OROMA 7:15 - Nanduk Ngget Tul Pidnak Wene

¹⁵ Nde, an-nen kwaroso mende-ge an nindi yebet kasu bug-o Nde, an-e irit kwareyeg-o luk yidnak mende keya buruk, an nisili kaso mende na-t kwarusu-o.

OROMA 7:15 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:46

Ab-e meya kwarigit lak konak nag-e woragwi buk me, kat kilirak-nen nde meya kwarogola-ge, kat kisilepma luk keya unpugunmu, wim nap-nen urugwe nggwe rak unpuruk, kugun wok unpuruk erepma ala na irit, koroga ala na irit wok unpuruk mburuwarik woragola-ge,

NDAWI ENGGA 1:6

Nde, lud tak nak kwarugwi nab-e Nagawan Indo-nen nggetlel unpuruk, ndemel unpuruk nuwa-t nde, meya yugwi nap-nen mbitli tula iri-ge lak tak unpurak sa mbitli-o.

NDAWI ENGGA 101:3

Nde, meya elem iri-ge an-e mondok lak tak pimin-o. Indi angin tubu yidnak mbo bidnak nap-nen kwarugwi iri-ge an-e nisili-nen yusu-o. An-e it inmin kundimin pug-o.

NDAWI ENGGA 119:104

Kat-nen idnak imiri mbarak pidnak wene-nen-e nindi ngarak posola, an-nen-e lugud tak kwarugwi iri-ge nisili rak pusu-o.

NDAWI ENGGA 119:113

An-e kat-nen idnak imiri mbarak pidnak wene-ge mondok nindi kundik irit worasu-o. Nde, ap mondok kat-nen yidnak yidnak kwarugwi buk nab-e nisili rak unpusu-o.

NDAWI ENGGA 119:128

Iri bem-e an-e kat-nen mirik nibidnak oboksa ndak ndag-et kwarosolat woramin-o. Nde, lugud tak kwaril mburugwi iri-ge an-e nisili-o.

NDAWI ENGGA 19:12

Ap-nen-e it-nen meya kwatli ereba na-ge kwara kali-ge bug-o. An-nen meya kwarigi-t nde, yebet kagit lak worasu-ge kat-nen lak tak puruk, marak nibi-o.

NDAWI ENGGA 65:3

An-nen meya kwaroso-ge mondok kwarar-et nde, kat-nen kamberam tak pigen-o.

NGGOMO WENE 13:5

Mot mot kwarugwi nab-e ennesiget yugwi iri-ge insili-nen yusu-o. Meya yugwi nap-nen-e ap innggiri rak pogolat, unnu mbilaro ngin tak pugwi-nen yusu-o.

NGGOMO WENE 8:13

Nagawan Indo kek tak pogolar-e, meya kwarugwi elem iri na kinsili rak pogolar-o. Inndi-nen kek yugwi min enanggup kek yugwi min iri-ge mondok nisili rak pusu-o. An-e enpage meya kwarugwi min ap enmberam lagwi enne amburu min iri-ge mondok nisili-o.

AMOS 5:15

Meya kwarugwi elem iri-ge kinsili rak puruk, konak kwarugwi elem irit nggok tak pogolat wolmer-o. Iri kwarogolar-e, mot mot kwarugwi elem iri nggok tak pogolat wolmer-o. Erep-nen-e Nagawan Indo-nen-e enlem Isarael nap marig-et keya inpidnak ereba-ge enabuwa yuwa-t nde ma-o.

LUKAS 11:48

Iri kwatli iri-ge kit kenlawingga-nen kwariga mende-ge ob-et kwariga-o peragoluk-nen kwatli-o. It-nen indiga nap enmanggim-e kit-nen it yapma inpidnak sa o wosa konogola-nen yigi-o.

YOANES 15:15

Ndegel unpugwi nap-nen-e it ineid-nen kwarusu mende-ge enaru buk nak woragwi me, yawo-ge an-nen ’Ndegel nubugwi nab-o’ luk yak kindimin pug-o. Are, an Neid-nen an yak niridnak wene pidsa kit yak kindigirik me, ’Nanggamirag-o’ luk yak kundusu-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

OROMA 14:22

Kat-nen konag-o luk peraso mende iri-ge kat kondomok kamanggim Mbal Pem Nagawan imbiri bem nak kwarosolat wolmin-o. Nde, at-nen konag-et kwarusu-o luk kwaridnak pem at na at ondomok ebem wene mbaroso buk nab-e alen min-et worasu-o.

OROMA 7:16

Nde, an-nen-e iri kwarimin pug-o luk peraidnak mende nak kwarosolar-e, imiri mbarak pidnak wene-ge konak wene-nen yusu-o luk yebet kasu-o.

NGGALATIA 5:17

Nde, ki nap-nen ukwe ukwe yugwi mende-nen-e Konak Indi-nen isili kaso mende irit indingen-o. Nde, Konak indi-nen indingen kaso mende-ge ki nap-nen ukwe ukwe yugwi mende iri-nen isili-o. It enmbereg-e wim mbarak me, kit-nen ”Iri nggal kwaruwog-o” luk kinndi-n peraidnak iri na kwarurag-e meya-t yusu-o.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

IBERANI 1:9

Kar-e mot mot kwarugwi-ge kindingen tak posolat, nde, lugud tak kwarugwi-ge kisili rak posolat yoso karuk, Mbal Pem Nagawan, Kembal Pem Nagawan iri-nen-e kalen tak posolar-e, kat kanggamirak na teberak unpuruk, kat nak kek tak kuburak pem len kibij-o” luk yij-o.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

YURAS 1:23

it inmiri yuwakluk, kanduk arem-nen lesa inpil lumer-o. Nde, ap erep na enabuwa kagolar-e, kinndi kwiye min-et enabuwa kagolar-et nde, it unsum it enaboro-nen ukwe ukwe yugwi mende-nen kik tak pidnak sum iri-ge kinsili rak pugup na-e.