OROMA 8:15 - Nanduk Ngget Tul Pidnak Wene

¹⁵ Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

OROMA 8:15 ပူးပေါင်းရင်းမြစ်များ

MBIRIGA WENE 20:19

Iri yogolat-nen it-nen Musa yak togolar-e: ”Kat nak-nen yak nindi-o. Yak nondosola kulul-er-o. Alat nde, Mbal Pem Nagawan-nen yak nondosola-ge, wat mul-o luk at-nen mondok yak nundurak pug-o” luk yiga-o.

MATIUS 25:25

an mbirigirig-e kat kaye-nen kat korol na nggweyak arem kura bigi-o. Kat kangge yu-o. Tuguruk winde yi-o’ luk yak tij-o.

MARAKUS 14:36

Yurug-e, ”Neid wa-e, Neid wa-e. Kat-nen yi mende ndi mende kwarurag-e ndak–nen yusu-o. Andi bandi an nebem mbusu yu an nebem-nen wabi-o. Nde, an nindi-n pidnak kwarurag-e lag-o. Alat nde, kat kindi-n pidnak nak kwat mag-o” luk yij-o.

LUKAS 11:2

Yosoloma-ge, Yesus-nen it yak ondosolar-e: ”Kit-nen tepan yogolar-e, yu nggal yurag-o: ’Neid wa-e. Kat kunu kek tak irit wolmag-o. Kat-nen tenagaidnak wi iri lobok yuwag-o.

LUKAS 22:42

”Neid wa-e. Kat-nen nde ndak ala-ge, andi bandi mende nebem mbuwa mende yu lak tak pi-o. Alat nde, an nindi-nen pidnak kwat momtak iri-ge meya-o. Are, kat kindi-nen pidnak nak irit kwat mag-o” luk tepan yij-o.

LUKAS 8:28

Ap iri-nen Yesus kasoluk, ene ngguloksa yuruk, Yesus eralu tud yosolat-nen yosolar-e: ”Kek tak Woraso Mbal Pem Nagawan Ambara Yesus wa-e. An-e ngge rak nubugun-o Nap wa-o. An andi bandi rak nuburak pug-o!” luk yij-o.

LUKAS 8:37

Iri lug-e o Nggerasa woragwi nap pidsa kwiye-nen pabok purug-e. Yesus yak togolar-e: ”Nit nenma yu me wolmomtak pug-o. Mbiri-o” luk yak togoloma, Yesus na e koma arem ngguruk, mbirij-o.

YOANES 16:8

Nde, at iri na lobok yuwarig-e, nggweyak ma nap iri mirik onposolar-e, it meya yugwi elem min lud tak nak kwarugwi elem min Mbal Pem Nagawan-nen ap enpem wene mbarurak min ebe-ge iri nggal-o luk mirik unpuwa-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YIDNAK YIDNAK WENE 16:29

Yosoloma-ge, at-nen ”Tal warug-o” luk, puburak mborosolar-e, kwiye-nen owak kot kot min-et Paulus min Silas min endam erare nggwe tud yij-o.

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

OROMA 8:16

Mbal Pem Nagawan Indi-ge nit ninndi imin kundik woralat-nen mirik nonposolar-e: ”Kir-e Mbal Pem Nagawan ilirak-net yili-o” luk yusu-o.

OROMA 8:23

Alat nde, ndak worak inpidnak mende it nak yane witli-ge lag-o. Nit-nen na ninndi arem-nen yane witli-o. Nde, Mbal Pem Nagawan-nen nandug-et we wok nindid Konak Indi wanige nap nir-e nenpe ebis-et weserak nunpuruk, Mbal Pem Nagawan ilirak tak nunpuwakluk yik karok woragolar-e, yane witli-o.

OROMA 8:26

Iri nggal, nit ndeyak woragola-ge, Konak Indi na lobok luk yongga nondoso-o. Nir-e tepan mot mot yurak nenaru buk woragola-ge, Konak Indi at-net nit nenmanggim Mbal Pem Nagawan emengen mbarosolar-e, mondok kiri keresa mbaroso me, ap-nen wene yurag-e meya-o.

OROMA 9:4

Nde, it Isarael nap iri na-ge Mbal Pem Nagawan-nen len inpidnak nap-nen yili-o. It iri-ge Mbal Pem Nagawan-nen at ilirak tak unpuruk, at unu kek tak nggal unnu kek tak pij-o. It inmin-e: ”Iri nggal kwat kinpimin-o” yosolat, imiri mbarak pidnak wene na wok ondosolat, mot mot nak Mbal Pem Nagawan erembel wanurak elem mirik onposolat, Mbal Pem Nagawan urul yak indidnak wene na it-nen wanogolat yiga-o.

1 KORINTUS 2:12

Mbal Pem Nagawan-nen we wok ondoso mende nenaru moklug-e, nir-e nggweyak ma nap inndi-ge wanigit lag-o. Are, Mbal Pem Nagawan-nen wok nindidnak Konak Indi irit wanige-o.

2 KORINTUS 11:4

Nde, ap-nen kit kendam lobok luk, nit-nen yak kindidnak Yesus-e lak, nin Yesus mbi owene yak kondogola na, nit-nen wok kindidnak Indi-ge lak, nin indi mbi wok kondogola na, nit-nen yak kindidnak aid wene-ge lak, nin aid wene yak kondogola na, iri-ge kit kenalen min-et wanili nag-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

EPESUS 1:5

Ar-e nit nenabuwa kaso bem-net Yesus Kerisut ebem ala, Mbal Pem Nagawan-nen-e nir-e at ilirak tak nunpurag-e nanduk-net iri mondok lud tak puruk woragaij-o. Iri rak nonposolar-e, at alen min-et at indi-nen puruk kwarij-o.

2 TIMOTIUS 1:7

Nde, Mbal Pem Nagawan-nen-e kwiye yurak indi wok nundusu-ge lag-o. Are, Konak Indi-nen-e nenmawi rak posolat, ap enabuwa kagwi rak nonposolat, nondomok mamak puruk wolmomtak elem wok nondosolat, yusu-o.

IBERANI 2:15

Iri kwarid iri-ge, ap pidsa pempa woragolat wat momtak kwiye kagwi iri na-nen urugwe nggwe rak inpidnak inggem-nen weserak enpeyekluk irit kwarij-o.

YAKOBUS 2:19

”Mbal Pem Nagawan-e misiget nak-nen yusu-o” luk kindi angin tubu yusu iri-ge kar-e ob-et yusu-t nde, kugi-nen na Mbal Pem Nagawan ebem inndi angin tubu luk, kwiye-nen onowak lele-t yili-o.

1 YOANES 4:18

Enabuwa kagwi elem iminep mbarak iri-nen-e kwiye kagwi elem na lak tak poso me, enabuwa kagwi elem pem woragolar-e, kwiye lag-et woragwi-o. Ta-nen nde kwiye kasola-ge, Mbal Pem Nagawan-nen enabuwa kaso elem iminep mbarak na-ge at arem-e lak me, an meya yidnak pem nebem wene mbaruwa-o luk kwiye kaso-o.