OROMA 8:4 - Nanduk Ngget Tul Pidnak Wene

⁴ Mbal Pem Nagawan-nen iri kwarid iri-ge nit ki nap-nen kwarugwi mende kwarigit lak, are, Mbal Pem Nagawan Indi-n pidnak nak kwarugwi nap nit-nen kwarogolat wolmakluk lud tak nak yoso imiri mbarak pidnak wene iri na nit ninndi arem kwat makluk-nen iri kwarij-o.

OROMA 8:4 ပူးပေါင်းရင်းမြစ်များ

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

OROMA 2:26

Nde, iniye ambasap wabigit lak nap enlem nin nab-et nde, imiri mbarak pidnak wene-nen yidnak yidnak kwarosola-ge, Mbal Pem Nagawan-nen-e iniye ambasap wabugwi nap nggal iyujwa bug-a?

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

2 KORINTUS 10:2

An-nen kenmengen mbarusu-o: Nanggarag-o. ”Ar-e nit nendam lobok yosolar-e, amawi min-et lobok yuwag-o” luk yurak pug-o. Nit ninmin yogolar-e: ”Ir-e ki nap-nen kwarugwi nggal kwatli-o” luk nenperagwi nap na inmin-e an namawi min-et kwat unpu-ge ndag-o luk perasu-o.

2 KORINTUS 10:3

Nir-e ndemeret nggweyak ma yu me worali-t nde, nggweyak ma nap-nen wim tumburugwi nggal wim timbitli bug-o.

NGGALATIA 5:16

An-e wene yu yak kundusu-o: Konak Indi-nen mirik konposola-ge, ki nap-nen ukwe ukwe yugwi mende iri-ge mondok langgal luk mburugup pug-o.

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

IBERANI 12:23

Mbal Pem Nagawan ilirak manggu nderak, unnu-ge aid arem mbarak worali nap-nen enalin enalen yuwokluk ndok worogola, kir-e endam wok yigeb-o. Kir-e oboksa enpem wene mbaroso Mbal Pem Nagawan eram wok yogolat, lud tak nak woragwi nap iminep mbarak pidnak inndi endam wok yigeb-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,

NAM PARA WENE 14:5

It iri enmende nggwe-nen-e enesiget wene mariget tet wirik pugwi bug-o. Nde, meya mariger-o luk tet it enpem-e mondok lag-o.