OROMA 9:7 - Nanduk Ngget Tul Pidnak Wene

⁷ Nde, Mbal Pem Nagawan-nen Abaram yak tosolar-e: ”Isak-nen ndaguwa lolo iri nak kat-nen wigarag-o” luk yak tidnak me, Abaram-nen wigarak na rit oboksa Mbal Pem Nagawan ilirak-nen yili-ge lag-o.

OROMA 9:7 ပူးပေါင်းရင်းမြစ်များ

NDAK WIRIDNAK WENE 21:12

Alat nde, Mbal Pem Nagawan-nen Abarakam yak tosolar-e: ”Kar-e ndegel koboso kwe Agat iri min ambara min enpem kumud kasu-ge meyog-o. ’Kat-nen wigarag-e kwarat ma-o’ luk urul yak kirigi na-ge Isak ebem-net kwat ma me, kar-e Sara-nen yak kurusu irit kwari-o.

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

LUKAS 16:30

Yosoloma-ge, isilobulo worak nap na-n yosolar-e: ’Iri kwarurak iri nag-e ndag-e lag-o. Neid Abaram wa-e. Are, wat yidnak nab-et nde, uruk luk, it endam wok yosola-n perak nde it meya yidnak keya buruk kondok yuwa-o’ luk yij-o.

LUKAS 3:8

Meya kwarugwi keya buruk, kondok luk-nen kwarugwi mende mbi nam tak per-o! Kir-e: ’Abaram iri-ge nit nonmbo-nen yusu-o’ luk yurak pug-o. Yak kendeyeg-o: Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak wat unpurak na ndak-net yusu-o!

YOANES 8:33

Yak ondosoloma, it-nen at yak togolar-e: ”Kir-e Abaram-nen wigarak me, nir-e ap misiger-o luk tet ndegel unpugwi bug-o. Irit nde, kat-nen-e: ’Wisirik kunpuwa-o’ yigen iri-ge ngge yosolat-nen yigen-o?” luk yiga-o.

NGGALATIA 4:23

Ndegel oboso kwenen ndagaid la iri-ge ki nap-nen ndakwi nggal irit ndagaij-et nde, wisirik woraso kwe-nen ndagaid la iri-ge Mbal Pem Nagawan-nen urul pidnak iri na bem-nen ndagaij-o.

NGGALATIA 4:28

Nowe nowosi wa-e. Isak na-ge Mbal Pem Nagawan-nen urul pidnak wene bem-nen ndagaidnak nggal, kit na iri nggal-et urul pidnak wene bem-nen Mbal Pem Nagawan ilirak-nen yili-o.

PILIPI 3:3

Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.

IBERANI 11:18

Nde, Mbal Pem Nagawan-nen Abaram yak tosolar-e: ”Isak-nen wigaruwa iri inmin-et kat kilirag-o luk yuwa-o” luk yak tid nar-o.