OROMA 6:22 - Nanduk Ngget Tul Pidnak Wene

²² Alat nde, yawo-ge kir-e meya kwarugwi elem ndegel ubugwi inggem-nen weserak kinpidnak me, kir-e Mbal Pem Nagawan ndegel ubugwi nap-net yili-o. Iri bem-e, kit-nen onggo wanogolar-e, Mbal Pem Nagawan amanggim nak woragup pem-e kunlug-et woralik nalik woragub-o.

OROMA 6:22 ပူးပေါင်းရင်းမြစ်များ

NDAK WIRIDNAK WENE 50:17

kat kamanggim wene posolar-e: ’Kat kowerak-nen nanduk kat lel kibidnak iri-ge mondok kamberam tak purag-o. Kindi yeberak wolmomtak pug-o yak kiridnak ala karuk, nit nineid-nen erembel wanoso Mbal Pem Nagawan ndegel ubugwi nap nit-nen yak kitli-o. Nab-o. Nit-nen kat kimin meya kwarogolat woraige na-ge kat-nen kindi yeberak wolmomtak pug-o. Mondok lak tak pi-o’ iri luk kowerak-nen yiga-o” luk ap na-nen yak tosola, kolosolar-e, Yusub-e yip kwarat yij-o.

AYUP 1:8

Yosoloma, Nagawan Indo-nen kin wok obosolar-e: ”Kar-e an ndegel noboso nap Ayup-nen worasu abage iri-ge kwara kaigen, lak? Yi wi ndi wi oboksa-nen mbi at Ayup iri nggal indi tugup lak, konak iri nggal mbi worali bug-o. At iri-ge an nak kek tak nobosolat, meya mbi mondok kwarusu bug-o” luk yak tij-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

NDANIEL 3:26

Iri luk, Nebukatnesat iri na kan nasu iri na tumende bem wok yosolat-nen ene nggoksa yosolar-e: ”Sanderak min Mesak min Abetnego min kit Mbal Pem Nagawan Mondok Kek tak iri na ndegel ubugwi nap wa-e. Kanduk iri arem-nen kesera lobok yer-o!” yosoloma, it ereya na-ge kanduk iri na arem-nen lobok yiga-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

WONARIDNAK WENE 23:10

Yakup-nen wigarag-e mondok o liri nggal wonarurak pug-o. Isarael nap enpe-ge mondok wene yurag-e meya-o. An-e ap mot mot nggal-et mot mot woraruk wat yeg-o. An nuruk woralar-e, it iri worali nggal-et worayeg-o” luk yij-o.

MATIUS 13:40

Iri ala-ge, kuri na-ge ndok wosa kan pugwi nggal, i worok yuwa tarem-e iri nggal-et kwaruwa-o.

MATIUS 13:43

Iri na tarem-e it lud tak nak kwarugwi nab-e it Ineid-nen tenagaidnak wi iri me woragolar-e, molengen nggal enabinal worak wolma-o. Iri bem-e, ta-nen nde eyanggo worak ala-ge, wene yu kwara kuluwag-o.”

MATIUS 19:29

Nde, an nebem ala at uwi worak nde owe owot nde iridtak nde eid ija nde ilirak nde eyabu nde keya buruk nuwa nab-e, iri mende ondolmasa seratus pem wanosolat, pem-et uruk wolmomtak elem winde yosolat ma-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YOANES 4:36

Nde, mburu ndagoso nap-nen-e onggo wanosolar-e, unlug-et woralik nalik momtak amanggim ndok woroso-o. Iri bem-e, yagoso nap min ndagoso nap min-e enmbereg-et enalen worak wolma-o.

YOANES 8:32

Kit-nen ndemeret wene kenaru yogola-ge, wene iri-nen-e wisirik kunpuwa-o” luk yak indij-o.

OROMA 6:14

Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

OROMA 6:18

Meya kwarugwi elem na ndegel ubugwi iri inggem-nen weserak kenpamu, yawo-ge lud tak nak kwarugwi elem ndegel ubugwi nap kwat yigeb-o.

OROMA 6:21

Nanduk kwarugwi bem iri nggal kwarige-o luk yawo kinnggiri kali na bem-e, onggo-ge no mende nde lesa wanigeb-o? Lag-o. Iri mende kwarugwi onggo-ge wat yugwi elem-nen yusu-o.

OROMA 7:25

Nenagawan Indo Yesus Kerisut ebem-nen Mbal Pem Nagawan nak wiwa-o yak turag-o. Iri ala-ge, an-e yu nggal kwarusu-o. An nindi-nen-e Mbal Pem Nagawan-nen idnak imiri mbarak pidnak wene na ndegel ubusu-t nde, nebage ki nap iri-nen kwarosolar-e, meya kwarugwi elem irit ndegel ubusu-o.

OROMA 7:4

Nowe nowosi wae. Ap misik arengge kwat yobokluk, kit na iri nggal-et Kerisut ebe min kwin luk, imiri mbarak pidnak wene inggi wesera wat yigeb-o. Nde, nir-e Mbal Pem Nagawan amanggim engen puwakluk, yawo-ge kir-e wat yidnak nap enngendumu-nen uruk tak pidnak nap arengge-net yili-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 7:22

Ta-nen nde onggo lak we irit ap ndegel onposo nap worasoma, Nagawan Indo-nen wene mbo ibidnak ala-ge, at iri-ge Nagawan Indo-nen idnak wisirik nap-nen yusu-o. Iri nggal-et at weserak woraso nap worasoma, Kerisut-nen wene mbo ibidnak ala-ge, at iri-ge Kerisut ndegel oboso nap-nen yusu-o.

2 KORINTUS 3:17

Nde, engga wene iri arem-e Nagawan Indo yidnak iri-ge Konak Indi min yij-o. Nde, Nagawan Indo Indi woraso sa iri me-ge ab-e weserak nak woragwi-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

EPESUS 5:9

Yaya iri-nen engen utlud posolar-e, konak nak kwarugwi elem min lud tak nak woragwi elem min ndemeret wene min irit pusu-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

PILIPI 4:17

Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

TITUS 1:1

Mbal Pem Nagawan ndegel oboso nap, Yesus Kerisut-nen idnak wirik nibidnak nap Paulus an-nen mbarusu-o. Mbal Pem Nagawan-nen len inpidnak nap inndi angin tubu yidnak na elem yabuwakluk, nit mul nindidnak aid wene, ndemeret wene iri na mul unduwakluk, an len nuburuk, wirik nibid irir-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

1 PETERUS 1:9

Kit-nen Nagawan Indo ebem kinndi angin tubu yidnak iri na ebe kwat yosolar-e, kinmiri yuwa irir-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

NAM PARA WENE 7:13

Enne kulugwi nap misik-nen an kin wok nobosolar-e: ”It unsum loro yirik yeba-ge ta rag-o? Ngge me-nen lobok yidnag-o?” luk kin wok nibij-o.