OROMA 8:28 - Nanduk Ngget Tul Pidnak Wene

²⁸ Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

OROMA 8:28 ပူးပေါင်းရင်းမြစ်များ

NDAK WIRIDNAK WENE 50:20

Kir-e an meya rak nubuwakluk wene mbarigeb-et nde, ap yawo worali yeba inmiri yuwakluk, Mbal Pem Nagawan-nen-e meya kwarigep iri na-ge nden yaga konak kwarurak nde kwarak pij-o.

2 SEMUEL 16:12

Erep-nen-e Nagawan Indo-nen an-nen andi bandi kasu yu neyaruk, imbiri lamut tak nubusu onggo imbiringgat tak nubuwa nde ma-o” luk yak indij-o.

NEMIA 1:5

Tepan yosolar-e: ”Nagawan Indo Mbal Pem Nagawan aid arem tena woraso wa-e. Kar-e Mbal Pem Nagawan kek tak me, inndi kwiye min-et keram wok yugwi-o. Kar-e kat kabuwa kagwi nap min kat-nen enpem pidnak kwarugwi nap min inmin-e ’Irit kwat kinpimin-o’ luk urul pidnag-e mborok tak poso buk-nen yusu-o.

NDAWI ENGGA 69:36

Nagawan Indo ilirak-nen nderak-nen-e nggweyak iri winde wolma-o. Nagawan Indo ubud kali nap-nen-e iri me-t wolma-o.

MBIRIGA WENE 20:6

Alat nde, an nubud kagolat, an-nen yidnak yidnak kwarogolat kwatli nap iri na-ge an-nen enabuwa kaso elem iri na mirik onposolar-e, tabun pem lud, lila bem lud, ap tap wonarurak puk irit enabuwa kasolat woramin-o.

MARAKUS 12:30

Nagawan Indo kit Kenmbal Pem Nagawan abuwa kagolar-e, kinndi oboksa min kenpe oboksa min kinndi nggat nggat oboksa min kenmawi pidsa min-net at abuwa kagolat wolmer-o.’

YIDNAK YIDNAK WENE 13:48

Yogolikma-ge, enlem nin nap na-nen iri wene kuluruk yigarig-e, enalen luk, Nagawan Indo-nen yidnak wene na erembel wanogolat woraiga-o. Nde, it unluk pem-et wolmag-o luk lenak inpidnak nap-nen-e wene iri bem inndi angin tubu yiga-o.

OROMA 11:29

Mbal Pem Nagawan-nen ap len unpuruk, imbiringgat tak inpidnak nde ala-ge, at-nen iri kwaridnak na-ge tuguruk nden kaso bug-o.

OROMA 8:30

Nde, nanduk-net len inpidnak nap iri na-t Mbal Pem Nagawan-nen yonggo inpij-o. Nde, yonggo inpidnak nap iri na-t lud tak nak inpij-o. Lud tak nak inpidnak nap iri na-t kek tak inpij-o.

OROMA 9:11

Li ap ereya ndesa na mbigit lak ma, it-nen-e konak min meya min mondok kwarigit lak ma-net Mbal Pem Nagawan-nen it iniya yak tosolar-e: ”Owe-ge owot ndegel oboso nab-et ma-o” luk yak tij-o. Iri yid iri-ge yu bem-nen yij-o. Mbal Pem Nagawan-nen ap len onposolar-e, it-nen kwarugwi bem len onposo-ge lag-o, Are, Mbal Pem Nagawan at indi-n pidnak pem-et ap wene mbo unpuruk, len onposo-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 1:24

Yawuri nap na irit, enlem nin nap na irit, Mbal Pem Nagawan yonggo inpidnak nap enmanggim-e wene yu-ge Kerisut Mbal Pem Nagawan amawi min Mbal Pem Nagawan indi lid tak elem min at-net yusu-o.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

1 KORINTUS 2:9

Alat nde, Mbal Pem Nagawan engga mbarak pem-nen yosolar-e: ”Ap enlengen-nen kagwi buk mende min eneyanggo-nen kulugwi buk mende min ap inndi-nen peragwi buk mende min iri perak nde Mbal Pem Nagawan-nen at abuwa kagwi nap enmanggim lid lud tak pamu-o” yij-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

NGGALATIA 1:15

Alat nde, at indi-n pidnak pem an niya arem-net Mbal Pem Nagawan-nen len nuburuk, at-nen we wok ondoso elem pem-net wene mbo nibij-o.

NGGALATIA 1:6

Kir-e Kerisut-nen we wok ondoso elem pem-net wene mbo kinpid nap na ndaget nak keya buruk, nden karuk nin aid wene langgal luk mbitli iri bem an-e wi yusu-o.

NGGALATIA 5:8

Kit larok tak kinpid nap iri-ge wene mbo kinpid Mbal Pem Nagawan-nen-e lag-o.

EPESUS 3:11

Mbal Pem Nagawan-nen iri kwarid iri-ge, at indi-n pidnak woralik nalik iri-ge nit Nenagawan Indo Kerisut Yesus ebem-nen kwarak pij-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

TUGURUK YIDNAK WENE 6:5

Kit-nen kinndi ebis-et Nagawan Indo Kenmbal Pem Nagawan abuwa kagolar-e, at abuwa kagwi iri nam tak pogolar-e, kit kenpage bem-nen na irit, kit-nen kwarugwi bem-nen na irit nam tak per-o.

TUGURUK YIDNAK WENE 8:16

Nembaga ereba-nen-e nunggwi mende konmborak-nen na kagwi bug-et nde, mana iri wok kindid iri-ge abok kit konak kwat kunpurak pem kinndi tebeluk wolma, lak? luk kinndi kayekluk-nen wok kindij-o.

PILIPI 3:14

Iri bem-e, onggo iri waneyeklug-e, kondok yugwi sa iri me pong kil mburusu-o. Onggo iri na-ge Mbal Pem Nagawan-nen-e: ”Kerisut Yesus ebem-e aid arem yu me kuruk woranok-nen lobok yi-o” luk wene mbo nibidnak iri-net yusu-o.

1 TESALONIKA 5:9

Mbal Pem Nagawan-nen len ninpij-e, at isilepma nenpem peyekluk-nen len ninpigit lag-o. Are, Nenagawan Indo Yesus Kerisut ebem-nen ninmiri yekluk len ninpij-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.