OROMA 6:4 - Nanduk Ngget Tul Pidnak Wene

⁴ Nde, nit yi ma ninpiga iri-ge at imin totno wat luk, at imin totno yapma nonpogolat-nen yi ma ninpiga-o. Nde, Nineid kek tak woraso amawi-nen-e wat yidnak nap ennggendumu-nen Kerisut uruk tak pid nggal, iri nggal-et nit-nen na ngget mende bem-et waring kujwakluk nunluk tak pij-o.

OROMA 6:4 ပူးပေါင်းရင်းမြစ်များ

YOANES 11:40

Yosoloma-ge, Yesus-nen Marata na yak tosolar-e: ” ’Kat kindi angin tubu yosola-ge, Mbal Pem Nagawan kek tak woraso iri-nen idnak amawi kagun-o’ luk yanem-et yak kirigi na-ge lag-a?” luk yak tij-o.

YOANES 2:11

Yesus na-ge at-nen kwiye worak mende tel korosolar-e, Nggalilea wi o siri Kana iri me-nen tel kwirij-o. Nde, kwiye worak mende iri kwarid iri bem-nen at-nen kek tak woraso nam tak posola, at owosirag-e at ebem inndi angin tubu yiga-o.

YIDNAK YIDNAK WENE 2:24

Alat nde, Mbal Pem Nagawan-nen tuguruk uruk tak posolar-e, wat yugwi elem iri-nen Yesus tena wolmomtag-e mondok meya me, wat yugwi elem yane wurugwi iri inggiyem-nen at-nen weserak pamu-o.

YIDNAK YIDNAK WENE 2:32

Yesus yu-ge Mbal Pem Nagawan-nen uruk tak pamu-o. Uruk tak pidnak na-ge nit pidsa nenlengen-nen kaige-o.

OROMA 6:19

Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.

OROMA 6:3

Nir-e Kerisut Yesus imin kundik wolmakluk yi ma ninpiga iri-ge, at nit totno wat yogolat-nen yige-o luk kir-e kenaru bug-a?

OROMA 6:8

Nde, nit nde Kerisut imin totno wat yidnak ala-ge, at imin totno nunlug-et mul-o luk ninndi angin tubu yili-o.

OROMA 6:9

Kerisut na-ge wat yidnak nap ennggendumu-nen uruk tak pidnak ombol nggwe-ge tuguruk wat ma bug-o luk nir-e nenaru yili-o. Nde, wat yugwi elem-nen-e at urugwe nggwe rak uburag-e mondok meya-o.

OROMA 7:6

Alat nde, kamat nunpuruk woraso imiri mbarak pidnak wene na inggi wesera wat yigerik me, nit yawo-ge imiri mbarak pidnak wene inggem-nen weserak ninpidnak worali-o. Iri bem-e, nir-e nanduk ininggi-nen mbaridnak imiri mbarak pidnak wene na ndegel ibili-ge lag-o. Are, Konak Indi-nen mirik ninpidnak ngget mende iri ndegel ibili-o.

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

1 KORINTUS 6:14

Mbal Pem Nagawan-nen Nagawan Indo na mendak pid iri na-net at amawi bem nit na irit mendak nunpuwa-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

2 KORINTUS 5:17

Ta-nen nde Kerisut imin kundik worasola-ge, at abage ngget tak ibidnak-nen yusu-o. Abage nanduk na-ge lak lug-e, abage ngget irit kwat yamu-o.

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

EPESUS 5:8

Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.

KOLOSE 3:10

kenpage ngget mende wanigeb-o. Kenpage ngget mende iri-ge ndak worak pid Mbal Pem Nagawan-nen-e at abage nggal pempa pempa ngget tak konposolar-e, at mondok kenaru tobokluk-nen kwarusu-o.

KOLOSE 4:1

Kit nagawan nagawan wa-e. Kit ndegel kunpugwi nap kwat onpogolar-e, ndemeret mot mor-et kwat onpogolat wolmer-o. Kit min-et Kenagawan Indo-ge aid arem worasu-o luk kenaru nar-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.

1 YOANES 2:6

Ta-nen nde: ”An-e Mbal Pem Nagawan imin kundik worasu-o” luk yosolar-e, ar-e Yesus Kerisut abage nggal-et wolmomtag-o.