indipma wulmul-o.

OSEA 7:10

Isarael nap inndi kek tak pili iri na nam-et yenggerak kagolar-e, it-nen meya kwatli iri bem-nen kali-o. Ereba nggal kwarogolar-et nde, ir-e an nogore na yigit lak yogolat, tuguruk it Enmbal Pem Nagawan, Nagawan Indo an neram na lobok yili bug-o.

MALEAKI 3:6

Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

OROMA 11:15

Nde, it Isarael nap na Mbal Pem Nagawan-nen amberam tak inpid pem-e nggweyak ma nap oboksa-ge Mbal Pem Nagawan imin kundik inpij-o. Iri ala-ge, Mbal Pem Nagawan-nen Isarael nap wok onposola-ge, ngge nde ma-o? Lag-o. Iri-ge wat yidnak nap unluk yidnak nggal-nen yusu-o.

OROMA 11:29

Mbal Pem Nagawan-nen ap len unpuruk, imbiringgat tak inpidnak nde ala-ge, at-nen iri kwaridnak na-ge tuguruk nden kaso bug-o.

2 KORINTUS 5:4

Nir-e nggweyak ma yu me luru wolmomtak wi na arem woragolar-e, angin worak mende nenpem pidnak iri bem-nen yane witli-o. Iri-ge nit nenpe, nggweyak ma mende yu yungguruwakluk-nen yili-ge lag-o. Are, nenpe ngget mende-ge taro iri na ombol pem yesa wok nondosola, pem-et unlug-et wolmomtak mende-nen luru wolmomtak mende iri lungguk mberak puwakluk-nen yili-o.

PILIPI 3:21

At lobok yuwarig-e, nit nenpe piri yoso yu-ge nin tak nunpuruk, at ebe abinal worak iri nggal tak nunpuwa-o. Iri kwat nonposolar-e, yi mende ndi mende oboksa at urugwe nggwe rak poso amawi iri bem-net kwat nunpuwa-o.

1 TESALONIKA 4:14

Yesus na wat luk, tuguruk uruk yij-o luk iri bem-e nit ninndi angin tubu yili-o. Iri bem-e, Mbal Pem Nagawan-nen-e Yesus ebem inndi angin tubu luk wat yidnak nab-e at imin totno wolmakluk unluk tak puwa-o luk, ninndi angin tubu yili-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

NAM PARA WENE 20:13

Iri luk, ap yi koma arem-nen wat yidnak woragwi na yi koma-nen pilana inpil wasolat, wat yugwi elem min ap wat luk ndok wiril mbugwi sa min-nen-e wat yidnak nap iri me woragwi na inpil luwagaij-o. Inpil luwarug-e, it pidsa it-nen kwarogolat woraidnak na ndak ndag-et enpem wene mbarij-o.

NAM PARA WENE 21:4

At-nen-e it iniyip lengen oboksa ndogwarak puwa-o. Wat yugwi elem na lag-et ma-o. Nde, indi puru yugwi min yip tugwi min andi kagwi min mondok lag-et ma-o. Nanduk-nen woraso oboksa lak yij-o” luk yij-o.

NAM PARA WENE 6:8

Iri yosola, yik kaginggal-e, kuda wam usu meya iri kagi-o. Nde, kuda wam na ombolwak pem kore yidnak nap iri unu-ge Wat Yugwi Elem-o. Nde, at imbirig-e Wat Yugwi Elem-nen Tenagaidnak Wi-ge at langgal luk imbirik imbirik nij-o. Nde, nggweyak ma yu me woragwi nap erep menggesa (seperempat) undurak amawi-ge it ininggem posola, it-nen ondogolar-e, yalawi bem-nen na, nere bem-nen na, andi bandi mende bem-nen na, nggweyak ma woraso ndakngge isilepma worak pem-nen na undurak amawi irit it ininggem pij-o.

1 SEMUEL 15:29

Isarael nap Enmbal Pem Nagawan Kek tak iri-ge ki nap inndi nggal-e lak me, enesiget na yoso buk, at indi-nen pidnak iri-ge mborok tak poso buk-nen yusu-o” luk yak tij-o.