OSEA 1:1 - Nanduk Ngget Tul Pidnak Wene

¹ Nde, Yewura-ge nagawan nagawan Usia min Yotam min Agas min Isikia min it iri-nen o tenakwi komo woragola tarem, nde, Isarael-e nagawan Yoas ambara Yerobeam-nen tena unpuruk worala tarem-e Nagawan Indo-nen Mberi ambara Osea ebem pidnak wene-ge yu-o.

OSEA 1:1 ပူးပေါင်းရင်းမြစ်များ

YESAYA 1:1

Engga yu arem-e Yewura nap nagawan nagawan Usia min Yotam min Agas min Iskia min-nen Yewura tena woragola tarem Mbal Pem Nagawan-nen Yewura min Yerusalem min yak indidnak wene Amos ambara Yesaya imbiri bem nam tak posola, Yesaya-nen mbaridnak wene worasu-o.

YESAYA 7:1

Nagawan Agas iri-ge Usia-nen ndagid Yotam iri na ambara-o. Nde, at Nagawan Agas iri Yewura nap ennggendumu nagawan worala tarem-e it ennggendumu wim ngak yosolar-e, Siria nagawan Eresin min Isarael nagawan Peka na-ge Eremalya ambara iri na min lambuksa lobok yogolar-e, Yerusalem enpem kore yiga-t nde, o Yerusalem iri na-ge wanurak meya yij-o.

YEREMIA 1:2

Nde, Yewura nap nagawan Yosia Amon ambara iri na-nen Yewura wi tena woralat olengen tiga belas tak posoma tarem-e Nagawan Indo-nen-e Yeremia imin wene yij-o.

YEREMIA 1:4

Nagawan Indo-nen yosolar-e: ”Kat kiya arem awo kwarak kibigit lak ma, iri-nen kat awo ndet yigit lak ma-net ap enlem oboksa enmanggim an nene lomboksa yoso nap woranokluk len kubukmu-o” luk yij-o.

YOEL 1:1

Nagawan Indo-nen Petuel ambara Yoel ebem pidnak wene-ge yu-o.

AMOS 1:1

Nde, Amos iri-ge o Tekoa iri me-nen lomba ndogoroso nap irit woragij-o. Nde, at Mbal Pem Nagawan ene lomboksa yoso nap kwat yij-e, Yewura nab-e nagawan Usia-nen tena unpuruk worala, nde, Isarael nab-e nagawan Yerobeam Yoas ambara iri na-nen tena unpuruk worala ereya tarem-nen Mbal Pem Nagawan ene lomboksa yoso nap kwat yij-o. Nde, o lele nggok wok yigit lak ma olengen mberen woragolar-e, Mbal Pem Nagawan-nen-e Isarael nap kwat unpurak wene irit Amos mirik ibij-o.

YUNUS 1:1

Nde, misik tarem-e Nagawan Indo-nen Amital ambara Yunus iri na wene yak tij-o.

MIKA 1:1

Nde, Mika iri-ge o marik misik unu-ge Moreset woraso-o. Nde, at iri-ge Yewura wi iri na me Nagawan Yotam min Agas min Isikia min it ereya-nen ondolma lud o tena woragola tarem-nen Samaria min Yerusalem min kwat unpurak wene Nagawan Indo-nen Mika yak tij-o.

YOANES 10:35

Nde, Mbal Pem Nagawan engga bem mbaridnak wene iri-ge ndemeret pem-et wolmomtak wene-nen yusu-o luk nir-e nenaru-o. Mbal Pem Nagawan-nen yidnak wene yak indidnak nap inmin-e: ’Kir-e Mbal Pem Nagawan nggal-net yili-o’ luk yak indidnak me,

OROMA 9:25

Mbal Pem Nagawan ene lomboksa yoso nap Osea-nen mbaridnak engga arem-e Mbal Pem Nagawan-nen yosolar-e: ”An nelem nab-e lag-et nde, ’An nelem nab-o’ luk yak indimin-o. An-nen unpud kaso buk nab-et nde, ’Unpud kaso nab-o’ luk yimin-o.

2 PETERUS 1:21

Nde, Mbal Pem Nagawan engga bem abok-nen kwat momtak urul paga pidnak wene iri-ge ap inndi-n pidnak pem-e mondok mbarigir-e lag-o. Are, Konak Indi nak-nen mul ondosola, ab-e Mbal Pem Nagawan-nen yidnak wene ap yak undugwi-o.