OROMA 9:20 - Nanduk Ngget Tul Pidnak Wene

²⁰ Alat nde, naptak wa-e. Kir-e Mbal Pem Nagawan imin eyak wururag-e ndag-a? Nde, nggweyak yimbe-nen at ndak worak ibid nap na yak tosolar-e: ”Kar-e noluk-nen yu nggal ndak wat nibigen-o?” luk yak turag-e ndag-a?

OROMA 9:20 ပူးပေါင်းရင်းမြစ်များ

2 SEMUEL 16:10

Alat nde, Nagawan Ndaut-nen Abisai owe Yoap min yak ondosolar-e: ”We yik nak karuk larok yer-o. Nagawan Indo-nen yak tidnak pem-nen nde imbiri lamut tak nobosola-ge, kat ta-nen: ’Kat iri kwarusu-ge meyog-o’ luk yurag-e ndag-a? Mondok meya-o” yak indij-o.

AYUP 40:5

Ndemeret an-e wene-ge mondok kwarat wirik pukmu-o” luk yij-o.

AYUP 40:8

Kar-e an-nen lud tak nak kwaroso iri na-ge lak tak puruk, kat-nen-e mot mot kwaroso nggal kwarosolat, an-e meya kwaroso rak nubugun-a?

YESAYA 64:8

Alat nde, Nagawan Indo wa-e. Kar-e nit nineid-net yusu-o. Nir-e mimi nggweyag-et nde, kat-nen kwarak ninpidnak-nen yusu-o. Nit oboksa-ge kat kinggi-nen kwarak ninpidnak-nen yusu-o.

YEREMIA 18:6

”Nilirak wa-e. Mimi nggweyak pem-nen nggweyak yimbe konoso nap iri-nen kwarusu nggal, an-nen kit kwat kunpurag-e meya? Mimi nggweyak yimbe konoso nap inggem worasu iri nggal-et kir-e an ninggiyapma worali-o.

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MATIUS 20:15

An nangge iri-ge an nondomok nindi-n peraruk tumbururag-e meya kaigen-a? Iri ala-ge, an nindi konak ala karuk, kar-e noluk-nen kerengen ale yusu-o?’ luk yak tij-o.

LUKAS 12:14

Yosoloma-ge, Yesus-nen at yak tosolar-e: ”Nab-o. Kit kenmberek kenpem wene mbarosolat, kit kinmining angge iri tembet kondosolat makluk, ta-nen mendak nibij-o?” luk yij-o.

OROMA 14:4

Kar-e ta nggal-nen nin nap ndegel oboso nap ebem wene mbarugun-o? Mendak worasolat na, mbud yosolat na, at ondomok Eid nak-nen at ebem wene mbaruwa-o. Alat nde, at mendak wolmomtag-e Nagawan Indo amawi bem mendak worala me, ndegel oboso nap iri-ge mendak irit wolma-o.

OROMA 2:1

Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

OROMA 2:3

Alat nde, nanggamirak kir-e nin nap enpem wene mbarogolat-net nde, kit-nen na meya mende iri nggal kwarugwi me, Mbal Pem Nagawan-nen-e kit kenpem wene mbaruwa bug-o luk perali-a?

OROMA 9:21

Nggweyak yimbe konoso nap-nen-e ndangen nggweyak iri-ge at indi-n puruk nak-nen konoso-o. Nggweyak lubarak misik-nen-e yimbe mberen konosolar-e, misig-e yimbe konak irit konosolat, nde, misig-e we meya nggal konoso nar-o.

OROMA 9:22

Nde, iri nggal-et Mbal Pem Nagawan-nen kwaroso-o. At isilepma-ge nam tak posolat, at amawi na mirik onposolat eyekluk yij-et nde, at isilepma rak pili nab-e lak tak enpeyekluk lid lud tak pij-et nde, it inmin-e indi luruk puruk woragaij-o.

1 KORINTUS 1:20

Inndi tenggerak nab-e ngge me-o? Engga enaru nab-e ngge me-o? Nggweyak ma yu me-nen eyak wat wat kwarugwi nab-e ngge me-o? Nggweyak ma yu me-nen inndi lid tak elem iri-ge Mbal Pem Nagawan-nen wid tak pid na kali bug-a?

1 KORINTUS 7:16

Kun worak kwe wa-e. Kat kun iri kat-nen imiri yugun, lak? Nde, ogwe worak nap wa-e. Kat kogwe iri kat-nen imiri yugun, lak?

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

2 TIMOTIUS 2:20

O nggulok arem-e piring min togolwak min kwarat worasu-o. Ereb-e emas min perak min pem-nen konidnak nak worasu-ge lag-o. Are, e min nggweyak min pem-nen konidnak na worasur-o. Nde, ereb-e nggulok sakwi tarem-nen wanogolat, nde, ereb-e we tarem-nen wanugwi-o.

TITUS 2:9

Ndegel unpugwi nap-nen-e it-nen ndegel unpugwi nap enne kologolat, it-nen yidnak yidnak irit kwarogolat wolmag-o. It-nen ndegel unpugwi nap-nen yidnak wene eyak worogolat,

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?