OSEA 11:9 - Nanduk Ngget Tul Pidnak Wene

⁹ An-nen-e nisilepma bem kebem angin worak mberak pimin pug-o. Mondok tuguruk yigisa lak tak kibimin pug-o. An-e nggweyakma nab-e lag-o. An-e Mbal Pem Nagawan-net yusu-o. Marak an-e kat kimin-et woralat, tuguruk nisilepma kebem pimin pug-o” luk yij-o.

OSEA 11:9 ပူးပေါင်းရင်းမြစ်များ

NDAWI ENGGA 46:5

Nde, Mbal Pem Nagawan-e iri me worasu me, o siri iri-ge lak ma bug-o. O kil posola-ge, at-nen yongga wuruwa-o.

YESAYA 31:1

Yongga undurak pem Mesira iri me mburuwa nab-e mondok enabuwa worag-o! It-nen inndi ebem wat tak pili-ge Mesira nap san ombo kere kura wam ombol pem kore yugwi kwarat ereba na min kura wam amawi worak ereba na min wim koma kwarat ereba na min ebem nak inndi wat tak pili-t nde, Nagawan Indo Isarael nap Enmbal Pem Nagawan mondok marak iri na ebem inndi wat tak pogolat, at-nen yongga unduwakluk nggi yak togolat yili bug-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 41:16

Iri rak puruk, kat-nen pil yaga keya onposola, kimamo-nen waruk mborosola-ge, o wija-nen nin me nan me ndibi ndi rak unpuwa-o. An-e kat-nen idnak Nagawan Indo ala karuk, kar-e kalen kagun-o. An-e Isarael nap Kembal Pem Nagawan Mondok Marak ala karuk, kar-e kindi kek yugun-o.

YEREMIA 26:3

Iri yosola-ge, erep-nen-e it iri-ge an-nen yidnak wene kologolat, it-nen meya kwarugwi-ge keya buruk, kondok yogola, an-nen it-nen meya kwaridnak ndak ndag-et it lak tak unpurak yemnak pigi iri na-ge larok yimin nde kwat ma-o” luk yak nirij-o.

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

MALEAKI 3:6

Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.