OROMA 8:38 - Nanduk Ngget Tul Pidnak Wene

³⁸ Nde, Yesus nenabuwa kaso iri na arem-nen kuri worak nunpurak mende-ge mondok lag-o. Wat yugwi mende-nen na, unluk woragwi mende-nen na, aid nap-nen na, teram woraso amawi-nen na, yawo worasu mende-nen na, abok wok ma mende-nen na,

OROMA 8:38 ပူးပေါင်းရင်းမြစ်များ

YOANES 10:28

An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

OROMA 14:7

Nit nennggendumu-nen ap misiger-o luk tet nunluk woragolat na, wat yogolat na, nit nondomok nenmanggim-e lag-o.

OROMA 14:8

Nde, nir-e nunluk nde woragolar-e, Nagawan Indo amanggim nunluk wulmul-o. Wat yogolat na, Nagawan Indo amanggim-et wat yul-o. Iri bem-e, nunluk wolmomtak na, wat momtak na nir-e Nagawan Indo arengge-nen yili-o.

OROMA 4:21

”Mbal Pem Nagawan-nen urul paga yak niridnak iri-ge at amawi kwarat me, kwar-et ma-o” luk at indi mondok wat tak irit woragaij-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

1 KORINTUS 15:24

Iri lug-e woroksiyem wok yosolar-e, Kerisut-nen-e pemerinta nap pidsa min enne kulugwi nagawan pidsa min enmawi worak pidsa min lak tak unpuruk, at-nen tenagaidnak wi-ge Eid Mbal Pem Nagawan inggem puwa-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 4:13

Mbal Pem Nagawan engga bem-nen yosolar-e: ”An nindi angin tubu yidnak ala-nen wene yusu-o” luk yij-o. Nde, nit ninndi-ge wene iri yid nap indi nggal-et me, nit-nen na irit ninndi angin tubu yidnak pem-net wene yili-o.

EPESUS 1:21

Kerisut na iri me kek tak ibidnak worasu-ge, pemerinta nagawan min amawi worak nagawan min enmawi yugwi nagawan min nagawan-nen tenagaidnak wi min unnu worak nagawan nagawan min yawo worali na irit, abok wolma nap na irit, it oboksa-ge teberak woragola, terak minik ombol pem kek tak woraso-ge Kerisut irir-o.

KOLOSE 1:16

At ebem-nen Mbal Pem Nagawan-nen ndak worak posolar-e, mbal pem mende oboksa min nggweyak ma mende oboksa min kagwi mende min kagwi buk mende min nggweyak ma tenagaidnak wi nde pemerinta nde nagawan nagawan nde amawi worak ese mendak inpidnak nde oboksa ndak worak pij-o. Mbal Pem Nagawan-nen yi mende ndi mende oboksa ndak worak posolar-e, Kerisut ebem-nen at amanggim ndak worak pij-o.

KOLOSE 2:15

E lang pang tak na bem-e Kerisut-nen-e pemerinta min enmawi worak ese mendak inpidnak min nggeyok tak inpij-o. Iri lug-e, at urugwe nggwe rak unpuruk, ap pidsa enlengen pem imbirik tak unpuruk mbirij-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

IBERANI 11:13

Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.