OROMA 7:5 - Nanduk Ngget Tul Pidnak Wene

⁵ Nde, nanduk nit-nen-e ki nap-nen kwarugwi mende langgal luk mborogolar-e, meya kwaruwakluk ukwe ukwe kagwi mende iri ninndi arem-nen luwasolar-e, Mbal Pem Nagawan-nen ”Iri kwaru bug-o” luk imiri mbarak pidnak wene na tarurak ninndi wok yidnak-nen ndowaga ebe yosolar-e, wat yugwi elem nenpem mboso-o.

OROMA 7:5 ပူးပေါင်းရင်းမြစ်များ

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

YOANES 3:6

Ki nap-nen ndet onpogolar-e, ki nab-et ndet unpugwi-o. Nde, Konak Indi-nen ndet onposolar-e, inndi-t ndet onposo-o.

OROMA 1:26

Iri kwarugwi ala karuk, it enaboro nak-nen ukwe ukwe yugwi mende irit kwarogolat wolmakluk, Mbal Pem Nagawan-nen-e it keya inpij-o. Nde, kwami-nen na irit, ap-nen ye unpugwi na keya buruk, it kwami nak kwami nak yebogolat woraiga-o.

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

OROMA 4:15

Imiri mbarak pidnak wene-nen Mbal Pem Nagawan isilepma nam tak pusu-o. Alat nde, imiri mbarak pidnak wene worasu buk sa-ge kuruk tugwi mende na lak woraso-o.

OROMA 5:20

Alat nde, wene kuruk tugwi iri ligik lujwakluk, Mbal Pem Nagawan-nen imiri mbarak pidnak wene nambena pij-o. Nde, meya kwarat yugwi sa-ge Mbal Pem Nagawan-nen we wok ondoso elem na kobong kobong lasu-o.

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 6:19

Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.

OROMA 6:21

Nanduk kwarugwi bem iri nggal kwarige-o luk yawo kinnggiri kali na bem-e, onggo-ge no mende nde lesa wanigeb-o? Lag-o. Iri mende kwarugwi onggo-ge wat yugwi elem-nen yusu-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

OROMA 7:23

an ninggi nowak arem-e imiri mbarak pidnak wene nin worala kasu-o. An nindi-nen iri mende-t kwareyeg-o luk peraidnag-et nde, imiri mbarak pidnak wene nin iri-nen an nindi imin wim posolar-e, an ninggi nowak arem worasu meya kwarugwi elem iri-nen kamat nuburuk, urugwe nggwe rak nubusu-o.

1 KORINTUS 15:56

Meya yogolat woraidnak pem wat yugwi elem-nen eyak yilik onposo-o. Nde, meya yogolat woraidnak amawi rak poso-ge imiri mbarak pidnak wene-nen yusu-o.

2 KORINTUS 10:3

Nir-e ndemeret nggweyak ma yu me worali-t nde, nggweyak ma nap-nen wim tumburugwi nggal wim timbitli bug-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

EPESUS 2:11

Kir-e kenlem nin nap nderak nanduk woraigep na yebet yebet tak wolmer-o Yawuri nap-nen kit kinmin-e ”Iniye ambasap wabugwi buk nab-o” luk yugwi-o. Nde, it ondomok inmin-e ”Niniye ambasap wabugwi nab-o” luk yili-t nde, iri-ge ap ininggi-nen enaboro mbaridnak pem nak yili-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

YAKOBUS 1:15

Nde, at-nen ukwe ukwe iri na-nen yidnak yidnak kwarosolar-e, meya kwarugwi elem ndagoso-o. Nde, meya na ebe kwarosolar-e, wat yugwi elem irit ndagoso-o.

YAKOBUS 4:1

Kit kennggendumu yig pugwi min yuk puk mbugwi min iri-ge ngge me-nen lobok yusu-o? Nde iri-ge kit kenarem amawi kwen tenak woraso ukwe ukwe mende-nen kwarak poso na-ge lag-e?

1 YOANES 3:4

Meya elem iri-ge Mbal Pem Nagawan imiri mbarak pidnak wene kuruk toso-nen yusu me, ap-nen nde meya kwarogolar-e, Mbal Pem Nagawan imiri mbarak pidnak wene irit kuruk tili-o.