OSEA 11:2 - Nanduk Ngget Tul Pidnak Wene

² Alat nde, an nambara iri-ge wene mbo obosola-t nde, ar-e nuruk nuruk nde mborosolat woraso-o. Nde, ar-e kugi Mbaal amanggim wam wosa kan posolat, kugwiwak erep ereba na amanggim emben konak mende kan posolat woraso-o.

OSEA 11:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:19

Yawo-ge kat-nen Isarael nap oboksa yak indi-o. An nimin Karamel Ndobo bem ndok wuruwag-o. Iri yogolar-e, kugwi Mbaal ombo empat ratus lima pulu (450) min kugwi Ndewi Asera ombo min ereba-ge kogwe Isebel-nen onggo wok ondoso nap empat ratus (400) ereya min-et oboksa inmin lobok yurag-o” luk yak tij-o.

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

YESAYA 65:7

An-nen onggo pimin iri-ge it min onmborak min-nen meya kwarugwi bem-et onggo wok indimin-o. It-nen enlengenma nggal tak nobogolar-e, kemenan emben konak worak iri na-ge kugwiwak amanggim, kugwiwak erembel wanugwi sa ndobo bem ereba na me kan pugwi-o. An-nen onggo posolar-e, it nanduk-nen kwarogolat woragwi ndak ndag-et wok indimin-o” luk yij-o.

YEREMIA 18:15

Alat nde, an nilirak-nen-e an-e meme rak nuburuk, kugwiwak amanggim emben konak mende kan pogolat worali-o. Ir-e nanduk-nen mburugwi tulabiyem-nen unuwok abis pijaksa mbud luk, wal tu nde nduluruk mbitli-o.

OSEA 11:7

Ir-e mondok an keya nuburak lembe yili-o. Ir-e anggun panggun tak onpogola, ’Yongga nundurag-o’ luk enne mbo yuwa-t nde, ap mbi-nen yongga unduwa bug-o” luk yij-o.

OSEA 2:13

At-nen yi tarem ndi tarem ereba na-ge kugwi Mbaal enmanggim nak emben konak mende kan perenak worasolat, inmin nene yoso nap ereba na langgal unpuruk mbururak pem nak imirik umuruk puruk langgal unpuruk mborosolat, ereba kwarurak nak nggok tak puruk an-e mondok abu abu meme rak noboso bem-e an-e angin worak mende ebem pimin-o. Nagawan Indo an-net yusu-o” luk yij-o.

OSEA 4:13

Kugwiwak erembel wanugwi sa ndobo anggul pem min ndobo wolak pem min ereba na me-ge kir-e kugwiwak amanggim wosa pogolat, e engga angin lud tak ereba indipma-ge konak wesarak ala karuk, indipma emben konak mende kugwiwak amanggim kan pogolat kwatli-o. Alat nde, iri kwatli iri-nen ndowaga no kwat ma-o? Kinlirak kwami ndugum-nen terak waring kagolat, kinlirak onkwerak-nen na ap erep inmin mbabi kwarogolat yili-o.

OSEA 4:17

Nde, Isarael nab-e kugwiwak-nen mbeyapngen enparik inndi ebem nambena keya bidnak me, it iri-ge keyap tak unpurag-o.

LUKAS 13:34

Yerusalem wa-e. Yerusalem wa-e. Mbal Pem Nagawan ene lomboksa yugwi nab-e kat-net ondosolat, Mbal Pem Nagawan-nen keram wirik inpil lobok yidnak nap na kerep pem-nen ondosolat yoso-o! Towe wam-nen at amarig-e eraplabe-nen yomondoso nggal, iri nggal-et kwarat pem kat-nen idnak nap na ndok wat enpeyekluk yigi-t nde, ’Nimbir-o’ yigen-o.

YOANES 3:19

It lak tak unpurak wene enpem mbarid iri-ge elem yu bem-nen-o: Yaya na-ge nggweyak ma yu me lobok yij-et nde, ir-e meya nak kwarugwi me, yaya na insili rak puruk, ’Ndamuk irit ninndingen-o’ luk yugwi iri bem-nen enpem wene mbarid irir-o.

YIDNAK YIDNAK WENE 7:51

Kit kinndi tulubuk nap wa-e. Kinndi ambasap wabigit lak, keneyanggo al wabugwi buk nap kir-e noluk-nen Konak Indi ene-ge pempa kuligit lak nak yili-o? Kit kenlawingga-nen kwarogolat woraiga na nggal-et kit na iri nggal-et kwatli-o.