OROMA 8:32 - Nanduk Ngget Tul Pidnak Wene

³² At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

OROMA 8:32 ပူးပေါင်းရင်းမြစ်များ

NDAK WIRIDNAK WENE 22:12

Yosoloma-ge, Nagawan Indo-nen aid nap yak tamu, Abarakam yak tosolar-e: ”La iri andi bandi rak posolat, ebem yi kwatlik ndi kwatlik kwarurak pug-o. Kar-e kambara misiget nderag-et nde, kar-e an-nen yidnak iri na-t kek tak posolat, an-nen yidnak yidnag-et kwarosolar-e, kambara kindi angin lag-et wosa an namanggim peyekluk yusu keyagi-o” luk yak tij-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MATIUS 7:11

Iri ala-ge, kir-e meya yugwi nab-et nde, konak mende nak kinlirak wok undugwi kenaru me, Kineid aid arem woraso-nen-e at ebem nggi yuwa nap iri na konak mende wok unduwa irir-o!

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

OROMA 11:21

Nde, Mbal Pem Nagawan-nen Yawuri nap ndemeret e at inggi nggal-et nde, indi angin lak mbo inpidnak me, kit mbo kunpurag-e indi angin ma-o luk peragub-o.

OROMA 4:25

Yesus na-ge nit meya yidnak pem wat makluk, weserak uburuk, nit lud tak nak nunpuwakluk uruk tak pij-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

1 KORINTUS 2:12

Mbal Pem Nagawan-nen we wok ondoso mende nenaru moklug-e, nir-e nggweyak ma nap inndi-ge wanigit lag-o. Are, Mbal Pem Nagawan-nen wok nindidnak Konak Indi irit wanige-o.

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

2 KORINTUS 5:21

Kerisut ebem-nen Mbal Pem Nagawan-nen lud tak nak kwaroso nggal tak nenpeyeklug-e, Kerisut na meya yoso bug-et nde, nit nondolmasa Mbal Pem Nagawan-nen-e meya yoso nap tak ibij-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.