OROMA 9:17 - Nanduk Ngget Tul Pidnak Wene

¹⁷ Mbal Pem Nagawan engga mbarak pem at-nen Pireon yak tosolar-e: ”An-nen mendak kibigi yu-ge an namawi kat kebem-nen nam tak posolat, an nunu yi wi ndi wi wigarak posolat yonokluk-nen mendak kubukmu-o” luk yij-o.

OROMA 9:17 ပူးပေါင်းရင်းမြစ်များ

ESET 4:14

Kat nde wene yu nggal kwarak worasola-t nde, kindiyabu nak worasola-ge, aid arem nggwe-nen Yawuri nap inmiri yurak elem lobok yuwa-t nde, kat perak wat yugun-o. Keid owe owot min-et lak tak unpuwa-o. Yu nggal kwarak woragola karuk, iri nggal-et kwat mag-o luk-nen kar-e nagawan ogwe kwat momtak lenak kibidnak nde kwat ma-o!” luk amanggim wene wosa bij-o.

MBIRIGA WENE 9:16

Alat nde, an-e namawi mirik konposola, yi wi ndi wi oboksa na nanggu nobok mburuwakluk-nen kunluk keya kunpusu-o.

NDANIEL 4:22

Nab-o. Kar-e e mot-nen amawi worak iri-net yusu-o. Kat kunu kek tak worasu iri kobog-e mbal woragusu-o. Kat-nen tenagidnak wi-ge yi wi ndi wi oboksa kinggiyapma worasu-o.

YOANES 17:26

Kat-nen an nabuwa kaso elem na it enarem worasolat, an na it enarem worasolat makluk, an-nen kat kunu mirik onposo-o. Nde, iri nggal-et kat kunu-ge mirik onposolat woramin-o” luk yij-o.

OROMA 11:4

Nde, wene na erep nggarosolar-e, Mbal Pem Nagawan-nen-e ngge yak tij-o? ”Kugi Mbal iri erembel wanuwokluk endaru yunggusa kore yugwi buk nab-e an namanggim lenak inpigi-ge tujuribu irit worali-o” luk yak tij-o.

NGGALATIA 3:22

Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

NGGALATIA 4:30

Alat nde, Mbal Pem Nagawan engga arem-nen no nde yij-o? Engga iri bem-nen yosolar-e: ”Ndegel oboso kwe iri at ambara min-e langgal eneyer-o. Ndegel oboso kwe ambara-nen-e wisirik woraso kwe na ambara imin ineid imining angge winde ma bug-o” luk yij-o.

YOSUA 9:9

Kin wok onposoloma, it-nen onggo yogolar-e: ”Nir-e nunuwi-ge mondok erepma-net lobok yige-o. Nab-o. Kat-nen erembel wanoso Nagawan Indo Kembal Pem Nagawan iri-nen Mesira iri me-nen kwaridnak wene oboksa min

1 SEMUEL 4:8

It-nen yogolar-e: ”It unkugwi amawi worak iri na inggem-nen-e ta-nen ninmiri yuwa-o? Mesira nap nembaga-nen indid kugwi ereba na-ge ereba-ner-o.