OROMA 7:9 - Nanduk Ngget Tul Pidnak Wene

⁹ Nanduk, imiri mbarak pidnak wene naru buk worasolar-e, an-e nurug-et woragi-t nde, imiri mbarak pidnak wene na wok yosola-ge, meya kwarugwi elem iri uruk yosola,

OROMA 7:9 ပူးပေါင်းရင်းမြစ်များ

NDAWI ENGGA 40:12

An-e lak tak onposo mende mondok kwarat, wonarurak puk-nen lop lop nerarik worasu-o. An-nen meya yoso ereba na-nen muk neyasola, an-nen yik kudtag-e meya-o. Nde, an meya yoso ereba wonarag-e an nanggulsu nggal-e lak, mondok terak minik kwarat me, an nindi engga nggwe mburusu-o.

MATIUS 19:20

Yosoloma-ge, ap sugwe iri-nen wene erep nggarosolar-e: ”Wene ereya oboksa-ge an-e kwat tenak woraso-o. Nde, an-nen kwaroso bug-e no mende-o?” luk yij-o.

LUKAS 15:29

Alat nde, owe na-nen eid na ene erep nggarosolar-e: ’Yu nde ki-o. An-e olengen lasolat mbosolat kat kwara ndegel kobosolat, kat-nen yidnak yidnak nak kwarosolat woragi-t nde, kar-e no wok nirigen-o? An nanggamirak inmin kijak wuruwaklug-e, kambing wam misiget ter-o luk wok niriget lak yigen-o.

LUKAS 18:21

Yosoloma-ge, ap iri-nen yosolar-e: ”Wene iri-ge an-e li marik pem-net kwarosolat woraso-o” luk yij-o.

OROMA 10:5

Imiri mbarak pidnak wene-nen yidnak yidnak kwarugwi bem lud tak nak unpuwa nap onowene Musa-nen engga mbarosolar-e: ”Imiri mbarak pidnak wene-nen yidnak yidnak kwaruwa nab-e, iri bem-net unlug-et wolma-o” luk mbarij-o.

OROMA 7:10

an-e wat yigi-o. Nde, imiri mbarak pidnak wene iri-nen-e unluk tak poso wene-t nde, an worak nuburak wene nde kwat yij-o.

OROMA 7:11

Nde, imiri mbarak pidnak wene iri na bem meya kwarugwi elem-nen pibisa-o luk an nombol pem laruk, imiri mbarak pidnak wene bem an worak nibij-o.

OROMA 7:4

Nowe nowosi wae. Ap misik arengge kwat yobokluk, kit na iri nggal-et Kerisut ebe min kwin luk, imiri mbarak pidnak wene inggi wesera wat yigeb-o. Nde, nir-e Mbal Pem Nagawan amanggim engen puwakluk, yawo-ge kir-e wat yidnak nap enngendumu-nen uruk tak pidnak nap arengge-net yili-o.

OROMA 7:6

Alat nde, kamat nunpuruk woraso imiri mbarak pidnak wene na inggi wesera wat yigerik me, nit yawo-ge imiri mbarak pidnak wene inggem-nen weserak ninpidnak worali-o. Iri bem-e, nir-e nanduk ininggi-nen mbaridnak imiri mbarak pidnak wene na ndegel ibili-ge lag-o. Are, Konak Indi-nen mirik ninpidnak ngget mende iri ndegel ibili-o.

OROMA 7:8

Nde, imiri mbarak pidnak wene iri bem-nen-e meya kwarugwi elem iri-nen-e pibisa-o luk ukwe ukwe nin tak nan tak an narem nam tak pij-o.

OROMA 8:7

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

NGGALATIA 2:19

Nde, imiri mbarak pidnak wene bem-e an-e wat yigi-o. Mbal Pem Nagawan amanggim nak nuruk worayekluk imiri mbarak pidnak wene arem-nen wat yigi-o. An-e Kerisut imin e lang pang tak pem nindiga-o:

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.