OROMA 9:4 - Nanduk Ngget Tul Pidnak Wene

⁴ Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

OROMA 9:4 ပူးပေါင်းရင်းမြစ်များ

NDAK WIRIDNAK WENE 15:18

Ereya na-net Nagawan Indo-nen Abaram urul watsa yak tosolar-e: ”O Mesira nggweyak kuri mbarak iri kuri-nen yi Eperat kuri o nggweyak yu oboksa-ge kat-nen wigarak iri wok indimin iri-ge

NDAK WIRIDNAK WENE 17:10

Kat na irit, kat-nen wigarak na irit, ab-et nde ala-ge, mondok iniye ambesap mbarurag-o.

NDAK WIRIDNAK WENE 17:2

An-e kat kimin urul paga yak korosolat, kat-nen wigarag-e kwarat tak posolat yimin-o” yak tij-o.

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 32:28

Yosoloma, ap iri na-nen Yakup yak tosolar-e: ”Kar-e Mbal Pem Nagawan min ki nap min inmin-et yig nggwigen-et nde, kar-et ombol nggwe yidnak me, kunu-ge Yakup iri-ge lag-o. Yawo-ge kunu-ge Isarael kwat yij-o” luk yak tij-o.

1 NAGAWAN NAGAWAN-NEN KWARIDNAK WENE 8:11

Nde, Nagawan Indo worasolar-e, at eyaya-nen nggan nggan na-ge abinal worak yij-o. Iri yosola-ge, tepan ombo-ge tuguruk eneyabu erep wil nggurag-e meya agaij-o.

NDAWI ENGGA 63:2

Kat kama-nen kar-e keyasolat, kat kamawi min kat-nen kek tak woraso min-e kayeg-o.

NDAWI ENGGA 73:1

Mbal Pem Nagawan iri-ge Isarael nap, inndi kopkap lak woragwi nap inmin-e mondok ndemeret konak kwat onposo-o.

NDAWI ENGGA 89:3

Kat-nen yosolar-e: ”An-e an-nen lenak pidnak nap imin urul pigi-o. An-nen owak mbara ndegel noboso nap Ndaut imin urul posolar-e:

NDAWI ENGGA 89:34

An-nen ’Kwat kibimin-o’ luk urul yak tigi iri na-ge mondok nden kamin pug-o. An-nen urul yak tigi-ge misiger-o luk mondok nggibik tak pimin pug-o.

NDAWI ENGGA 90:16

Kat-nen kwaroso-ge nit kat ndegel kubugwi nap mirik ninpi-o. Nde, kat kabinal-e nit-nen nderak mirik inpi-o.

MBIRIGA WENE 12:25

Kit nde Nagawan Indo-nen urul yak kindid wi iri me nggugupndik woragolar-e, o wot kaidnak tarem yu-ge yebet kagolat woragup na-e.

MBIRIGA WENE 34:27

Nagawan Indo-nen Musa yak tosolar-e: ”An-nen kat min Isarael nap min kinmin kondosolat-nen urul yak kundusu me, wene ereba-ge engga bem mbari-o” luk yak tij-o.

MBIRIGA WENE 4:22

Iri yosola-ge, nagawan iri-ge yu nggal yak turag-o: ’Nagawan Indo at-nen yosolar-e: ”Isarael iri-ge an nambara manggiya nen yusu-o.

MBIRIGA WENE 40:34

Iri rak posoloma-ge, nggan nggan mbuwasolat, Mbal Pem Nagawan uwi na-ge muruk tak posolat, Mbal Pem Nagawan-e o iri na me woralat at abinal-e o iri na me eyaya-nen kobong yij-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 46:3

An nilirak marig-et keya kinpidnak Yakup-nen wigarak wa-e. Kit oboksa-nen an-nen yidnak wene kwara koler-o. Kir-e nggeret ndesa mbogola-net an-nen kwara ndegel kenperenak woraso-o.

YESAYA 5:2

Nde, at-nen-e nggweyak yalosolat, kerep ereba na-ge lena mbo bosolat, anggut konak uwi nak irit yagij-o. Yagurug-e, yik karok wolmomtak o mot misik iri na me wirij-o. Iri rak purug-e, anggut engen yosola, engen amburu mbulurak ondoro nggweyak yalij-o. Iri rak purug-e, engen ereba na ogere yamu mbarid nggal-e, engen undu-ge amak worak nde kagaij-o.

YESAYA 60:19

Lengge-ge mo kebem yarosolat, nde, kubu-ge waneya-nen yaya rak kobosolat wolma bug-o. Nagawan Indo an-e pem irit kat yaya rak koboso kwat yosolar-e, pempa nabinal-nen yaya rak kobosolat woramin-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YESKIEL 1:28

Nde, erare-ge yelepma arare nggal nin tak nan tag-o. Nde, abinal iri-ge ”Mbal Pem Nagawan iri me worasu-o” luk yenggerak irir-o.

OSEA 11:1

Nagawan Indo-nen yosolar-e: ”Isarael-e marik pem-net an-nen abuwa kaso-o. Nambara iri-ge wene mbo uburuk, Mesira-nen lesa pil lobok yukmu-o.

MATIUS 21:33

Yesus-nen yosolar-e: ”Nden karuk wene misik yu koler-o. Nggweyak winde nap misig-e eyabu anggut yabu woragaij-o. Worala-ge, leget waga kambuk tak puruk, engen amburu mbulurak ondoro nggweyak yaluruk, yik karok wolmomtak o lije teram misik wirij-o. Wutlug-e, it-nen parugu woraidnak pem engen erep wanuwakluk, ap yak unduruk, at iri na-ge o nin sa mbirij-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YOANES 1:47

Nde, Natanael na Yesus eram lobok yosola karuk, Yesus-nen at imin yosolar-e: ”Ndemeret Isarael nap yu nde ker-o! At arem-e enesiget wene na yoso bug-o!” luk yij-o.

YIDNAK YIDNAK WENE 2:39

Nde, urul pidnak wene iri-ge kit kenmanggim na, kit kinlirak enmanggim na, it erepma worali nap pidsa, Mbal Pem Nagawan nit Nagawan Indo-nen yonggo unpuwa nap pidsa enmanggim na irit urul pij-o” luk yak indij-o.

OROMA 3:2

Lag-o. Iri mende-ge nggulok-nen yusu-o. Nanduk tak posolar-e, Mbal Pem Nagawan-nen-e at owene-ge Yawuri nap ininggem pij-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

OROMA 9:6

Alat nde, Mbal Pem Nagawan-nen urul pidnak wene-ge kwarigit lak ma-o luk yusu-ge lag-o. Nde, Isarael-nen wigarak lolo iri oboksa-ge Mbal Pem Nagawan-nen len inpidnak nap nak-nen yili-ge lag-o.

2 KORINTUS 11:22

Ir-e Iberani nap-nen yili-a? An na Iberani nap-nen yusu-o. Ir-e Isarael nap-nen yili-a? An na Isarael nap-net yusu-o. Ir-e Abaram-nen wigarak-nen yili-a? An na Abaram-nen wigarak-net yusu-o.

NGGALATIA 3:16

Nde, Mbal Pem Nagawan-nen ”Iri nggal timin-o” luk, urul posolar-e, Abaram min at-nen wigarak min irit yak indij-o. Wene iri-nen yosolar-e: ”At-nen wigarak lolo-o” luk, ap kwarat inmin yij-e lag-o. Are, at-nen yosolar-e: ”Kat ndet ubugun nab-o” luk yid na-ge ap misiget, Kerisut nak imin yij-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

TUGURUK YIDNAK WENE 4:13

At-nen kinmin urul pid wene iri na ndak ndak tak pogolar-e, mondok kit-nen kwarurak kenaru rak posolar-e: ’Imiri mbarak pidnak wene sepulu kerep abak mberen ereya bem mbarak iri na-ge kir e mondok ndak ndag-et kwarurag-o’ luk yak kindid nar-o.

TUGURUK YIDNAK WENE 7:6

Kit-nen ereba oboksa kwarugup iri-ge nggweyak ma yu me worali oboksa ennggendumu-nen Nagawan Indo Kenmbal Pem Nagawan-nen lesa wok kunpuruk at elem nap tak kinpidnak, at ilirak tak kinpidnak ala-n kwarugub-o.

IBERANI 9:1

Nanduk urul pidnak wene na bem-e, Mbal Pem Nagawan erembel wanogolat-nen kwarugwi kwarugwi min ki nap ininggi-nen wiridnak Mbal Pem Nagawan erembel wanugwi min na woragaij-o.

IBERANI 9:10

Nde, Mbal Pem Nagawan amanggim pugwi iri-ge nunggwi mende nde, yi nunggwi nde, yi mende ndi mende yi marugwi wene nde iri-ge we enaboro-nen kwarugwi mende-o. Iri kwarugwi iri-ge kwat tenag-et worakmu, Mbal Pem Nagawan-nen ngget kwarak puwa tarem wok yosola-nen keya burag-o.

IBERANI 9:3

Nde, sum timnik ombol nggwe iri me sum-nen wiridnak kuri worak misik iri na unu-ge ”O Mondok Marak Sa-o” irit woragaij-o.

IBERANI 9:5

Nde, labu mbarak na ombol pem-e abinal worak aid nap ndak worak iri ponok ponok woragaij-o. Nde, aid nap iri enlap labe erep kwindik worala, ap-nen meya yogolat woraidnak korak poso sa iri-ge indipma rak piga-o. Alat nde, iri wene oboksa yawo-t kwara ndindera yurag-e meya-o.

IBERANI 9:6

Iri nggal kwasa konurug-e, tepan omborak-nen-e it eneyabu wanuwakluk sum-nen wiridnak wi mondog-et nggugwi sa iri me pempa nggwerenak woragwi-t nde,