OROMA 7:12 - Nanduk Ngget Tul Pidnak Wene

¹² Nde, imiri mbarak pidnak wene-ge marak-nen yusu-o. ”Iri nggal kwaru-o” yidnak wene-ge marak, mot mot, konak-nen yusu-o.

OROMA 7:12 ပူးပေါင်းရင်းမြစ်များ

NEMIA 9:13

Mbal pem-nen kar-e Ndobo Sinai bem mbuwaigen-o. Mbuwasolar-e, kar-e kambik kilirak inmin wene mbarigen-o. Kat-nen-e ndemeret imiri mbarak pidnak wene mondok lud tak konag-et kwarogolat wolmomtak wene irit wok indigen-o.

NDAWI ENGGA 119:127

Emas min emas kopkap lak min inndi nggok tak pugwi iri-ge ija-t nde, an-nen kat-nen ”Iri kwarurag-o” luk nebem pidnak wene ereba na bem nindi nggok tak pusu-ge mondok terak minik-net yusu-o.

NDAWI ENGGA 119:137

Nagawan Indo wa-e. Kar-e ndemeret mot mot kwaroso me, kat-nen idnak imiri mbarak pidnak wene-ge ndemeret mot mot-net yusu-o.

NDAWI ENGGA 119:140

Kat-nen urul pidnak wene ereba na-ge ndemeret tugup lak, ndemerer-o luk inndi ebem wat tak pugwi-nen yusu-o. An nindi-ge kat-nen urul pidnak wene iri na ebem kundik worasu-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

OROMA 3:31

Iri ala-ge, ninndi angin tubu yili iri-ge imiri mbarak pidnak wene iri-ge lak tak purak pem kwatli-a? Mondok lag-o! Are, Musa-nen imiri mbarak pidnak wene na-ge mondok tugup lak tak puwokluk-nen yili-o.

OROMA 7:14

Imiri mbarak pidnak wene iri-ge Mbal Pem Nagawan Indi-nen pidnak wene-nen yusu-o luk nenaru yili-o. Alat nde, an-e ki nap-nen yusu-o. Nde, meya kwarugwi elem-nen nonggo posola an-e meya kwarugwi elem ndegel oboso-nen yusu-o.

OROMA 7:16

Nde, an-nen-e iri kwarimin pug-o luk peraidnak mende nak kwarosolar-e, imiri mbarak pidnak wene-ge konak wene-nen yusu-o luk yebet kasu-o.

TUGURUK YIDNAK WENE 10:12

Musa-nen yosolar-e: ”Nanggamirak Isarael nap wa-e. Nagawan Indo Kenmbal Pem Nagawan-nen kwarurak wene kenpem pusu yu kwara yebet ker-o. Nagawan Indo Kenmbal Pem Nagawan nak kek tak pogolat, at-nen yidnak yidnak oboksa kwarogolat, ndemeret kinndi-net at nak abuwa karuk, ndegel uburag-o.

TUGURUK YIDNAK WENE 4:8

Ap enlem nggog-e tarak nggal-nen imiri mbarak pidnak wene mot mot an-nen yawo mul kundusu yu nggal mbi it tena worali-a?

1 TIMOTIUS 1:8

Imiri mbarak pidnak wene-nen yidnak ndak ndag-et kwarogolat-nen-e imiri mbarak pidnak wene iri-ge konak-nen yusu-o luk nenaru nar-o.