OSEA 13:10 - Nanduk Ngget Tul Pidnak Wene

¹⁰ Kit-nen-e nagawan min enne kulugwi nap min wok kunduwakluk nggi yigeb-et nde, it ereba oboksa-ge yawo-ge ngge me worali-o? It-nen-e kit kenlen nab-e ndak inmiri yuwa-a?

OSEA 13:10 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 12:20

Nde, Isarael nap-nen kuliganggal-e: ”Yerobeam na-ge Mesira-nen tuguruk lobok yij-o” yogola kulurug-e, misik me wene mbarogolar-e, at yonggo puruk, Isarael nap enanggul pem irit nagawan mendak piga-o. Nde, it enlem Yewura nap-nen perak Ndaut-nen wigarak nagawan ereba na tugup lak enne nak kologolat woraiga-o.

NDAWI ENGGA 89:18

Nagawan Indo wa-e. Nit nggetlel nonposo nab-e kat-nen lenak pigen irir-o. Nit-nen idnak nagawan-e Isarael Enmbal Pem Nagawan Marak iri na arengge-nen yusu-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 43:15

Isarael wa-e. An-e Nagawan Indo Kembal Pem Nagawan Mondok Marak kat ndak worak kibigi, kat-nen idnak Nagawan-nen yusu-o” luk yij-o.

YEREMIA 2:28

Kat kinggi-nen konidnak kugwiwak ereba na-ge ngge me worasu-o? Yewura wa-e. Anggun panggun kebem mbosola-ge, kimiri yurak kugugwiwak nde ndak ala-ge, ’Nimiri yer-o’ luk enmengen mbari-o. Kat kugugwiwag-e kwarat, kuwi siri nggal-et kwarat worasu-o.

OSEA 13:4

Nagawan Indo-nen yosolar-e: ”An-e Nagawan Indo, Kenmbal Pem Nagawan Mesira-nen wok kunpuruk lobok yigi iri na-nen yusu-o. Kit Kenmbal Pem Nagawan-e nin mbi worasu-ge lag-o. An nak worasu-o. Kinmiri yoso-ge an narig-et nak worasu-o.

OSEA 3:4

Iri nggal-et kwasa Isarael nap na kwarat irit woragolar-e, nagawan na ennggendumu lak, it tu lit iniyudtak nap na lak, Nagawan Indo amanggim wosa pugwi na lak, erembel wanurak kerep sindik pigit lak, kugwiwak na lak, abok-nen kwat unpurak nam tak poso mende na lak irit wolma-o.

OSEA 7:7

Nde, it insilepma bem-e it-nen enne kulugwi nab-e indili-o. Iri nggal kwarogolar-e, it-nen idnak nagawan ereba na ondogolat nak woraiga-o. Iri nggal kwarogolar-et nde, ap misiger-o luk mbi-nen yongga unduwakluk an neram wene pil lagit lak worali-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

1 SEMUEL 8:7

Iri yak tosola, Nagawan Indo-nen yosolar-e: ”It enne irit kuli-o. Iri-ge kat keya kobogolat-nen kwatli-ge lag-o. Are, an-et keya nibili-o. Ir-e an-et it ennggendumu nagawan wolmomtag-e inndi-ge perali bug-o.