OROMA 8:9 - Nanduk Ngget Tul Pidnak Wene

⁹ Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

OROMA 8:9 ပူးပေါင်းရင်းမြစ်များ

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

YOANES 14:17

Konak Indi iri-ge ndemeret Mbal Pem Nagawan Mirik Konposo irit wok kunduwa-o. Nde, nggweyak ma nap-nen at kagolat, enaru yogolat yurak meya me, at wok uburag-e meya-o. Alat nde, ar-e kit kinmin worasolat, kit kenarem worasolat yusu me, ar-e kir-e kenaru-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YOANES 3:6

Ki nap-nen ndet onpogolar-e, ki nab-et ndet unpugwi-o. Nde, Konak Indi-nen ndet onposolar-e, inndi-t ndet onposo-o.

YIDNAK YIDNAK WENE 16:7

Nde, ir-e Misia wok lug-e, Mbitinia nggweyak pem ngguwokluk yiga-t nde, Yesus Indi-nen-e puk tak inpij-o.

OROMA 7:5

Nde, nanduk nit-nen-e ki nap-nen kwarugwi mende langgal luk mborogolar-e, meya kwaruwakluk ukwe ukwe kagwi mende iri ninndi arem-nen luwasolar-e, Mbal Pem Nagawan-nen ”Iri kwaru bug-o” luk imiri mbarak pidnak wene na tarurak ninndi wok yidnak-nen ndowaga ebe yosolar-e, wat yugwi elem nenpem mboso-o.

OROMA 8:1

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 6:17

Alat nde, ta-nen nde Nagawan Indo imin panggarak woraidnak ala-ge, at imin inndi misiget yusu-o.

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

NGGALATIA 4:6

Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

EPESUS 1:13

Nde, at ebem-nen kit na iri nggal-et kwat kinpij-o. Kir-e ndemeret wene kinmiri yurak aid wene iri na kuluruk yigepndig-e, Kerisut ebem kinndi angin tubu yigeb-o. Iri lug-e, ”It yu-ge an nilirak-nen yili-o” luk yenggerak kunpuwaklug-e, Mbal Pem Nagawan-nen-e urul pidnak Kona Indi na kenpem pij-o.

EPESUS 2:22

Kerisut ebem-net kit na irit, it erep inmin wok kunpuruk, Konak Indi ebem Mbal Pem Nagawan woraso uwi irit wurusu-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

PILIPI 1:19

Kit-nen namanggim tepan yili bem-e Yesus Kerisut Indi-nen an yongga norosola-ge, an nimiri-t yuwa-o luk naru woralat nalen kasu-o.

2 TIMOTIUS 1:14

Nit nenarem worasu Konak Indi amawi bem-nen kat kebem pidnak konak mende iri-ge kwara parugu wolmin-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

1 YOANES 3:24

Nde, Mbal Pem Nagawan-nen yidnak yidnak kwarusu nab-e ar-e Mbal Pem Nagawan arem-et worasu-o. Nde, Mbal Pem Nagawan na at arem worasu-o. Nde, Mbal Pem Nagawan-e nit nenarem worasu iri-ge at-nen wok nindidnak Konak Indi nenarem worasu iri bem-net nenaru yili-o.

1 YOANES 4:13

Mbal Pem Nagawan-nen at Indi-ge nit wok nindidnak me, nir-e Mbal Pem Nagawan arem woragolat, nde, ar-e nit nenarem worasu-o luk nenaru yili-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.