OROMA 7:14 - Nanduk Ngget Tul Pidnak Wene

¹⁴ Imiri mbarak pidnak wene iri-ge Mbal Pem Nagawan Indi-nen pidnak wene-nen yusu-o luk nenaru yili-o. Alat nde, an-e ki nap-nen yusu-o. Nde, meya kwarugwi elem-nen nonggo posola an-e meya kwarugwi elem ndegel oboso-nen yusu-o.

OROMA 7:14 ပူးပေါင်းရင်းမြစ်များ

NDAK WIRIDNAK WENE 37:27

At yu-ge nit nondomok nonowor-et nde, andi bandi rak purag-e meya-o. Konag-e Ismael nap yeba enpem onggo wanuwog-o” luk anggamirak yak ondosoloma-ge, it-nen-e ”Ob-o” luk yiga-o.

NDAK WIRIDNAK WENE 37:36

Iri kwarosolat Yakup na worala-ge, Yusup waruk mbiriga na-ge it Mirian nap-nen-e Yusup na-ge Mesira nagawan woraso sa yik karok woragwi san ombo ereba na enanggul pem san ombo nggok Potipat iri na bem onggo waniga-o.

NDAK WIRIDNAK WENE 40:15

Nde, an-e Iberani nap enma-nen kurak nuburuk, lobok yigarik, o Mesira yu me worasu-o. Nde, an-e meya mbi kwarigit lag-et nde, o kubu me nibikma worasu-o” luk yij-o.

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

1 NAGAWAN NAGAWAN-NEN KWARIDNAK WENE 21:25

Nde, Nagawan Indo erengen pem-e Akap-nen indi-net wat tak puruk, mondok yi meya ndi meya kwarid iri na nggal-e ap mbi-nen mondok kwaroso bug-o. Nde at-nen yi meya ndi meya kwaroso ereba-ge ogwe Isebel-nen arem woragosola-net kwaroso-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

NDAWI ENGGA 51:6

Kat-nen-e ndemeret ab-e mot mot wolmomtak irit perasu-o. An nindi-ge kindi nggat nggat elem-nen kobong tak nibi-o.

NGGOMO WENE 30:2

An-e mondok wam nggal yebet kaso buk, nindi lak-nen yusu-o.

NGGOMO WENE 30:5

Mbal Pem Nagawan-e ’Irit kwat kinpimin-o’ luk urul pidnak iri-ge oboksa ndak ndag-et kwaroso-o. Kwiye-nen at eram mbitli nap oboksa undumno nggal kwat yusu-o.

YESAYA 50:1

Nagawan Indo-nen Isarael nap yak ondosolar-e: ”Nilirak wa-e. Kit kinndi-nen yebet kagolar-e: ’Ununtak-nen onkwerak langgara wirik inpili iri na nggal Nagawan Indo-nen wirik nunpusu-o’ luk perali-a? Iri nde peragolat ala-ge, ’Keya kinpimin-o’ luk engga mbal kindigi-ge ngge-o? Kit kinndi arem-nen peragolar-e: ’Namat wanidnak pem ilirak namat uwi yaga arengge ombo wok indili iri na nggal ap enpem Nagawan Indo-nen nonnggo yarusu-o’ luk perali-a? Iri nggal-e lag-o! Kit kondomok-nen wene kwid togolat, meya kwarogolat kwarigep iri na bem-nen kamasa mbo kinpil mbiriga-o.

YESAYA 52:3

Nagawan Indo-nen at ilirak yak ondosolar-e: ”Kir-e konnggo pigit lag-et ap ndegel unpugwi nap kwat yigep iri nggal-et wisirik konpogolat na we onggo lag-et wisirik kunpuwa-o,

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

AMOS 2:6

Nagawan Indo-nen yosolar-e: ”Isarael nab-e pempa meya nak kwat tenak worali-o. Iri bem-e an-nen-e ndemeret angin worak enpem mberak pimin-o. Nde, it-nen-e ap mot mot yugwi nap-nen ap enpem luru wanidnak ereba na nde tuguruk uwi yagurak meya ala-ge, it enpe nde ap ndegel unpuwakluk onnggo yatli-o. Iri nggal-et ap insilobulo lak nap-nen na uwang luru wanidnak uwi yagurak meya ala, unuwok sum misik ondok min onggo mondok marik pugwi ndak ndak wanidnak pem-et nde, it enpe ap ndegel unpuwakluk onnggo wanili-o.

MATIUS 16:23

Yosoloma-ge, Yesus na nden karuk-nen Peterus na yak tosolar-e: ”Sere wa-e. Kar-e an nombol nggwe mbiri-o. Kar-e an nuwok pijaksa mbud tak nuburak kerep nggal-nen yusu-o. Kat-nen perasu mende iri-ge Mbal Pem Nagawan-nen peraso nggal-e lag-o. Nggweyak ma nap-nen peragwi mende nak perasu-o” luk yak tij-o.

MATIUS 18:25

Alat nde, ap iri na-nen uwi yagurag-e mondok meya ala karuk, nagawan iri na-nen ene amawi min yosolar-e: ’At namat iri uwi yagurak pem ap yu na nde at ogwe la nde at arengge oboksa wene werer-o’ luk yij-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 5:28

Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

LUKAS 7:6

Yogolikma-ge, Yesus na it inmin luk mberarik, ap iri na uwi mborom panggo panggo wok yosoma-ge, san winde wari na-nen wene yu yak tuwakluk at anggamirak mbi wirik enpamu-ge, Yesus yak togolar-e: ”Kuwok al masa an nggal nama nggurag-e meya-o.

OROMA 3:9

Iri ala-ge, nit Yawuri nab-e kek tak woragola, enlem nin nab-e teberak woragwi-a? Mondok lag-o! Nde, an nanduk yak kodosolar-e, Yawuri nap na irit, enlem nin nap na irit pik paksa-ge meya yugwi elem-nen teberak unpuruk woraso-o luk yak kindigi nar-o.

OROMA 6:6

Nde, wene yu-ge nenaru nar-o. Nit meya kwarugwi nenpage iri na yigisa lak tak peyekluk, nit nenpage nanduk mende iri-ge Kerisut imin e lang pang tak pem worak pamu-o. Iri kwarid iri-ge, nir-e meya kwarugwi elem na ndegel pogolat wolma naru-nen kwarij-o.

OROMA 7:18

Ki nap-nen kwarugwi mende-ge an narem worasu me, konak kwarurak elem-e an narem worasu bug-o luk an-e naru yusu-o. Nde, konak nak kwareyeg-o luk, narem perasola-t nde, kwarurag-e meya yusu-o.

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

TUGURUK YIDNAK WENE 6:5

Kit-nen kinndi ebis-et Nagawan Indo Kenmbal Pem Nagawan abuwa kagolar-e, at abuwa kagwi iri nam tak pogolar-e, kit kenpage bem-nen na irit, kit-nen kwarugwi bem-nen na irit nam tak per-o.

IBERANI 4:12

Nde, Mbal Pem Nagawan-nen yidnak wene-ge uruk nak woraso, amawi kwarat-nen yusu-o. Yalawi anggat ponok ponok worak iri-ge anggar-e te-t nde, Mbal Pem Nagawan-nen yidnak wene-ge anggar-e terak minik-net yusu-o. Wene iri-nen at enarem nggosolar-e, enaboro-nen ukwe yugwi inndi na arik lenak posolat, inndi-nen ukwe yugwi inndi na arik lenak posolat, il min enpa min lenak posolat; ap inndi-nen ukwe ukwe yugwi min ap inndi arem-nen yebet kagwi min nam tak poso abam-nen yusu-o.