OROMA 6:3 - Nanduk Ngget Tul Pidnak Wene

³ Nir-e Kerisut Yesus imin kundik wolmakluk yi ma ninpiga iri-ge, at nit totno wat yogolat-nen yige-o luk kir-e kenaru bug-a?

OROMA 6:3 ပူးပေါင်းရင်းမြစ်များ

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

YIDNAK YIDNAK WENE 19:5

Yak ondosola kulurug-e, Nagawan Indo Yesus unu bem-et yi ma inpij-o.

YIDNAK YIDNAK WENE 2:38

Yogolikma-ge, Peterus-nen it yak ondosolar-e: ”Kondok yer-o. Kit meya yogolat woraidnak lak tak puwakluk, kenarik tak Yesus Kerisut unu bem yi ma konpogola-ge, Konak Indi-ge onggo lag-et we irit wanugub-o.

YIDNAK YIDNAK WENE 8:16

It iri-ge Nagawan Indo Yesus unu bem nak yi ma inpidnak me, it ennggendumu-nen ap misiger-o luk tet Konak Indi-ge enpem mbuwagit lag-o.

OROMA 6:16

Nde, at-nen yidnak yidnak kwaruwokluk kit na kit-net kenpe kegera ap mbi wok togola-ge, kir-e at iri ndegel ubugwi nap-net yili-o. Meya yugwi elem ndegel ubugup ala-ge, war-et yugub-o. Nde, Mbal Pem Nagawan-nen yidnak yidnak nak wanugup ala-ge, lud tak nak kunpuwa-o luk kenaru buk yili-a?

OROMA 6:8

Nde, nit nde Kerisut imin totno wat yidnak ala-ge, at imin totno nunlug-et mul-o luk ninndi angin tubu yili-o.

OROMA 7:1

Nowe nowosi wa-e. Imiri mbarak pidnak wene kenaru nap kinmin yusu-o. ”Ab-e unluk woragolat nak imiri mbarak pidnak wene urugwe nggwe woragwi-o” yidnak wene-ge kir-e kenaru bug-a?

1 KORINTUS 10:2

Ir-e Musa imbirik mburugwi nap kwat makluk, nggan nggan min yi koma min-nen mat inpij-o.

1 KORINTUS 12:13

Iri nggal-et, nit pidsa-ge Yawuri nap na irit, Yunani nap na irit, ndegel unpuwakluk onnggo pidnak nap na irit, weserak woragwi nap na irit, Konak Indi misiget iri-nen nit pidsa ebe misiget tak nenpeyekluk yi ma nonposola, nit pidsa-nen yi ninggidnak nggal Konak Indi misiget nak mak nondosola, nili-o.

1 KORINTUS 15:29

Iri nggal ala-ge, noluk-nen wat yidnak nap enmanggim ap yi ma unpurak yili-o? Nde, wat yidnak nab-e ndemeret unluk tak poso buk nde ala-ge, noluk-nen wat yidnak nap enmanggim yi ma inpili-o?

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 5:6

Kit-nen kek yili iri-ge meya-o. Oroti lomboroso mende marik komosa-t nde, oroti enggendumu posoma, oroti pidsa lumburusu iri-ge kir-e kenaru bug-a?

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

1 KORINTUS 9:13

Mbal Pem Nagawan ama yabu wanugwi nap-nen-e it norak mende-ge iri me-nen wanogolat, nde, wam wosa Mbal Pem Nagawan amanggim kan pugwi sa iri me wam wurugwi nap-nen-e wam ereb-e iri me-nen wanogolat kwarugwi iri-ge kir-e kenaru bug-a?

1 KORINTUS 9:24

Pong kagolar-e, it pong kagwi nap pidsa ndak ndak puburak mbiridnag-et nde, nggareksa mbiridnak nap misiget nak-nen onggo wanoso kir-e kenaru bug-a? Iri nggal-et kir-e onggo wanurak pem-e pong nak kagolat wolmer-o.

2 KORINTUS 13:5

Kit na kit-net kinndi mbenarer-o. Kir-e ndemeret kinndi angin tubu yidnak pem tugup lak worali, lak? luk kondomok kinndi ngarer-o. Kerisut Yesus-e nit nenarem worasu-o luk kenaru yili, lak? Nde, Yesus-e kenarem lak ala-ge, mborok tak pigep pem-nen-o.

NGGALATIA 3:27

Kerisut imin kundik yogolar-e, yi mat kinpidnak nap kit oboksa-nen-e Kerisut imin nggetlel yigeb-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.