OROMA 9:23 - Nanduk Ngget Tul Pidnak Wene

²³ Nde, Mbal Pem Nagawan-nen nunpud kaso nap, nunnu kek tak purak pem len inpidnak nap nit mirik nenpeyekluk yosola-ge, at nunpud kaso elem iri nggilara nenpem pil mbuwasola-ge, nit-nen yi lik ndi lik yurag-e meya-o.

OROMA 9:23 ပူးပေါင်းရင်းမြစ်များ

LUKAS 1:17

At iri-ge Mbal Pem Nagawan-nen wirik pil lobok yidnak nap amawi worak, unu kek tak Elia nggal irit kwat ma-o. At-nen-e ineidtak min inlirak min lambuk tak onposolat, nde, wene kuruk tugwi nab-e mot mot yebet kagwi nap tak onposolat ma-o. Iri nggal kwarosolar-e, Nagawan Indo ilirak kwat momtak nap tak unpuwa-o” luk yak tij-o.

YIDNAK YIDNAK WENE 9:15

Alat nde, Nagawan Indo-nen at yak tosolar-e: ”Irit nde, mbiri-o. Ap iri-ge an ndegel nobosolar-e, enlem nin nap min nagawan nagawan min Isarael nap min an nunu yak indil mburuwakluk an-nen lenak pidnak-nen yusu-o.

OROMA 2:4

Mbal Pem Nagawan-nen ap unpud kaso min indi yanggonak woraso min indi luruk puruk woraso min nggok iri-ge kir-e te rak pili-a? Kit meya yidnak keya buruk, kondok yuwakluk, ar-e kit kunpud kasu iri-ge kir-e kenaru buk yili-a?

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

OROMA 8:30

Nde, nanduk-net len inpidnak nap iri na-t Mbal Pem Nagawan-nen yonggo inpij-o. Nde, yonggo inpidnak nap iri na-t lud tak nak inpij-o. Lud tak nak inpidnak nap iri na-t kek tak inpij-o.

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

EPESUS 2:7

Iri kwat ninpid iri-ge, abok pempa woragolat-nen-e at-nen we wok ondoso elem utlud iri-ge Kerisut Yesus ebem at-nen konak nak kwaroso iri na mirik nenpeyekluk kwat ninpij-o.

EPESUS 3:16

An-e Mbal Pem Nagawan emengen mbarosolar-e: ”Kat kunu kek tak woraso utlud lombok iri-nen kat Kindi ebem-nen it inndi amawi rak posolat, inndi tugup lak tak posolat,

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:12

Yaya nak woraso sa iri me marak nap inmin winde yobokluk ndak tak kinpidnak Nineid iri imin-e ”Wiwa-o” luk yak togolat wolmer-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

1 TESALONIKA 5:9

Mbal Pem Nagawan-nen len ninpij-e, at isilepma nenpem peyekluk-nen len ninpigit lag-o. Are, Nenagawan Indo Yesus Kerisut ebem-nen ninmiri yekluk len ninpij-o.

2 TIMOTIUS 2:21

Ta-nen nde at meya yidnak keya buruk, at ondomok mat korasu nab-e nggok sakwi tarem-nen wanugwi piring nggal kwat ma-o. Piring iri ombo-nen arengge indi kundik woraso kwat luk, konak mende pidsa kwarurak lid lud tak pidnak piring nggal kwat ma-o.