OROMA 9:30 - Nanduk Ngget Tul Pidnak Wene

³⁰ Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

OROMA 9:30 ပူးပေါင်းရင်းမြစ်များ

NGGOMO WENE 15:9

Wene tarugwi nap-nen kwarugwi iri-ge Nagawan Indo-nen-e isili kaso-o. Alat nde, Nagawan Indo indi-n pidnak kwatli nab-e enabuwa-t kaso-o.

OROMA 10:10

Nde, inndi-nen angin tubu yidnak pem-nen lud tak nak onposo-o. Nde, enemende nggwe-nen-e: ”Yesus-e Nagawan Indo-nen yusu-o” luk yidnak pem inmiri yoso-o.

OROMA 10:20

Alat nde, Yesaya na-nen kwiye lag-et yosolar-e: ”An nogore yugwi buk nap-nen-e an neyaiga-o. An kin wok nibigit lak nap inmbiri bem-e an nondomok nam yaga mirik inpigi-o” luk Mbal Pem Nagawan-nen yij-o.

OROMA 10:6

Alat nde, inndi angin tubu yidnak pem lud tak nak inpidnak nap yak ondogolar-e: ”Kinndi-nen peragolar-e: ’Ta nde aid arem lujwa-o?’ luk purak pug-o. (Iri yogolar-e, Kerisut waruk mbumomtak yogolar-o.)

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

OROMA 4:13

”O nggweyak yu-ge kit-net winde yugub-o” luk Mbal Pem Nagawan-nen Abaram min at-nen ndagaidnak lolo min urul paga yak indid iri-ge ar-e imiri mbarak pidnak wene-nen yidnak yidnak kwaroso bem-nen-e lag-o. Are, at indi angin tubu yidnak pem Mbal Pem Nagawan-nen at lud tak nak ibidnak ala-nen urul paga yak indij-o.

OROMA 4:22

At Abaram indi-ge iri nggal angin tubu yidnak me-ge, Mbal Pem Nagawan-nen-e ”Kar-e lud tak nak kwaroso keyagi-o” luk yak tij-o.

OROMA 4:9

Nde, enalen kali nab-o yid iri-ge iniye ambasap wabugwi nap inmin nak yij-a? Are, iniye ambasap wabugwi buk nap na inmin yij-a? Mbal Pem Nagawan engga mbarak pem-nen yosolar-e: ”Abaram-e Mbal Pem Nagawan ebem nak indi angin tubu yidnak peme Mbal Pem Nagawan-nen at lud tak nak ibij-o” luk yanem yige nar-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

OROMA 9:14

Iri yidnak ala-ge, nir-e no nde yul-o? Mbal Pem Nagawan-e mot mot kwaroso buk-nen-o yul-a? Mondok lag-o.

OROMA 9:31

Alat nde, Isarael nap-nen-e imiri mbarak pidnak wene langgal luk mborogolar-e, lud tak nak nunpuwa-o luk peraiga-t nde, lud tak nak inpigir-e lag-o.

NGGALATIA 2:16

Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

NGGALATIA 3:24

Iri ala-ge, Kerisut lobok yigit lak ma-ge, imiri mbarak pidnak wene iri-ge nit mul nondoso nap nggal woragaij-o. Nde, Kerisut na lobok yamu-nen-e ninndi angin tubu yidnak pem-nen lud tak nak ninpij-o.

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

NGGALATIA 5:5

Nde, Konak Indi bem-nen nit ninndi angin tubu yidnak pem lud tak nak nunpuwa-o luk ninndi mbung mbung tak worali iri kwat nunpuwakluk yik karok worali-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

1 PETERUS 4:3

Nde, kit nanduk kwarat woragolar-e, Mbal Pem Nagawan enaru buk nap-nen indingen kagwi mende kwarogolat woraigeb-o. Iri kwarogolar-e, meya nak kwarogolat, kinndi-nen ukwe yugwi nak langgal luk mborogolat, anggut engen amburu nuruk, kinndi wawa yogolat, inik inik saguruk, mbabi yogolat, anggut engen amburu na ndonggosa nonggolat, erembel wanurak pug-o luk yidnak kugiwak erembel wanogolat woraigeb-o.