OROMA 8:31 - Nanduk Ngget Tul Pidnak Wene

³¹ Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

OROMA 8:31 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

1 NAGAWAN NAGAWAN-NEN KWARIDNAK WENE 8:57

Nagawan Indo Nenmbal Pem Nagawan-nen nanduk nonmborak inmin woraso iri na nggal-et, keya ninpigit lak ninmin irit wolmag-o.

2 NAGAWAN NAGAWAN-NEN KWARIDNAK WENE 6:16

Yosoloma, Elisa-nen onggo yosolar-e: ”Kwiye kasu-ge meyog-o. Nit nenambigit yidnag-e kwarat worali-o. Nde, it enambigir-e marig-et nak-nen yusu-o” luk yak tij-o.

NDAWI ENGGA 118:6

Nagawan Indo-ge an nimin worala me, an-e kwiye kamin pug-o. Nde, an nimbiriwak pem-e ab-e enmawi kunduwa bug-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 46:7

Nagawan Indo amawi worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YESAYA 8:10

”Iri nggal kwaruwog-o” luk, wene mbarer-o! Alat nde, iri-ge oboksa ebe kwat ma bug-o. Mbal Pem Nagawan-e nit ninmin worala me, kit-nen wene nggaruk tak pugub-et nde, meya ebe lak nde ma-o.

YEREMIA 20:11

Iri yili-t nde, Nagawan Indo wa-e. Kar-e an nambigit nggwe yusu-o. Kar-e kwiye lak, kamawi worak-nen yusu-o. Nde, it an muk neyagolat, yemndak nobogolat kwatli nab-e urugwe nggwe rak onposola, enmawi yuwa bug-o. It-nen ”Iri kwarul-o” luk yimnik pidnak ereba na-ge ebe lak yosolat, it-nde pem irit innggiri kagolat wolma-o. It-nen innggiri kujwa mende iri na-ge meme rak pigit lak irit wolma-o.

WONARIDNAK WENE 14:9

Kir-e Nagawan Indo imin wene eyak worogolat, o iri me woragwi nap enaye yili-ge meyog-o. Nit-nen it urugwe nggwe rak unpurag-e, te-nen yusu-o. Nde, it inmiri yoso kugwi-ge mondok keya enpamu-o. Nde, nir-e Nagawan Indo-ge ninmin worasu-o. Iri ala, kir-e kwiye yili-ge mondok meyog-o” luk yak indiga-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

OROMA 4:1

Iri ala-ge, nenlem nap onmbo Abaram-nen kwaridnak na bem-e no yul-o?

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.

1 YOANES 4:4

Alat nde, nilirak wa-e. Kir-e Mbal Pem Nagawan ilirak me, enesiget Mbal Pem Nagawan ene lomboksa yugwi nap iri-ge kit-nen urugwe nggwe rak inpigeb-o. Nggweyak ma nap enarem worasu indi iri-ge ndeyak-nen yusu-t nde, kit kenarem worasu Konak Indi-ge amawi worak terak minik-nen yusu-o.

1 SEMUEL 14:6

Nde, Yonatan-nen ap sujwe at esan waruk noso iri na yak tosolar-e: ”Mbal Pem Nagawan enaru buk Pilisin nap tu paktak worali sa iri me mburuwog-o. Nagawan Indo-ge ap kwarat inmin-nen na irit marig-et inmin-nen na irit ombol nggwe rak onposo me, Nagawan Indo-nen yongga nunduwa nde kwat ma-o” yak tij-o.