OROMA 9:19 - Nanduk Ngget Tul Pidnak Wene

¹⁹ Iri bem, kit-nen na yak norogolar-e: ”Iri ala-ge, Mbal Pem Nagawan indi-n pidnag-e ap-nen lak tak purag-e meya me, Mbal Pem Nagawan-e noluk-nen ’Kit meya kwatli-o’ luk nit nenpem wene mbarusu-o?” luk yak nurugub-o.

OROMA 9:19 ပူးပေါင်းရင်းမြစ်များ

NDAK WIRIDNAK WENE 50:20

Kir-e an meya rak nubuwakluk wene mbarigeb-et nde, ap yawo worali yeba inmiri yuwakluk, Mbal Pem Nagawan-nen-e meya kwarigep iri na-ge nden yaga konak kwarurak nde kwarak pij-o.

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.

MARAKUS 14:21

Ap Ambara wat ma iri-ge Mbal Pem Nagawan engga bem-nen urul pidnak na ndak ndag-et wat ma-t nde, Ap Ambara iminep wisirid nap iri perak nde abuwa-o! At iri-ge ndesa mbigit lak nggal-e konak lombog-o” luk yij-o.

YIDNAK YIDNAK WENE 2:23

Mbal Pem Nagawan-nen at indi-n pidnak pem at-nen irit kwarimin-o luk peragaid iri na ndak ndak tak posolar-e, Yesus na-ge wesera kininggem pamu, kit-nen-e it wene tarugwi nap endam pogola, it ininggi-nen-e e lang pang tak pem panggarak ibiga-t nde, kit-net wirigep nar-o.

OROMA 11:19

Alat nde, kit-nen yogolar-e: ”Ye. Irit nde, eraret pem an kundik nebeyekluk-nen inggi ereba mbarak pij-o” luk yugub-o.

1 KORINTUS 15:12

Nde, nit-nen yogolar-e: ”Kerisut iri-ge wat yidnak ennggendumu-nen uruk agaij-o” luk yili na-t nde, kit erep-nen-e ngge luk-nen: ”Wat yidnak nab-e unluk yugwi bug-o” luk yili-o?

1 KORINTUS 15:35

Alat nde, ap misik-nen kin wanosolar-e: ”Wat yidnak nab-e ngge kwasa-nen unluk tak puwa-o? Nde, enpe-ge no nggal kwasa tuguruk lobok yuwa-o?” luk kin wanuwa-o.

YAKOBUS 1:13

Ap misik nde indi ngarosola-ge, ”Lag-o. Mbal Pem Nagawan-nen nindi ngarusu-o” luk yurak pug-o. Meya kwarugwi mende iri-nen-e Mbal Pem Nagawan mondok indi ngaroso buk me, Mbal Pem Nagawan-nen na ap misiger-o luk tet indi ngaroso bug-o.

YAKOBUS 2:18

Alat nde, ap mbi-nen yosolar-e: ”Kar-e kindi angin tubu yidnak worasu-o. Nde, an-e ininggi-nen kwarugwi mende kwaroso-o” luk yosola-ge, an-nen onggo yosolar-e: ”Ininggi-nen kwarugwi mende kwarigit lak, kindi angin tubu yigen iri mirik nibi-o. Nde, an-nen-e ininggi-nen kwarugwi mende kwaroso bem-nen nindi angin tubu yidnak mirik kibimin-o.”