OSEA 11:8 - Nanduk Ngget Tul Pidnak Wene

⁸ Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

OSEA 11:8 ပူးပေါင်းရင်းမြစ်များ

NDAK WIRIDNAK WENE 14:8

Iri luk, abok nggwe-nen-e it Sorom nagawan min Nggomora nagawan min Atma nagawan min Semboim nagawan min Mbela nagawan min lambuk yogolar-e, it-nen yidnak ensan ombo min ndik ndik ndok ndok Sirim lidmu kamarak puruk, inmin wim mbarogolar-e,

1 NAGAWAN NAGAWAN-NEN KWARIDNAK WENE 3:26

Mbarurak wene iri na kulurug-e, ndemeret la iri ija iri na-nen yosolar-e: ”Nagawan kek tak wa-e. Mondok la iri-ge wururak pug-o. At irit urug-et wok turag-o!” luk yij-o. Nde, kwe iri na-nen iri yid iri-ge era indi kundugu iri-nen ndowaga-nen yij-o. Alat nde, kwe misik iri na-nen yosolar-e: Nit ponokigi we wolmok-nen mondok mbarurag-o” luk yij-o.

2 NAGAWAN NAGAWAN-NEN KWARIDNAK WENE 13:23

Alat nde, Nagawan Indo-nen-e at ilirak enabuwa karuk, it-nen meya kwarugwi-ge amberam tak posolat woragij-o. Ar-e ilirak lak tak unpuwakluk keya unpurak iri-ge imbit-nen yongga-t ondosolat woragij-o. Iri yid iri-ge Abarakam min Isak min Yakup min ”Irit kwat kinpimin-o” luk urul yak indid iri na bem-net kwarij-o. Yawo-nen na at ilirag-e meme rak unpusu bug-er-o.

YESAYA 63:15

Nagawan Indo wa-e. Kat woraso sa marak abinal worak aid arem-nen kerengen-e mbel niniyi-o. Kat kamawi woraso min nenabuwa kaso min-e ngge rak pigenma-o? Nunpud kaso min nenabuwa kwarat kaso min-e ngge rak pigenma-o? Nenabuwa yigit lak keya nunpurak pug-o.

YEREMIA 18:8

ap enlem iri na-nen nde it-nen meya yugwi keya buruk, kondok yogola-ge, an-nen nindi arem yimnimin iri-ge kwarimin pug-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

YEREMIA 9:7

Iri yogola karuk, Nagawan Indo Mondok Amawi Worak iri na-nen yosolar-e: ”An nilirak yu-ge mondok kona kopkap lak iminep mbara labuk makluk, logam abut mbarugwi nggal it inndi kasolat enabut mbarimin-o. Nde, an nilirak meya nak kwarogolat woragwi ereba-ge ereb-e no mende nggal kwat inpimin kene?

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

OSEA 6:4

Alat nde, Nagawan Indo-nen yosolar-e: ”Kit Isarael nap min Yewura nap min wa-e. Kit-nen an nabuwa kagwi-ge kuplila o age min lilangen min ndag-et nak lak yusu iri na nggal me, an-e kit kinmin-e ngge nggal kwarimin-o?

OSEA 7:1

Nagawan Indo-nen yosolar-e: ”An-nen-e pempa an nilirak Isarael nab-e ki rak onposolat, tuguruk nanduk-nen woragwi nggal ondolma rak onposolat kwareyekluk yosoma-t nde, an-nen yik kasoma-ge, it-nen lugudtak kwarugwi min meya kwarugwi min nak kasu-o. Ir-e it na it-net enmberam lagolat, yariya wanurak pem ap enma nak nggogolat, tula tula ereba na me-nen ap nak nden enperenak worali-o.

AMOS 4:11

Kit kennggendumu ereb-e Sorom min Nggomora min lak tak inpigi iri na nggal lak tak kinpigi-o. Iri kwarosolat, erep keya kinpidnak iri-ge kan nasoma, kisirik pugwi nggal, kisirik kinpidnak nggal-nen yusu-o. Iri nggal-et kwat kinpidnag-et nde, tuguruk nden karuk an neram lobok yigit lak yigeb-o.

AMOS 7:3

Yosolakmu, Nagawan Indo-nen at-nen kwarurak peragid iri na larok yosola-nen yosolar-e: ”Kat-nen kaigen iri-ge kwat ma-ge lag-o” luk yij-o.

AMOS 7:6

Iri yosolakmu, Nagawan Indo-nen at-nen kwarurak peragid iri na larok yosolat-nen yosolar-e: ”Yawo kaigen yu min-et kwat ma-ge lag-o” luk yij-o.

MIKA 5:3

Nde, amawi worak nap iri na lobok yosolar-e, at amawi bem-nen at nap tena onposolar-e, Nagawan Indo Embal Pem Nagawan-nen idnak amawi bem-net tena unpuruk wolma-o. Elem nap iri na tena unpuruk woralar-e, ir-e mondok kona yamuksa woragola karuk, yi wi ndi wi woragwi nap oboksa-nen yogolar-e: ”At iri-ge wir-o!” luk, kek tak pogolat wolma-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

TUGURUK YIDNAK WENE 32:36

Nagawan Indo-nen-e at ilirak nde yik eneyasolar-e, ndeyak yogola, enmawi lak ala karug-e, at ndegel ubugwi nap enabuwa kasolar-e, at ilirag-e inmiri yuwa-o.

2 PETERUS 2:6

Nde, o Sorom min Nggomora min na irit, Mbal Pem Nagawan-nen enpem wene mbarosolar-e, kanduk pem-nen lak tak inpij-o. Iri kwarid iri-ge, Mbal Pem Nagawan ebem inndi angin tubu yugwi buk nap pidsa iri nggal kwat kunpuwa-o luk ndak worosolat-nen kwarij-o.

YURAS 1:7

Nde, o Sorom min Nggomora min inggi inggi woragwi o siri erep min yebet yebet tak wolmer-o. Aid nap-nen kwariga nggal, o iri me nap-nen-e mbabi kwarogolat, kwarugwi buk mende mondok meya na kwarigarik pem-e, lak momtak puk kanduk iri-nen nok inpid iri-ge ap pidsa inndi wanuwakluk kwat enpamu-o.

NAM PARA WENE 11:8

It ontogwag-e o siri nggulok it Nagawan Indo na e lang pang tak pem wiridnak sa tulabiyem mbud tak wolma-o. Nde, o iri unu-ge nden karuk wene bem-e Sorom ala na, Mesira ala na irir-o.

NAM PARA WENE 18:18

kwe na kan nasolat kule lasola karuk-nen enne nggoksa yogolar-e: ”O siri erep mbi o siri nggulok yu nggal mbi mondok worasu bug-o!” luk yiga-o.