OROMA 7:7 - Nanduk Ngget Tul Pidnak Wene

⁷ Iri ala-ge, nir-e no nde yul-o? Imiri mbarak pidnak wene iri-ge meya mende-nen yusu-o luk yul-a? Mondok lag-o! Irit nde, imiri mbarak pidnak wene lak nggal-e, an-nen-e iri-ge meya kwarusu-o luk, naru yelep pug-o. Imiri mbarak pidnak wene-nen yosolar-e: ”Ukwe ukwe yurak pug-o” luk yigit lak nggal-e, ukwe ukwe yugwi iri-ge no mende-o luk an-e naru yelep pug-o.

OROMA 7:7 ပူးပေါင်းရင်းမြစ်များ

NDAK WIRIDNAK WENE 3:6

Yak tosoloma, kwe na-nen e konak iri na yik kasolar-e: ”Engen konak irit undu kayeg-o” luk perasolar-e: ”An-e oboksa naru yosolar-e ob-er-o” luk peragij-o. Perarug-e, e iri na engen mbararik, ninggij-o. Nuruk, ereb-e un wok tamu, un iri na ninggij-o.

2 SEMUEL 11:2

Nde, misik tarem-e keyama nggwe-ge Ndaut na nene luk men yosolar-e, at uwi ngguwa mbirik yamuk tak ereba na bem waring kil nosolat-nen yik kagaidnggal-e, kwe mondok konak mbi aboro marosola, yik kagaij-o.

MBIRIGA WENE 20:17

Ap misik arengge: uwi min ogwe min ndegel ubugwi min owam min egelerai wam min at arengge mende oboksa min ukwe yurak pug-o” yij-o.

MIKA 2:2

Ereba na kwarogolar-e, it-nen nde yabu misik wanurak perarug-e, yabu iri na-ge mengga wanogolat, nde, it-nen nde o misik ukwe perarug-e, o iri na ndela nggogolar-e, iri me woragwi nap ereba na enarengge enmawi bem mengga wanogolat, enpe na lel mberel onpogolat, kwat tenak woragola, enarengge wanili nab-e yamuksa worali bug-o.

MATIUS 5:28

Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

LUKAS 12:15

Yurug-e, Yesus-nen ap pidsa iri me worali na yak ondosolar-e: ”Ab-e enarengge kwarat winde yidnak iri na bem nak woragwi buk me, kinndi silobulo ukwe ukwe yugwi indi kenpem mbuma naru, kwara wolmer-o” luk yij-o.

LUKAS 20:16

Yabu winde iri lobok yuwarig-e, ap ereba na unduruk, yabu na nin nap-nen parugu wolmakluk wok unduwa-o” luk yij-o. Iri yosoloma, kuluruk yigarig-e, it-nen yogolar-e: ”Ije! Iri kwarurag-e meya-o!” luk yiga-o.

YIDNAK YIDNAK WENE 20:33

Ap misik ebem-o luk tet perak tol ala na, emas tol ala na, yurugwi sum ala na an-e ukwe ukwe yigit lag-o.

OROMA 13:9

Imiri mbarak pidnak wene-nen yosolar-e: ”Mbabi yurak pug-o. Ap wururak pug-o. Yariya wanurak pug-o. Ap insilobulo ukwe ukwe yurak pug-o” luk yidnak wene oboksa min ”Iri nggal kwaru-o” luk yidnak wene erep na min lambuksa wene misiget tak posolar-e: ”Kat kambik kabuwa kasu nggal, kimin worali nap enabuwa kasolat wolmin-o” luk yij-o.

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

OROMA 4:1

Iri ala-ge, nenlem nap onmbo Abaram-nen kwaridnak na bem-e no yul-o?

OROMA 4:15

Imiri mbarak pidnak wene-nen Mbal Pem Nagawan isilepma nam tak pusu-o. Alat nde, imiri mbarak pidnak wene worasu buk sa-ge kuruk tugwi mende na lak woraso-o.

OROMA 5:20

Alat nde, wene kuruk tugwi iri ligik lujwakluk, Mbal Pem Nagawan-nen imiri mbarak pidnak wene nambena pij-o. Nde, meya kwarat yugwi sa-ge Mbal Pem Nagawan-nen we wok ondoso elem na kobong kobong lasu-o.

OROMA 6:15

Iri ala, no kwarul-o? Nir-e imiri mbarak pidnak wene-nen urugwe nggwe rak ninpidnak worali-ge lak me, Mbal Pem Nagawan we wok ondoso elem pem worali me-ge, meya kwat tenak wulmul-a? Iri-ge mondok lag-o!

OROMA 7:11

Nde, imiri mbarak pidnak wene iri na bem meya kwarugwi elem-nen pibisa-o luk an nombol pem laruk, imiri mbarak pidnak wene bem an worak nibij-o.

OROMA 7:13

Iri ala-ge, konak wene iri-nen-e wat momtak elem nebem pij-a? Mondok lag-o! Meya kwarugwi elem iri-net worak nibij-o. Konak iri na bem-nen meya kwarugwi elem iri-nen-e an worak nibij-o. Iri kwat nibid iri-ge meya kwarugwi iri-ge ndemeret meya kwarugwi elem-nen yusu-o luk yenggerak puwakluk-nen kwarij-o. Iri bem-e, ”Iri nggal kwaru-o” yidnak wene iri na bem-nen-e meya kwarugwi elem iri-ge meya mondok nggulok pare nam tak pusu irir-o.

OROMA 7:5

Nde, nanduk nit-nen-e ki nap-nen kwarugwi mende langgal luk mborogolar-e, meya kwaruwakluk ukwe ukwe kagwi mende iri ninndi arem-nen luwasolar-e, Mbal Pem Nagawan-nen ”Iri kwaru bug-o” luk imiri mbarak pidnak wene na tarurak ninndi wok yidnak-nen ndowaga ebe yosolar-e, wat yugwi elem nenpem mboso-o.

OROMA 7:8

Nde, imiri mbarak pidnak wene iri bem-nen-e meya kwarugwi elem iri-nen-e pibisa-o luk ukwe ukwe nin tak nan tak an narem nam tak pij-o.

1 KORINTUS 15:56

Meya yogolat woraidnak pem wat yugwi elem-nen eyak yilik onposo-o. Nde, meya yogolat woraidnak amawi rak poso-ge imiri mbarak pidnak wene-nen yusu-o.

EPESUS 5:3

Kir-e marak nap-nen yili me, ap onkwe yebugwi wene nde mbabi kwarugwi wene oboksa nde ap enarengge ukwe ukwe yugwi wene nde kit kennggendumu-nen-e iri obok tet yurak pug-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.

IBERANI 7:19

Nde, Musa-nen imiri mbarak pidnak wene iri-nen-e yi mende ndi mende mbi iminep mbarak purag-e mondok meya-o. Alat nde, yawo-ge nit Mbal Pem Nagawan eram panggo rak nunpurak ebem ninndi mbung mbung tak wolmomtak mondok konak mbi nam tak pij-o.

YOSUA 7:21

Silobulo minggige ereba enggendumu-ge sum leyok sum konak Mbabilonia-nen yagidnak misik min perak angin-e dua kilo iri min emas mbarak angin-e setenga kilo min irit mondok nindi nggosola karuk, wanigirik, an nuwi lije ma nggweyak yala kura bigirik worasu-o. Nde, perak iri-ge nggweyak arem nggal-et pukmu-o” luk yij-o.