OROMA 8:27 - Nanduk Ngget Tul Pidnak Wene

²⁷ Nde, nggweyak ma nap inndi lombot poso Mbal Pem Nagawan-nen-e Konak Indi-n peraidnak iri-ge aru yusu-o. Konak Indi-nen len inpidnak nap nenmanggim Mbal Pem Nagawan emengen mbarosolar-e, Mbal Pem Nagawan indi-n pidnak ndak ndak irit emengen mbaroso-o.

OROMA 8:27 ပူးပေါင်းရင်းမြစ်များ

NDAWI ENGGA 139:1

Nagawan Indo wa-e. Kar-e an-e neba arem min lombonosolat, an-nen woraso oboksa kar-e karu-o.

YEREMIA 20:12

Alat nde, Nagawan Indo Mondok Kamawi Worak wa-e. Nggweyakma nap inndi min it-nen yebet kagwi min-e kar-e mondok karu-o. Kat-nen it inndi ngarosolar-e, ndemeret mot mor-et ngaroso-o. An nowene-ge kat keram nak kebera pigi bem-e wim nap-nen meya kwarugwi ereba na bem kat-nen kemnggo onposola, an-nen kayeg-o.

MATIUS 6:8

It iri-nen kwatli nggal, kit-nen kwarurak pug-o. Kit Kineid iri-nen-e at emengen awo mbarigit lak ma-net kit kinndi kabak yugwi mende iri-ge ar-e aru-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

YOANES 14:13

Nde, an nebem-nen Neid kek tak puwakluk, an nunu bem kit-nen nggi yugub mende-ge pidsa kwat kinpimin-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YIDNAK YIDNAK WENE 1:24

Yurug-e, it-nen tepan yogolar-e: ”Nagawan Indo wa-e. Kar-e ap pidsa inndi karu me, ap mberen yu-ge kat kindi-nen linidnak nap irit mirik ninpi-o.

YIDNAK YIDNAK WENE 15:8

Nde, ap enarem yenggerag-et kaso Mbal Pem Nagawan-nen at indi-n puruk it wok onposolar-e, Konak Indi-ge nit wok nindid na nggal-et it na wok indij-o.

OROMA 8:34

ta-nen nenpem wene mbaruwa-o? Kerisut Yesus na wat yij-et nde, uruk tak pamu, Mbal Pem Nagawan inggi kigit nggwe woralar-e, nit nenmanggim Mbal Pem Nagawan emengen mbal tenak worasu-o.

OROMA 8:6

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.

EPESUS 2:18

Nde, Kerisut ebem-nen Yawuri nap na, enlem nin nap na nit oboksa-ge Konak Indi misiget iri na ebem Nineid Mbal Pem Nagawan eram panggo yil lobok yurag-e ob-o.

1 TESALONIKA 2:4

Are, Mbal Pem Nagawan-nen-e at-nen idnak aid wene yurag-e ndak neneyaruk, nenpem pidnak me, nit-nen wene yogolar-e, ki nap indingen tak puwokluk-nen yili-ge lag-o. Are, nit ninndi ngaroso Mbal Pem Nagawan at nak indingen tak puwokluk-nen yili-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.