OROMA 6:23 - Nanduk Ngget Tul Pidnak Wene

²³ Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

OROMA 6:23 ပူးပေါင်းရင်းမြစ်များ

NDAK WIRIDNAK WENE 2:17

Alat nde, meya min konak min elem enaru rak poso e yu engen perak nde, mondok norak pug-o. Nunggun nde ala-ge, nunggun iri tarem-et wat yugun-o” yak tij-o.

NDAK WIRIDNAK WENE 3:19

Kar-e nggweyak yu bem-nen yabu wanosolar-e, mondok pabik paboksa wanosolat, kirigak mburuk-net yi mende ndi mende ebe-ge kwat mag-o. Iri kwat tenak irit worasoma, kar-e tuguruk nggweyak kwat min-o. Kar-e nggweyak-net ngen mbara keya kuburuk ndak wat kibidnak me, tuguruk kerem eram mburugun-o” luk yak tij-o.

YESKIEL 18:20

Meya yoso nab-e war-et ma-o. Eid-nen meya yidnak pem-e ambara ebem angin worak mbuwa bug-o. Iri nggal-et ambara-nen meya yidnak pem-e eid ebem angin worak mbuwa bug-o. Konak nab-e at-nen konak nak kwarosolat woraidnak pem onggo-ge konag-et wanuwa-o. Nde, meya yugwi nab-e at-nen meya kwaridnak pem andi bandi kagolat wolma-o.

YESKIEL 18:4

Ap oboksa inndi iri-ge an narengge-nen yusu-o. Ineid iniya inndi na irit, inlirak inndi na irit an narengge-nen yusu-o. Meya yoso nap iri-ge at iri na-t wat ma-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

YOANES 10:28

An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 4:36

Nde, mburu ndagoso nap-nen-e onggo wanosolar-e, unlug-et woralik nalik momtak amanggim ndok woroso-o. Iri bem-e, yagoso nap min ndagoso nap min-e enmbereg-et enalen worak wolma-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YOANES 6:68

Simon Peterus-nen at yak tosolar-e: ”Nagawan Indo wa-e. Ta eram nde mburul-o? Kat kene-ge unluk yaga wok ondoso-nen yusu-o.

OROMA 1:32

Mbal Pem Nagawan-nen imiri mbarak pidnak wene-nen yosolar-e: ”Iri nggal kwarugwi nab-e mondok wat ma-o” luk yidnak iri-ge ir-e enaru-net nde, iri mende nak kwat tenak woragolat, nde, ap erep-nen na iri nggal kwarogola inndingen kali-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 5:12

Ap misik-nen kwaridnak pem-e meya kwarugwi elem-e nggweyak ma yu me ngguwagaij-o. Nde, at-nen meya yidnak pem-e wat yugwi elem na ngguwagaij-o. Iri kwarid pem-e, ap pidsa meya na kwarugwi me, wat yugwi elem na-ge ap pidsa enpem ndi wat agaij-o.

OROMA 5:17

Ap misik-nen meya yidnak-nen ndowaga ap pidsa wat yugwi elem urugwe nggwe woraiga iri-ge ija-t nde, misik nap Yesus Kerisut-nen kwaridnak pem-e we wok ondoso elem kwarat min onggo lag-et lud tak nak onposo min wok nunduwa nab-e Yesus Kerisut ebem-et nunluk woragolar-e, kek tag-et wulmul iri perak nde nggulok lombog-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

OROMA 6:16

Nde, at-nen yidnak yidnak kwaruwokluk kit na kit-net kenpe kegera ap mbi wok togola-ge, kir-e at iri ndegel ubugwi nap-net yili-o. Meya yugwi elem ndegel ubugup ala-ge, war-et yugub-o. Nde, Mbal Pem Nagawan-nen yidnak yidnak nak wanugup ala-ge, lud tak nak kunpuwa-o luk kenaru buk yili-a?

OROMA 6:21

Nanduk kwarugwi bem iri nggal kwarige-o luk yawo kinnggiri kali na bem-e, onggo-ge no mende nde lesa wanigeb-o? Lag-o. Iri mende kwarugwi onggo-ge wat yugwi elem-nen yusu-o.

OROMA 8:13

Kir-e ki nap-nen kwarugwi mende nak kwarugup nde ala-ge, wat yugub-o. Alat nde, Konak Indi bem-nen kit kenpe-nen kwarugwi mende worak pugup nde ala-ge, kunlug-et woragub-o.

OROMA 8:38

Nde, Yesus nenabuwa kaso iri na arem-nen kuri worak nunpurak mende-ge mondok lag-o. Wat yugwi mende-nen na, unluk woragwi mende-nen na, aid nap-nen na, teram woraso amawi-nen na, yawo worasu mende-nen na, abok wok ma mende-nen na,

OROMA 8:39

teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

OROMA 8:6

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

YAKOBUS 1:15

Nde, at-nen ukwe ukwe iri na-nen yidnak yidnak kwarosolar-e, meya kwarugwi elem ndagoso-o. Nde, meya na ebe kwarosolar-e, wat yugwi elem irit ndagoso-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.