OROMA 8:18 - Nanduk Ngget Tul Pidnak Wene

¹⁸ Nde, an nindi-n perasolar-e, nit yawo andi bandi kali iri-ge marig-o. Nde, abok-nen mirik nunpuwa abinal iri min ndak ndag-e lag-o. Terak minik-net yusu-o.

OROMA 8:18 ပူးပေါင်းရင်းမြစ်များ

YIDNAK YIDNAK WENE 20:24

Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.

OROMA 8:19

Ndak worak inpidnak mende oboksa-nen-e: ”Mbal Pem Nagawan ilirag-e mepme-n nam tak unpuwa-o!” luk yik karok inndi mbung mbung tak worali-o.

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.

2 TESALONIKA 2:14

Yu kwat kunpuwakluk-net nit-nen yak kindige aid wene bem Mbal Pem Nagawan-nen wene mbo kinpid na-ge, nit Nenagawan Indo Yesus Kerisut unu kek tak pidnak iri-ge at imin totno winde yobok-nen wene mbo kinpij-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

IBERANI 11:35

It kwami na inndi angin tubu yidnak pem-net it winde na abu wat yidnag-et nde, unluk tak onpogola, wok inpiga nar-o. Nde, ap erep-nen-e wat luk ombol nggwe konak nak wolmomtak pem tuguruk unluk tak unpuwakluk, inndi te bem-et andi bandi sa ondogola-t nde, ”An nimiri yurag-e nimbir-o” luk yiga-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

1 PETERUS 5:1

An-nen na ogore yidnak nap-net yusu me, kit kennggendumu enne kulugwi ogore yidnak nab-e wene yu kwara kuluwag-o. Kerisut andi bandi kagaid iri-ge an nimbiri bem-et kagaij-o. Nde, Kerisut na kek tak woraso iri nam tak puwa tarem-e an totno kek tak nubuwa me, an-e kiri keresa yak kundusu-o:

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.