OROMA 8:7 - Nanduk Ngget Tul Pidnak Wene

⁷ Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

OROMA 8:7 ပူးပေါင်းရင်းမြစ်များ

MBIRIGA WENE 20:5

An-e Nagawan Indo Kenmbal Pem Nagawan-nen yusu me, kininggi-nen ndak wiridnak mende iri kek tak purak pug-o. Nin mende nan mende min an ndak ndak tak nuburag-e mondok nimbir-o. An mondok insili rak mbili nab-e enpem angin worak posolar-e, lila bem lud, tabuh pem lud, ap tap kenan pem unpumu, iri na-t ap tap empat enpem lud yil mburuwa-o.

MATIUS 12:34

Waro-nen wigarak kit yu-ge wa-e. Kir-e meya nak kwarugwi-nen-e nggesa-nen konak wene yugub-o? Enne wirik pogolar-e, inndi arem woraso iri na-t wirik pugwi-o.

MATIUS 5:19

Iri bem-e, ta-nen nde imiri mbarak pidnak wene enggendumu-nen wene marik komosa iri na kuruk turuk, kuruk tugwi iri na nin nap na mul unduwa nap iri-ge Mbal Pem Nagawan-nen tenagaidnak wi iri me-ge iri yidnak nab-e unu lak, teberak irit wolma-o. Alat nde, ta-nen nde imiri mbarak pidnak wene-nen yidnak yidnak nak kwarosolat, nde, iri kwarugwi-ge nin nap na mul unduwa nap iri-ge Mbal Pem Nagawan-nen tenagaidnak wi iri me-ge ap kek tak irit wolma-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 1:30

enesiget wene bem ap unnu meya rak pugwi min Mbal Pem Nagawan imin sirid woragwi min paleksa yugwi min enambik entembel wanugwi min enambik kek yugwi min meya kwarurak pem enpam yugwi min ineid iniya-nen yidnak yidnak kwarugwi buk min

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

OROMA 5:10

Nir-e Mbal Pem Nagawan imin wim mbarak woraige-t nde, at Ambara wat yid na bem-nen nir-e Mbal Pem Nagawan imin lambuk yige iri-ge ija-t nde, Mbal Pem Nagawan imin kundik nunpuruk, Yesus uruk woraso bem nit ninmiri yuwa iri perak nde ija lombog-o.

OROMA 7:22

Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde,

OROMA 8:4

Mbal Pem Nagawan-nen iri kwarid iri-ge nit ki nap-nen kwarugwi mende kwarigit lak, are, Mbal Pem Nagawan Indi-n pidnak nak kwarugwi nap nit-nen kwarogolat wolmakluk lud tak nak yoso imiri mbarak pidnak wene iri na nit ninndi arem kwat makluk-nen iri kwarij-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 9:21

Nde, enlem nin nap wok enpeyekluk, it ennggendumu woralar-e, an-e imiri mbarak pidnak wene tena woraso buk nap nggal kwat yoso-o. Alat nde, Mbal Pem Nagawan-nen yidnak yidnak wene an-e keya bigit lag-et nde, Kerisut-nen yidnak yidnak wene bem nak woraso-o.

KOLOSE 1:21

Nanduk kir-e Mbal Pem Nagawan imin nuruk tak woragolar-e, kit kinndi-n peragwi bem-nen na, kit meya yugwi bem-nen na, Mbal Pem Nagawan imin wim mbarak woraigeb-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

2 TIMOTIUS 3:4

mirim kwarogolat, inndi mburugwi buk yogolat, enaru bug-et nde, ija bija yogolat, Mbal Pem Nagawan indi pidnak keya buruk, it inndi pidnak nggok tak pogolat ma-o.

IBERANI 8:10

Nde, Nagawan Indo-nen yosolar-e: ’Alat nde yawo-ge Isarael nap inmin urul paga yak indimin wene na-ge yur-o: Abok woragolar-e, an-nen-e imiri mbarak pidnak wene iri na waga it inndi arem posolat, wene na-ge it inndi bem mbarosolat yimin-o. An-e it Enmbal Pem Nagawan kwat yosolat, nde, ir-e an nelem nap kwat yogolat mul-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.